إعـــــــلان

Collapse

.

,
See more
See less

استشارة للى اتعاملو مع عادل بتاع صقر قريش

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    استشارة للى اتعاملو مع عادل بتاع صقر قريش

    معايا رينو ميجان 2005 وعندة مشكلة نتشه مع الغيار الاول والثانى
    ده غير سحب العربية ضعيف ومش بتنقل بسرعه
    المهم احد الاصدقاء نصحنى بعادل بتاع صقر وشكر فيه اوى
    المهم رحتلو وقولتلو على مشكله العربية قالى بالنسبه لموضوع النتشة دى هتبقى شنبر ديل الفتيس وبيتكلف 350 جنيه وكمان 350 مصنعية و110 زيت فتيس

    وقولتلو عايز اعمل سرفيس كامل للعربية
    كتبلى روشتة بحوالى 1500 جنية
    وبتشمل سير الكاتينة وزيت موتور وفلاتر وغيرة

    بس طبعا قالى تجيلى بالعربية بكرة عشان انت جيت بعد الساعه تسعة وانا بستلم الشغل من الساعة تمانية فتعالى بكرة بدرى
    قولتلو انا جايلك من مشوار بعيد وعندى التهاردة بس اجازة من الشغل وفضلت اتحيل عليه يعملى العربية النهاردة مرضيش وقالى خلاص سيب العربية واستلمها بكرة الساعة اتنين الظهر
    وبصراحة انا سبت العربيه عندة ومشيت ودفعت عربون 1500 جنيه ومش عارف انا كده اصرفت صح ولا غلط ويا ترى فعلا هيشتغل فى العربيه بضمير وهيحاسبنى بضمير

    افيدونى افادكم الله
    الكلمات الدلالية (Tags): اتعاملو, استشارة, بتاع, صقر, عادل, قريش, للى, مع
  • #2
    اسمه عادل وجدى ولا ايه

    Comment

    • #3
      لا مش عارف اسمة بالكامل
      بس هو ورشتة اللى هيا قبل سلم المشاه بفتحتين تقريبا
      تنزل من الفتحة تلاقى الورشه فى وشك على طول وعنده محل قطع غيار
      ومعاه واحد اسمه كريم

      Comment

      • #4
        بصراحه يا باشا محدش بيعمل كده المفروض تدفع فلوس بعد ما تستلم و بعدين انا اصلا لسه عامل موضوع علي حوار حصل مع عادل http://www.nilemotors.net/Nile/311803-a.html
        ابقه شوفه و انت احكم بنفسك . وفي ناس برده عندها خبره في المنتدي هنا خد رايها و ربنا يسيرلك الامور
        [COLOR="Blue"]AHMAD RAMADAN[/COLOR]

        Comment

        • #5
          على فكرة صيانة ال60 في التوكيل ب2200 جنيه تقريبا
          ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

          [sor2]http://imageshack.us/a/img838/2058/8l0n.jpg[/sor2]

          Comment

          • #6
            انا شايف ان محدش يسيب عربييته لميكانيكى و يمشى (عادل أو غيره) و كمان يبيتها عنده!! كده مش صح خالص.

            انا اتعاملت مع عادل فى حاجات بسيطه عشان اجربه و بصراحه مستريحتش و فى الغالب هجرب اروح لحد تانى غيره لانى لسه جايب العربيه قريب برضه و خبرتى مع ميكانيكيه الميجان قليله، بس اللى اعرفه ان من حقى اقف جنب الصنايعى و هو شغال و ابقى عارف بيعمل ايه و لما اسأله عن حاجه يجاوبنى انما هناك لقيت الصنايعى بيقولى مش بعرف اشتغل و حد واقف على ايدى كده، حضرتك اتفضل اعد و لو فى حاجه هناديلك

            كمان كنت فى التوكيل بعمل صيانه و المهندس كان بيسألنى عايز تغير التيل قولتله انا غيرته بره قريب، قالى عند مين، قلتله عند عادل، فالى عاااااادددللل، طيب افتحلى الكبوت بعد أذنك و عمل تشيك على كل حاجه قبل ما يستلم العربيه!!
            [SIZE=5][COLOR=Magenta]أحمد السيد [/COLOR][/SIZE][FONT=Times New Roman][COLOR=RoyalBlue][SIZE=2][COLOR=Navy]https://www.facebook.com/Medo1[/COLOR][/SIZE]
            سبحانك اللهم وبحمدك، أشهد أن لا إله إلا أنت أستغفرك وأتوب إليك
            لا إله إلا أنت سبحانك إنى كنت من الظالمين[/COLOR][/FONT]

            Comment

            • #7
              المشاركة الأصلية كتبت بواسطة تامر.محمد مشاهدة المشاركة
              على فكرة صيانة ال60 في التوكيل ب2200 جنيه تقريبا
              هل المبلغ ده شامل الضرائب ولا فيه فلوس زياده عليه
              [COLOR="Blue"]AHMAD RAMADAN[/COLOR]

