ايه الخطوات اللي المفروض اعملها بعد تغيير البطاريه

[dedo_ryo]

السلام عليكم
انا كنت بفكر اني اغير البطاريه بتاعت العربيه " ميجان 2006 "..... لان اللي انا شاريها بيها مش قد كده .. وانا بسأل عند واحد بتاع بطاريات قالي العربيه ايه قولتله ميجان و ياريتني ماقولتله لقيته قالي لاااااا دي تعملها في التوكيل ده الكمبيوتر بيهنج و العربيه بتتلخبط ولازم تتبرمج و... طبعا هو حسسني اني لو غيرت البطاريه هرمي العربيه بعدها فرجعت و قريت عالنت لقيت ناس بتقول ان في حاجات بتتعمل علشان الزجاج و الكاسيت و انا ممعيش كود الكاسيت ده اجيبه منين
و شكرا ليكم

[Ahmed Selim]

كود الكاسيت هتكلم التوكيل و تقول لهم على رقم الشاسيه هيقولولك الكود و إسألهم تدخله ازاي

الازاز هتضغط على الزراير كذا ضغطة ورا بعض لحد ما يكمل مشوار كامل لتحت و مشوار كامل لفوق

و انت بتضغط هتحس انه بيقطع معاك بس عادي

[dedo_ryo]

طيب هل في حاجه ممكن تعلق تاني بعد تغيير البطاريه ؟؟؟؟ يعني الاقي اي لمبه نورت او كده لاحسن انا مرعووووووووووووووب ؟؟؟

[MohammedAladel]

زى ماقال الأستاذ أحمد بالظبط

وبالنسبة لكود الكاسيت ممكن تعرفه بالبرنامج دا لو مش عارفه

http://www.nilemotors.net/Nile/304734-a.html

[Ahmed Selim]

مفيش حاجة تانية تخاف منها........أنا مغير البطارية أكتر من مرة قبل كده و مكنتش بعمل حاجة غير الكود و الأزاز.