شفت الستيب واي علي الطبيعه

[gabr_sayed]

السلام عليكم
رحت سمير يان ولائيت عنده ستيب واي فضي
انطباعي عنها
من بره العربيه شكلها تحفه وعاليه بشكل ملحوظ اوي عن الارض
وبصراحه دخلت دماغي اوي بس...............................
لما بصيت عليها من جوه وقعدت فيها بصراحه زعلت اوي
فقيره جدااا والتقفيل والخامات للتابلوه مش مستريحلهم مش عارف ليه
وده انا لائيت دراع ظبط المرايات اليدوي مكسور
كان معاي صاحبي خليته يدي هو الغيارات وانا كنت واقف جمب الكابوت سمعت صوت زي صوت التروس مع الغيار يا تري ده ايه وعيب تقفيل ولا ده طبيعي


بصراحه انا كنت ناوي عليها بس اترددن لما شفتها من جوه يا تري حد معاه العربيه ويقدر يقول ايه اخبار التقفيل

[medoghaly]

انا برضو اما ركبتها في المعرض محبتهاش مش اد كده من جوة من برة كويسة

[gabr_sayed]

انا برده بقول كده وياريت الحكايه اوبشن قليله وبس
لاكن انا مش عارف شايف انها ضعيفه اوي من جوه وخايف متستحملش وكل شويه فيبر ينكسر ولا اوكره تتخلع
مش عارف رايكم ايه

[Samidos]

المهم بالنسبه لقطع الغيار الكريتيكال هتكون موجوده ولا العربيه مش منتشره فمش هيبقى سهل موضوع قطع الغيار او هتبقى غاليه .... انا بصراحة كنت بفكر فيها بس مش عارف اعمل ايه .. قلقان من موضوع قطع الغيار

[gabr_sayed]

لو علي القطع الكريتيكال اظن هتكون موجوده عشان هي هي اللوجان يعني كل قطع غيارها موجوده المشكله هتكون في الاكسسوار الخارجي بس وده اظن التوكيل هيوفره

[Samidos]

تمام .. لو هي هي اللوجان يبقى الموضوع ده محلول .. والاكسسوارات في التوكيل .. هيبقى اغلى شوية بس عادي بقى .... السؤال بقى طالما الموتور هو هو بتاع اللوجان بس الستيب واي اكبر .. يبقى اكيد كفائة الموتور مش هيبقى زي اللوجان ... ده الى جانب موضوع الصوت العالي للموتور فوق ال120 كم ..

والله ياكبير انا مش عارف .. انا تقريبا قربت اتجنن .. ناوي انزل اشتري بعد العيد ان شاء الله ومش عارف ارسى على بر .. لوجان اوتوماتيك ولا ستيب واي ....

على فكرة انا روحت عند سمير ريان من بتاع اسبوعين كده ومالقيتهاش .. وعايز اشوفها على الطبيعه عشان اعرف اقرر .. متعرفش اقدر اشوفها فين في معارض اكتوبر أوالهرم ؟؟

عليه العوض ومنه العوض .. انا دماغي ساحت :))

[Khaled Online]

لسة شايفها الأربعاء بالليل ونفس انطباعي بالزبط
واللي يزعل أكتر إن مافيهاش غير 8 صباب ومابينزلشي منها أوتوماتيك
خليك في اللوجان أوتو أو سانديرو أوتو، بس السانديرو مش موجودة في رينو الدقي ولا المهندسين
حضرتك شفتها في سمير ريان؟

[gabr_sayed]

مفيش سانديرو في سمير يان
انا لائيت عنده واحده بس ستيب واي سيلفر
وانا مقدر شعور الحيره اللي انتوا فيه عشان ناا برده دماغي تاهت من كتر التفكير
وبصراحه منت مستقر علي الستيب واي عشان علوها عن الارض
بس شكلها من جوه وجودة الخامات بتاع التقفيل قفلني اوي

