خير ... اللهم اجعله خير

[dedo_ryo]

السلام عليكم يا شباب
النهارده الصبح و انا متوكل على الله و طالع بالعربيه حصل الاتي :
1- حطيت الكارت في مكانه
2- استنيت شويه كده و قمت ضاغط Start
3- المفروض هنا ان العربيه تدور بس مدارتش
حصل هنا كانها هتدور يعني فكت الاقفال و الشاشه راحت كلمه Press Start + break
و رجعت الكلمه تاني و مفيش صوت لا مرش ولا الهوا
قلت يمكن انا مدوستش كويس قمت دايس تاني عملت نفس الكلام نزلت فتحت الكبوت بصيت على البطاريه المؤشر فيها في قمه خضاره
دخلت و دورت دارت ........... ايه ده بقى ؟؟؟؟؟ الحقوني لاحسن بدأت أقلق لتعملها معايا و انا مسافر لاني مسافر بيها بعد بكره فياريت لو تفيدوني بسرعه
و شكرااا ليكم

[MohammedAladel]

جرب تدورها على المور وحرك الفتيس على الباركينج وجرب تدورها كدا

لأنك مش بتسمع صوت المارش نهائى طيب قدرت تدورها ولا لسة مش بتدور معاك ؟؟

طيب لما بتعمل كدا بتلاقى الباور فك معاك واشتغل ولا لأ ؟؟

[dedo_ryo]

أنا عربيتي مانيوال
وبعد ما فتحت الكبوت و بصيت عالبطاريه وقفلته و دخلت دورت دارت
مش فاكر الصراحه الباور اشتغل ولا لا

[M.Ayman]

بص يا سيدى لو العربيه معملتش الحركه دى معاك كل مره يعنى ممكن تحصل بس على فترات متباعده و بمجرد ما تفتح الكابوت و تقفله تبقى زى الفل ,,,, يبقى زى ما حصل معايا بس انا محدش عرف يقولى السبب و مع الوقت الموضوع ده مبقاش بيحصل و انا برضه معرفتش ليه بس عرفت بعدين لما حد معانا فى الجروب حصل معاه كده و واحد عقر عرف السبب ,,,, للاسف انا مش متذكره بس كان علاجه انه يطلع يجرى فى طريق مفتوح شويه و يحرق على ال rpm او يطلع مشوار سفر و يجيب سرعه عاليه شويه ,,,, و انا فعلا من ساعت مبقيت بجرى الموضوع ده محصلش معايا الحمد لله .... من وقت للتانى اطلع فوق العربيه شويه عشان تنضف البوابات و تفوق ال ECU

[dedo_ryo]

لو عالجري سهله بس انا مسافر بيها بعد بكره هجريها زي ماهي عاوزه ... و يارب ابعد الرادار عنا بس نفسي حد يطمني و يقولي دي كذا بس علشان الاطمئنان و شكرا للاخوه اللي طمنوني

[abdo_2812]

راجع فيوزات البطارية كده

[proff]

السلام عليكم يا شباب

النهارده الصبح و انا متوكل على الله و طالع بالعربيه حصل الاتي :
1- حطيت الكارت في مكانه
2- استنيت شويه كده و قمت ضاغط start
3- المفروض هنا ان العربيه تدور بس مدارتش
حصل هنا كانها هتدور يعني فكت الاقفال و الشاشه راحت كلمه press start + break
و رجعت الكلمه تاني و مفيش صوت لا مرش ولا الهوا
قلت يمكن انا مدوستش كويس قمت دايس تاني عملت نفس الكلام نزلت فتحت الكبوت بصيت على البطاريه المؤشر فيها في قمه خضاره
دخلت و دورت دارت ........... ايه ده بقى ؟؟؟؟؟ الحقوني لاحسن بدأت أقلق لتعملها معايا و انا مسافر لاني مسافر بيها بعد بكره فياريت لو تفيدوني بسرعه

و شكرااا ليكم

علامه لانتهاء عمر البطاريه اكشف علي البطاريه ولو بقالها كتير معاك يعني اكتر من سنتيين ريح دماغك وغيرها

[explorist]

مارش

[dedo_ryo]

عملتها معايا و انا مسافر بس عملت حاجه تانيه و عطت Electronic Fault بعده لما وصلت و بطلت و دورت عملت نفس الحركه و مدارتش و حسيتها بتهيس فقمت شايل الطرف السالب لمده دقيقتين و حطيته و دورت دارت بس وانا في السكه وراجع عطت Elctronic Fault و راح بعد عشر دقايق ياريت تفيدوني

[dedo_ryo]

انا شاكك في البطاريه ........ و الشيطان بيوزني عالدينامو !!!!!
ايه رأي عمالقه الرينو

[MohammedAladel]

طيب فى المانيوال الغيار بيبقى مكتوب فى الشاشة ولا لأ ؟؟

بالنسبة للبطارية قيس شحنها كدا وشحن الدينامو عشان تتأكد من كفائتها

[MohammedAladel]

طيب فى المانيوال الغيار بيبقى مكتوب فى الشاشة ولا لأ ؟؟

بالنسبة للبطارية قيس شحنها كدا وشحن الدينامو عشان تتأكد من كفائتها