مشكله فى فتيس ميجان 2005 ارجو المساعده

[emadel]

السلام عليكم ورحمه الله وبركاته

اشتريت ميجان من حوالى شهرين وظهرت معايا بعض المشاكل اتمنى تفيدونى فى حلها
اولا :لما امشى بالعربيه مشوار واقف فى اشاره او على مطب او فى الزحمة واجى اطلع بالعربية ادوس بنزين والار بى ام يعلى وفجأه العربيه تنتش مرة واحدة وكأنى عربيه خبطتنى من ورا ..

ثانيا : سحب العربيه ضعيف جدا ومش بتنقل بسرعه

ثالثا : ممكن امشى بالعربيه مشوار وابطل العربيه ولما ارجع ادورها مش بتدور غير لما اخلع كبل البطارية واركبه تانى ... والمشكله دى مش دايما بس بتحصل كتير

رابعا : شاشه الكمبيوتر احيانا بتختفى ومش بتعرض اى بيانات على الشاشة واحيانا اخرى بتعرض حروف غير مفهومه واحيانا اخرى بتعرض الكلام ناقص مش كامل

وهى دى كل مشاكلى مع العربيه لو اتحلت هكون مبسوط من العربيه ومش هفكر ابيعها وللامانة مستحرم ابيعها بالعيوب دى ومش عايز اضحك على حد زى ما انضحك عليا

ساعدونى الله يبارك فيكم

[shawkylotfy]

1. مشكلة الفتيس هتعمل اية هتروح التوكيل وهتغير الزيت علشان ممكن يكون الزيت ناقص
2. لو تغيير الزيت محلش المشكلة قولهم فى التوكيل عايز اغيير شنابر ديل الفتيس هيقولولك مش منها ومش عارف اية لا منها لان انا كان عندى نفس مشكلتك بالظبط وتغيير الشنابر هيكلفك حولى 400 مصنعية و 130 شنابر و 150 زيت دة فى التوكيل وياريت تبقى يخليهم يتاكدوا ان مفيش تسسيل زيت فتيس من ناحية الكوبلن علشان دة ممكن بيخلى الزيت ينقص .... دة كلة فى حالة انك مش بيجيلك رسالة شيك جيربوكس.

3. المشكلة بتاعت الدوراة ابقى اتاكد ان القواطيش راكبة كويس
4. مشكلة الشاشة كبر دماغك هى كل الميجان دة ساعات تشتغل وساعات تهيس دة للاسف من فيشة اللوحة

[emadel]

1. مشكلة الفتيس هتعمل اية هتروح التوكيل وهتغير الزيت علشان ممكن يكون الزيت ناقص
2. لو تغيير الزيت محلش المشكلة قولهم فى التوكيل عايز اغيير شنابر ديل الفتيس هيقولولك مش منها ومش عارف اية لا منها لان انا كان عندى نفس مشكلتك بالظبط وتغيير الشنابر هيكلفك حولى 400 مصنعية و 130 شنابر و 150 زيت دة فى التوكيل وياريت تبقى يخليهم يتاكدوا ان مفيش تسسيل زيت فتيس من ناحية الكوبلن علشان دة ممكن بيخلى الزيت ينقص .... دة كلة فى حالة انك مش بيجيلك رسالة شيك جيربوكس.

3. المشكلة بتاعت الدوراة ابقى اتاكد ان القواطيش راكبة كويس
4. مشكلة الشاشة كبر دماغك هى كل الميجان دة ساعات تشتغل وساعات تهيس دة للاسف من فيشة اللوحة

شكرا على اهتمامك
وان شاء الله هعمل اللى قولت عليه وهقولك ايه النتيجة

جزاك الله خيرا

[karezzzma]

1. مشكلة الفتيس هتعمل اية هتروح التوكيل وهتغير الزيت علشان ممكن يكون الزيت ناقص
2. لو تغيير الزيت محلش المشكلة قولهم فى التوكيل عايز اغيير شنابر ديل الفتيس هيقولولك مش منها ومش عارف اية لا منها لان انا كان عندى نفس مشكلتك بالظبط وتغيير الشنابر هيكلفك حولى 400 مصنعية و 130 شنابر و 150 زيت دة فى التوكيل وياريت تبقى يخليهم يتاكدوا ان مفيش تسسيل زيت فتيس من ناحية الكوبلن علشان دة ممكن بيخلى الزيت ينقص .... دة كلة فى حالة انك مش بيجيلك رسالة شيك جيربوكس.

طيب انا عندى نفس المشكله دى وطالعلى cheek gearbox
واما كشفت كمبيوتر طلع الكود Old Oil Acctive
يا ريت الى يعرف يقولى ايه المشكله دى

[shawkylotfy]

طيب انا عندى نفس المشكله دى وطالعلى cheek gearbox
واما كشفت كمبيوتر طلع الكود old oil acctive
يا ريت الى يعرف يقولى ايه المشكله دى

ممكن الزيت ناقص انت غيرتة والمشكلة لسة موجودة ؟ لو دة الحال يبقى ممكن من اللسولونيد

[karezzzma]

ممكن الزيت ناقص انت غيرتة والمشكلة لسة موجودة ؟ لو دة الحال يبقى ممكن من اللسولونيد