[Khaled Online]

مفيش سانديرو في سمير يان
انا لائيت عنده واحده بس ستيب واي سيلفر
وانا مقدر شعور الحيره اللي انتوا فيه عشان ناا برده دماغي تاهت من كتر التفكير
وبصراحه منت مستقر علي الستيب واي عشان علوها عن الارض
بس شكلها من جوه وجودة الخامات بتاع التقفيل قفلني اوي

التقفيل جوة هو نفسه بتاع اللوجان
يمكن بس الباب في اللوجان من جوة كان فيه حتة نيكل بالعرض مخلياه شكله شيك
لكن التابلوه والعدادات والتحكم في الازاز والمالتي فنكشن كل ده هو نفسه
الستيب واي حلاوتها في 3 حاجات: عالية عن الأرض وفرامل abs وشكلها

من اللي شفته واضح إن كل العربيات اللي في فئة السبعين والتمانين ألف جودة الخامات تعبان سواء لانوس فيرنا لوجان ساجا. ده مش محاولة للتقليل من العربيات دي بس باين فعلا (وآسف في التعبير) استرخاص الشركات المصنعة

سانديرو مدفوع فيها 83.5 ألف جنيه ليه مايكونشي فيها abs على الأقل؟ حاجة مش مفهومة

يعني يا نشتري جديد وأوبشن قليل أو نشتري قديم وأوبشن كتير بس الله أعلم العربية فيها إيه

[aliabdo]

انا حاجز ستيب واى من التوكيل الاستلام المفروض اخر شهر 12 انا عارف انه حيوصل لشهر 2
انطباعى عن العربيه
انا مكنتش بفكر اشترى عربيه زيزو بصراحه عشان انا بغير عربيات كتير فمش عايز اجيب جديد و لما ابيعه اخسر كتير
العربيه اول ما شوفتها عجبنتى جداااا شكلها خصوصا اللون النبيتى بس بعد الحجز رحت الطارق و التوكيل عشان اتفرج على العربيه بمزاج بصراحه بداءت اقلق و اغير رائى و كان معاى صحبى حجز معاى بس غير لوجان اوتو
العربيه من بره حلوه بس حاسس ان الاكصدام الامامى ضعيف اوى و ده باين من لحمات المفتوحه الاكصدام و العربيه لسه واقفه فى المعرض الدهان مش شايف انه كويس و فىه عيوب صناعه خصوصا الدوخل
صالون العربيه واسع بس تحس بالفقر الشديد فيه مش عارف يمكن انا شايف كده عشان ركبت عربيات كتير
لما فتحت الكابوت بصراحه اتقهرت حسبت انه مش تقفيل عربيه متحترمه خالص حتى الفبره الى بتغطى الموتور مش مكلفين نفسهم و كاتبن اسم ريتو عليها و الشكل العام مش عاطفى خالص
حاليا بفكر يا امى اشترى لوجان اوتو او صنى الجديده او اكمل زى ما انا اشترى مستعمل و اغير كل فتره

[Khaled Online]

انا حاجز ستيب واى من التوكيل الاستلام المفروض اخر شهر 12 انا عارف انه حيوصل لشهر 2
انطباعى عن العربيه
انا مكنتش بفكر اشترى عربيه زيزو بصراحه عشان انا بغير عربيات كتير فمش عايز اجيب جديد و لما ابيعه اخسر كتير
العربيه اول ما شوفتها عجبنتى جداااا شكلها خصوصا اللون النبيتى بس بعد الحجز رحت الطارق و التوكيل عشان اتفرج على العربيه بمزاج بصراحه بداءت اقلق و اغير رائى و كان معاى صحبى حجز معاى بس غير لوجان اوتو
العربيه من بره حلوه بس حاسس ان الاكصدام الامامى ضعيف اوى و ده باين من لحمات المفتوحه الاكصدام و العربيه لسه واقفه فى المعرض الدهان مش شايف انه كويس و فىه عيوب صناعه خصوصا الدوخل
صالون العربيه واسع بس تحس بالفقر الشديد فيه مش عارف يمكن انا شايف كده عشان ركبت عربيات كتير
لما فتحت الكابوت بصراحه اتقهرت حسبت انه مش تقفيل عربيه متحترمه خالص حتى الفبره الى بتغطى الموتور مش مكلفين نفسهم و كاتبن اسم ريتو عليها و الشكل العام مش عاطفى خالص
حاليا بفكر يا امى اشترى لوجان اوتو او صنى الجديده او اكمل زى ما انا اشترى مستعمل و اغير كل فتره

