استهبال توكيل العبور في الاصلاحات

[Mohamed_Nafie]

السلام عليكم يا أحلى منتندي

من كام أسبوع كده كنت نويت العزم على إني اصلح الخبطة اللي عندي في الرفرف الخلفي والعربيه يا دوب 5000 كيلو فـقلت أعمل الإتنين بالمرة ... اتصلت بفرع القطاميه.. قال لي إنه عند ضغط جامد وإن حجز الصيانه مش قبل اسبوعين والسمكره من غير حجز أصلا ... فـقال لي ممكن تروح العبور .. فـقلت ماشي أهو مشوار بمشوار ..

المهم أنا كنت مأمن فـظبط مع شركة التأمين علىشان المعاينه.. شديت الرحال الساعة 9 .. يا دوب وصلت 10:30 على معاد الصيانه ... :b4_282: استقبال زي الفل .. يمين شمال .. مهندس الاستقبال قالي طب روح على السمكرة على طول بعد ماخدت ملحظاتي على تعليقة طرمبة الشهيره وكنت ناوي اشغل ال drl اللي معرفوش يشغلوه - معرفش ليه -

المهم رحت مكان السمكره, ورحت اكتئبت بصراحة ... شوية عربيات يا رب ابعدها عننا متفوره أصلا..
كلمت المسئول عن السمكره .. وابتدينا الاستهبال ... بيقولي هسيب العربيه شهر ... شهر مين يا عمنا .. قلتله ليه .. قال لي أصل هم عندهم ضغط جامد بسبب فتح الفرع الجديد وشوية الكلام مع إن الخبطه كلها قد كف اليد ... المهم بقى والنقطة اللي نرفزتني جدا.. قال لي احنا هنشتغل فيها بعد العيد بأسبوع ... طبعا قال لي كده .. وأنا كنت خالص هنفجر ... إزاي يعني تسيب عربية شهر مركونة عشان تشتغل فيها بعد العيد .. هتتفرج عليها ولا تتصور جنبيها ... يمين وشمال وبعد حديث طويل قال لي خلاص ... إنت ممكن تيجي بعد العيد بأسبوع وادخلهاك على طول .. والعربيه هتوعد اسبوعين بس برده مش فاهم ليه اسبوعين .. والله لو ماكنت مأمن كنت عملتها بره في نص يوم بس العربيه جديدة فقلت التوكيل أحسن, اتصلت بالتأمين ولغيت المعاينه مع إن كان في حد بيكلموا وان بتكلم معاه من التأمين... ايه رايكم ... حد عنده اقتراحات .. أو أي حاجة .. لأني أنا فعلا ماقدرش استغنى عن العربيه خالص والحوار مش محتاج كل الوقت ده .... معلش طولت عليكم ..

[MARTINDALE]

ربنا يصلحلك الحال بس انا شايف انك تروح المقطم طالما الدنيا هناك اخف .
عملولك ايه في موضوع الطرمبه ؟؟
وهو ايه drl ؟؟؟

[Mohamed_Nafie]

يا باشا مفيش سمكره في المقطم أصلا

الطرمبه.. قال لي عمله اعادة برمجه ليها ..
وال drl ده للمبه موجوده في فانوس الميجان عشان بتنور مع الماتور الصبح.. بتبقى ملفته وشكلها حلو ودي للعربيات اللي بره مصر في دول أوروبا بس هي مش متفعلة هنا

[MARTINDALE]

يا باشا مفيش سمكره في المقطم أصلا

الطرمبه.. قال لي عمله اعادة برمجه ليها ..
وال drl ده للمبه موجوده في فانوس الميجان عشان بتنور مع الماتور الصبح.. بتبقى ملفته وشكلها حلو ودي للعربيات اللي بره مصر في دول أوروبا بس هي مش متفعلة هنا

بس اللي اسمعه ان اعاده البرمجه كلام فارغ مش بيصلح العيب والطرمبه لازم تتغير .

[Mohamed_Nafie]

بس اللي اسمعه ان اعاده البرمجه كلام فارغ مش بيصلح العيب والطرمبه لازم تتغير .

الله أعلم ... هي كانت بتعلق و بترجع تاني ومحصلتش إلا مرتين بس الصراحة و ده عند التفويل بس ... وكده كده لو حصلت تاني أنا وراهم وراهم وهاغيرها غصب عنهم ...