هيا ظهرت اما غيرته اصلا
كانت قبل كدا مش كاتبه حاجه على الكومبيوتر

[karezzzma]

ممكن الزيت ناقص انت غيرتة والمشكلة لسة موجودة ؟ لو دة الحال يبقى ممكن من اللسولونيد

هى مظهرتش الا لما غيرته اصلا
قبل مغيره مكنتش ظاهره
بس كانت بتنتش اما اقف واطلع زى محضرتك قولت

[shawkylotfy]

هى مظهرتش الا لما غيرته اصلا
قبل مغيره مكنتش ظاهره
بس كانت بتنتش اما اقف واطلع زى محضرتك قولت

وبعد تغيير الزيت هل النتشة اختفت ؟

[karezzzma]

وبعد تغيير الزيت هل النتشة اختفت ؟

بقت اقل

[eslam2002]

انا عندى نفس المشكلة فى الرينو الميجان برضو بيحصل نفس الكلام وانا زهقت بصراحة لما اقف الاقى العربية بتنتش اكنى حد خبطنى وممكن لما امشى بيها فترة ماتنقلش اية الحل ؟

[mohamedYouniss]

يا جماعة انا عندى مشكلة ان الشاشة بتكتب بعض الاحيان cheek gearbox وتلاقى السحب بتاعها تقيل بعد التسعين تحس انها مش بتسحب ولما اقف وابطلها شوية واسيبها تطفى وتسحب وبعد كده تكتب الرسالة دى تانى .
- ياريت حد يفيدنى لانى لسه شاريها من يومين بالظبط وواحد قالى عايزة فتيس وده هايموتنى هى ميجان 2005 هاى لاين بانوراما ؟

[etrder63]

ده سلونايد فالف بتاع الفتيس عايز يتغير تمنه جديد الواحد حوالى 400 وهما بيبقوا اتنين فى الفتيس ممكن تحتاج تغيير واحد فقط او الأتنين وحتغيير معاهم زيت الفتيس حوالى 5 كيلو على ما أتذكر سعر الكيلو 35 جم والمصنعية حوالى 300 وده كذا واحد فى صقر قريش ممكن يعملوها لك وهى دى كل الحكاية

[sameh fathi]

mohamedYouniss جبت عربيتك بكام ؟ علشان عاوز اجيب واحده ومعرفش رنج سعر الميجان كام وليه لما اشتريتها ماروحتش كشفت عليها ليه فى التوكيل؟

[Fancy_man22]

ازيكم جميعا ؟ يارب تكونوا بخير
بالنسبه لصاحب الموضوع
انا كان عندى مشكله ف الفتيس وهى كالاتى :- لما اهدى بالعربيه والعربيه تجيب الاول واجى اتحرك العربيه صوطها يعلى و مبتتحركش لمدة ثانيتين وبعد كدة كأن واحد رزعك خبطه من ورا و العربيه تتحرك عادى بس سعات بتكون تقيله شويه
روحت كشفت كمبيوتر طلعلى سلونايد فالف وهو عبارة عن حساس ف الفتيس غيرته عند عادل زوايا فى صقر قريش تقريبا ب 900 جنيه
بعد 3 شهور بالظبط نفس المشكله و مبعرفش اجرى لو جبت 90 كم العربيه تروح هبدة ورزعه بالجامد و تروح داخله فى حاله السيف موود و مترضاش تعلى عن التالت
(الحل الامثل لكل مشاكل الفتيس بالنسبالى ) طلعت على فرنش موتورز الشروق علشان انا من الاسماعيليه ف دا اقرب واحد ليا و قلتلوا عاوز اغير سلونايد فالف طبعا وانا عارفمن غير كشف ان هو ده العيب اخدوا منى العربيه و ربع ساعه و لاقيت البشمهندس بيندهلى بيقلى دلوقتى السلونايد فعلا هو الى بايظ ف الفتيس بس فى مشكله تانيه ودى الاهم العربيه مرشحه زيت من تحت فتيس و مكنه ولازم تغير اويلسيل مكنه و فتيس علشان كل م هتغير السلونايد هيبوظ تانى علشان الزيت هيتسرب و السلونايد مش هيلاقى زيت يشتغل عليه ف بيضرب وتم تغيير كل حاجه واخدت طبعا ضمان سنه على كل قطع الغيار ( الاويلسيلات و السلونايد )
نصحتى لحضراتكم جميعا مشاكل الجير بوكس الاوتو اكشف على المشكله ف التوكيل اسمع التوكيل لغايه الاخر شوفو عاوز يقلك ايه واسئله اشمعنى وليه غتت عليه زى م انا عملت وقله طبلو عملت كذا و كذا معملتهاش ايه الى يحصل انفخه اسئله قبل م تصلح عندة و لو اقتنعت من الكلام الى قالهولك توكل على الله وصلح عندة كفايه انو بيديك ضمان سنه على قطعه الغيار الىمفيش صنايعى برة هيعمل كدة
الخلاصه
فتيس و مكنه صيانه توكيل
قطع غيار استهلاكيه من التوكيل ( سيور و فلاتر و سلونايد ...........)
صنايعيه برة التوكيل مفيش ضمير ( كان عادل قالى ان العربيه بترشح زيت )
السلونايد انا غيرته ففرنش موتورز الشروق ب 1100 جنيه فقط لاغير بالضمان عام