طيب لو لغيت الحجز تاخد المبلغ اللي حاجز بيه كامل ولا بيخصموا منه مصاريف إدارية؟
بصراحة أنا مستحرم أدفع 80 ألف في عربية إمكانياتها محدودة
يعني مفيش استمتاع بالركوب ووقت ما أبيع هخسر بزيادة عشان مفيهاش اللي يغري مشتري إنه ياخدها
أنا أدفع 100 في عربية فيها إمكانيات أحسنلي. ده رأيي الشخصي الحقيقة

[aliabdo]

انا دافع 1000 جنيه حجز و سئلت فى المعرض قبل ما احجز فى لو حبيت احجز ايه الموقف قالى بتاخد الفلوس كامله الا اذا العربيه وصلت و انت مش عايزها فى الحاله دى بتدفع 500 جنيه
عموما انا قررت ان شاء الله اروح الغى الحجز بس للاسف لسه محتارررررر اشتري ايه فكرت فى الصنى الجديده او سيراتو بس لسه مش مستقر

[Khaled Online]

تمام
بس حجز السانديرو بـ 5 آلاف
هياخد منهم 500 ولا كام؟ العربية دي أنا عايزها بس بصراحة مستكتر تمنها على إمكانياتها

[Car's Sniper]

لسة مستلمها مع ابن عمتى امبارح وهو كان حاجزها من شهرين تقريبا وجابوها بسرعة جدا مع انها المفروض تتسلم فى خلال 4 شهور
العربية خرافة من برة وشكلها بسم الله ماشاء الله تحفة فنية بجد .. لدرجة انى ماشى مع ابن عمتى عمال اقول فى سرى"بسم الله ماشاء الله" طول الطريق
اول حاجة صدمتنى هو الفتيس ..فعلا زى ما الناس قالت فيه خبطة كدة مش مظبوطة فى كل الغيارات وكأن عصاية الفتيس بتخبط فى العلبة بتاعته ...يعنى لما تنقل بالراحة مابيبقاش فيه صوت
الزجاج الخلفى والمرايات مانيوال..مش مهم الزجاج لكن المرابات دى حاجة زعلتنى جدا
مافيهاش اللون السيلفر اللى على مقابض الابواب ولا فيها القماشة السودا اللى مخططة ابيض زى اللى فى اللوجان واللى مدّية اللوجان شكل ابواب جميل من جوة
خاماتها فقيرة بس بالنسبة لسعرها انا شايفها ممتازة لان كل العربيات فى السعر دا خامتها رديئة جدا
العيب اللى لاحظته ..عدم الراحة فى الطرق لانى حسيت باقل حتة مش مستوية فى الطريق.. بس على بالليل كنا غيرنا هوا الكاوتشات بنيتروجين والاحساس بالمطبات قل شوية بس لسة موجود وظاهر جدا بالمقارنة بالنوبيرا مثلا

لاقينا فيها عيب صناعة واظن انه عيب فردى .. لمبة الابواب ولمبة حزام الامان اللى فى التابلو مكانوش بينوروا
وربنا يسهل وتكون عربية تمام وعلى قد المسئولية

[aliabdo]

الاستيب واى طبيبعى فيها لمبه الباب و الحزام ملغين