فك قفل فتيس ميجان الأوتو يدويا

[MohammedAladel]

السلام عليكم طبعا موضوع بسيط بس أنا نفسى مكنتش أعرفه وعرفته بالصدفة

لو جايب الفتيس على وضع ال p والعربية مبطلة وجيت تدور لقيت البطارية نايمة خالص أو مفيش كهرباء فى العربية

بنشيل الغطاء البلاستيك اللى حوالين عصا الفتيس اللى فيه الاوضاع P R N D وهنلاقى حتة جلدة مدورة حوالين عصا الفتيس من على الشمال قدام فى الجلدة دى هنلاقى مكان متحدد فيها ودا تحتيه زرار بندوس فرامل مع الزرا ر دا مع زرار عصا الفتيس هنقدر نحرره من وضع القفل

[figoo2001010]

جامدة دى .......... شكرااااااااااااً على المعلومة

[mastr_n]

مشكور اخى الكريم

[hossam_elwani]

السلام عليكم طبعا موضوع بسيط بس أنا نفسى مكنتش أعرفه وعرفته بالصدفة

لو جايب الفتيس على وضع ال p والعربية مبطلة وجيت تدور لقيت البطارية نايمة خالص أو مفيش كهرباء فى العربية

بنشيل الغطاء البلاستيك اللى حوالين عصا الفتيس اللى فيه الاوضاع p r n d وهنلاقى حتة جلدة مدورة حوالين عصا الفتيس من على الشمال قدام فى الجلدة دى هنلاقى مكان متحدد فيها ودا تحتيه زرار بندوس فرامل مع الزرا ر دا مع زرار عصا الفتيس هنقدر نحرره من وضع القفل

لفه طويله مش عارف مش عاملينه ظاهر وسهل ليه ؟؟؟

[ecybrarian]

فين الصور يا هندسة؟؟؟ عموما مشكور على المعلومات

[MohammedAladel]

لفه طويله مش عارف مش عاملينه ظاهر وسهل ليه ؟؟؟

لو عملوه ظاهر يبقى إيه لازمة اللوك ؟؟؟

الشرح دا يعتبر خاص بملاك السيارة يعنى الشركة مش بتبقى عايزة حد مش معاه العربية يعرف

عشان كدا عاملينه مستخبى لحالة الطوارئ

والموضوع سهل جدا وبسيط ومياخدش ربع دقيقة :)

[MohammedAladel]

فين الصور يا هندسة؟؟؟ عموما مشكور على المعلومات

هو مش مستاهل صور ياباشمهندس

هترفع الغطاء هو راكب ضغط بسهولة هيترفع معاك وهتبص فى الحتة الجلد هتلاقيه هتضغط عليه مع الفرامل ومع زرارد يد الفتيس وتنقل

والصور مش عارف اتلغت بدون قصد من ع الموبايل ومش هعرف أصورها تانى (بينى وبينك ) أصل حالف مركبش العربية بسبب مشكلة مع والدى

(على فكرة أنا مش هندسة )

[hossam_elwani]

لو عملوه ظاهر يبقى إيه لازمة اللوك ؟؟؟

الشرح دا يعتبر خاص بملاك السيارة يعنى الشركة مش بتبقى عايزة حد مش معاه العربية يعرف

عشان كدا عاملينه مستخبى لحالة الطوارئ

والموضوع سهل جدا وبسيط ومياخدش ربع دقيقة :)

لا مع احترامى لحضرتك هيا موجوده فى النيسان صنى ظاهره وباينه جداً واعتقد كمان فى الاوبترا

[hossam_elwani]

هو مش مستاهل صور ياباشمهندس

هترفع الغطاء هو راكب ضغط بسهولة هيترفع معاك وهتبص فى الحتة الجلد هتلاقيه هتضغط عليه مع الفرامل ومع زرارد يد الفتيس وتنقل

والصور مش عارف اتلغت بدون قصد من ع الموبايل ومش هعرف أصورها تانى (بينى وبينك ) أصل حالف مركبش العربية بسبب مشكلة مع والدى

(على فكرة أنا مش هندسة )

لا محتاجه صور لان عربية عمى حصل فيها عطل وقعدنا ندور على الزرار ده ومعرفناش نوصله بسهوله ابدا .. تلاقى حضرتك متعود عليه عشان كده سهل بلنسبه لك

[abdo_2812]

معلومة جديدة فعلا وقيمة
تسلم الأيادي ياكبير :)

[MohammedAladel]

[تامر.محمد]

لا مع احترامى لحضرتك هيا موجوده فى النيسان صنى ظاهره وباينه جداً واعتقد كمان فى الاوبترا

في الصني سايبين الدنيا عالبحري
انت عارف ان الفتيس بيتحرك عادي و انت ماشي من غير ما تدوس اي زرار ؟

[hossam_elwani]

كده تمام شكرا على التوضيح