              Comment

              • #8
                أعوذ بالله فين الضمير والسماحة هو كل واحد يتمرمط شوية ويتعلم ميكانيكا عربيات وكمان بيتعلم عن طريق إنه بيبوظ عشان يتعلم ويبوظ ويبوظ

                بعدها ياخد شهرة والناس كلها تروحله وياخد مقلب فى نفسه إيه هو دا ؟؟؟

                نفسى أقف مع ميكانيكى كدا محترم بجد وفاهم وأمين

                وأنا مع الأستاذ medori أنا حلفت ما هركب عربيتنا عشان والدى بييدى العربية لأى حد وخلاص

                أزاى حد يسيب عربيته بالسهولة دى عند ميكانيكى أو حتى مع أى حد

                العربية بتبقى متعودة على رجل صاحبها بس محدش يركب عربيتك إلا لو كان ثقة فعلا ويعرف يركب بجد

                أو يبقى راكب معاك وانت شايفه بيعمل إيه غير كدا لأ وميت ألف لأ


                متعرفش إيه اللى مممكن يحصل فى عربيتك
                [SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]

                Comment

                • #9
                  الصيانات الدورية موجودة على موقع رينو ضيف عليها الضريبة


                  ومركز خالد عمارة عامل خصم 20% تقريبا وهو مركز معتمد على الأقل الناس دى تعرف تشكيهم
                  [SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]

                  Comment

                  • #10
                    ربنا يعينك..عادل قال لك إنه ها يلغي نتشة الفتيس!!!!! وبـ700 وشوية!!...مش عايز اسبق الاحداث..بس ابقى قول لنا النتشة اخفت فعلا ولا لأ
                    لا حول ولا قوة إلا بالله..متى سيموت الإهمال في مصر

                    Comment

                    • #11
                      السلام عليكم جميعا
                      طبعا انا متشكر على نصائحكم وشاكر مروركم الطيب
                      لكن احب اعرفكم ايه اللى حصل معايا لما رحت استلم العربيه
                      رحت فى نفس الميعاد اللى هو قالى عليه وسألته على العربيه قالى كل حاجة اتعملت وجربتها وبقت تمام وقالى اطلع جرب العربيه قولتله طب خد باقى حسابك وهطلع اجرب قالى لا جرب الاول قولتلو طب ابعت حد معايا قالى لا جرب لوحدك وفعلا اخذت العربيه وطلعت اجربها وغيبت حوالى ساعة ومفكرش يتصل بيا ولا يسأل عنى مع انه ليه باقى حساب 900 جنيه وفعلا لقيت العيوب اللى كانت فى العربيه اختفت تماما والحمد الله بقت تمام
                      وطبعا وقبل ما انسى معاه واحد اسمه كريم شغله ادارى وبصراحة كريم دة انسان محترم ومسبنيش غير لما خلصت كل كل حاجة فى العربية وبقى يشرحلى حاجات كتير فيها ونصحنى بحاجات كتير ومعاملته كانت زى الفل
                      وبصراحه يا جماعة مواعيد الراجل زى الفل وكمان اما مشيت بالعربية حوالى 100 كيلو علشان احس بأى عيوب كانت فى العربيه او اى عيوب تانيه ملقتش وربنا يسترها وتفضل كويسه على طول

                      وشكرا ليكم كلكم

                      Comment

                      • #12
                        اكيد الى عملته غلط ...

                        وموفق فيما تم اصلاحه

                        Comment

                        • #13
                          عادل كويس وفاهم العربية هو بس تنك شوية وكلامه قليل مبيرحش أوى اللى بيسأل ويستفسر كتير وعلشان كده ساعات الناس تاخد عنه انطباع سئ

                          Comment

                          • #14
                            السلام عليكم ورحمة الله وبركاته
                            سؤال لو سمحت انت تقصد عادل زوايا ولا عادل تانى ؟
                            اصل فى ناس بتشتم فى عادل زوايا
                            وانا عاوز اروح لميكانيكى بتاع رينو كليو عاوز اظبط العربيه
                            مهندس معماري / إيهاب عرفات
                            ________________________________________
                            [gdwl]سبحانك اللهم وبحمدك ، أشهد أن لا إله إلا أنت أستغفرك وأتوب إليك[/gdwl]

                            Comment

                            • #15
                              المشاركة الأصلية كتبت بواسطة old4art مشاهدة المشاركة
                              السلام عليكم ورحمة الله وبركاته
                              سؤال لو سمحت انت تقصد عادل زوايا ولا عادل تانى ؟
                              اصل فى ناس بتشتم فى عادل زوايا
                              وانا عاوز اروح لميكانيكى بتاع رينو كليو عاوز اظبط العربيه
                              مش عارف اسمه عادل ايه

                              بس اسأل على مكان عادل زوايا دة ... وشوف هو نفس العنوان اللى وصفتة فى اول الموضوع ولا لآ

                              Comment

                              السابق 1 2 template التالي
                              Working...
                              X