اخيرا يا جماعه

[ESO_POP]

اخيرا يا رجاله الرينو انضميت لجماعه الرينو وانشقيت عن جماعه الفيات
الحمد لله ربنا كرمنى وقدرت اشترى رينو 19مو94(الفرنساوى)اللى هى هى نفس شكل الرينبو بس دى والحمد لله كامله مش زى معظم الرينبو
وهى الحمد لله جميله جدا وثابته بس انا عندى مشكله انى لما بركن العربيه فتره برجع الاقي تحتها نقطتين زيت هما مش كبار بس مش صغيرين
ولما تابعت الموضوع ده لقيت الزيت ده بيتسرب من الباور ومحتاج طبعا لخبره الرينوهاويه معايا اروح لمين ميكانيكى يشوفلى الموضوع ده حله ايه؟؟؟

[zeyad1810]

دى اخرت اللى يبعد عن الفيات هى دى البداية :embarrassed2:
-
-
-
-
-
-
ما تقلقش دى حاجة بسيطة والف مبرووووووووك على الرينو

[ESO_POP]

الله يبارك فيك يا زياد باشا
بس انت عارف الفيات اللى معايا مكانش فيها بارو ولا اى كماليات
ثم انا دلوقتى فى حمايه جماعه الرينو والجماعه دى متقلش عن الفيات
(محدش يبيعنى يا رجاله)
وانا اعتقد ان ده عيب خرطوم او ماسوره لان الباور الحمد لله شغال هو تقيل سنه خفيفه بس شغال عشان كده انا بقول عايز ميكانيكى كويس للرينو

[ASD peugeot]

الف مبروك وربنا يحفظهالك

[ESO_POP]

الله يبارك فيك يا باشا ويحفظك
بيجو بقى صديق الرينو ههههههههه

[Ramy_Tantawi]

الف مبروك ESO_POP باشا وربنا يباركلك فيها ويكفيك شرها ان شاء الله .

للأسف انا ماعرفش اي ميكانيكي معين لكن اعرف مراكز خدمه وده لينك بيوضح تقريباً كل مراكز الخدمه المعتمده من رينو .

http://www.nilemotors.net/Nile/showthread.php?t=1745

الوحيد اللي اتعاملت معاه هو الميكانيكيون العرب وهم ناس محترمه ومش غاليين اوي وواضح ان شاء الله ان المشكله اللي عند حضرتك بسيطه وغالباً زي ما حضرتك قلت يا الخرطوم يا ممكن يكون اويل سيل او حاجه كده وان شاء الله تطلع حاجه بسيطه وغير مكلفه .

الله يبارك فيك يا باشا ويحفظك
بيجو بقى صديق الرينو ههههههههه

صحيح طبعاً خصوصاً الراجل الطيب ده ASD peugeot ابن عم مش بس صديق كمان :).

[medohai510]

ألف ألف مبروك يا باشا وربنا يكفيك شرها.
لو عايز ميكانيكي رينو يوجد في منتدي رينو هنا موضوع بأسم ميكانيكي رينو ممكن تطلع علي كل الميكانيكية وأختار أقرب واحد لمكان سكنك. والله الموفق

[ESO_POP]

الف الف الف شكر لرجاله الرينو
وانا ان شاء الله هشوف موضوع الميكانيكى ده
واى حد محتاج اى معلومات عن الرينو ال19 او الرينبو انا موجود ان شاء الله