هاااااام كليو 2008 1.6 محتاج رأيكم

[waleed_89]

السلام عليكم
بخصوص الرينو كليو 2008 وجدت منها 1.6 خليجي لاحظت انه لا يوجد في مصر غير 1.4 و 1.2 فقط.
1.6 سعرها رخيص نسبياً عن 1.4 عااايز اعرف ايه رأيكم فيها وعيوبها من حيث مبدء الكليو 2008 و مبدأ 1.6 وليه 1.6 رخيصة وهل قطع غيرها تختلف ومتوافرة عااادي ؟؟
وهل يمكن الكشف علي السيارة قبل الشراء بمركز الصيانة يقول لي ايه عيوبها ..؟؟؟

ملحوظة: وجدت سعر 1.6 موديل 2008 تقريباً 42 ألف حالة جيدة و 2008 1.4 50 ألف حالة جيدة هل الأسعار ديه مناسبه وله ايه ؟؟؟؟!!!

أشكركهم مستني الأرايء والرد بفارغ الصبر .... يا أحلي منتدي

شكراً مقدماً

[dedo_ryo]

بص حضرتك انا كنت عند ميكانيكي و بسأله عن الكليو لان كان في واحده قدامي 1200 سي سي قالي ال 1.2 احسن من ال 1.4 قلتله ليه قال لان 1.4 نفس سيستم الميجان و قالي خليك في 1.2 احسن في الصيانه و قطع الغيار و كده بس فاكيد ان 1.6 برضه زي الميجان و اكيد بتطلع عليها نفس الاشاعات اللي على الميجان و على فكره انا معايا ميجان 2006 و لو رجع بيا الزمن قبل ما اشتري الميجان مكنتش جبتها .......... كنت جبت ميجان تانيه 2008 اكستريم هههه .......... بالنسبه للاسعار استنى ردود الاعضاء التقال هنا هيقولولك على كل حاجه
على فكره انا تلميذ لسه بتعلم منهم و ربنا يوفقك

[waleed_89]

و لو رجع بيا الزمن قبل ما اشتري الميجان مكنتش جبتها .......... كنت جبت ميجان تانيه 2008 اكستريم هههه

هههههه حلوه انا اثبت في الأول, شكراً علي مرورك ومستني ردود الناس في المنتدي.

[albasha]

كليو 1.6 هتبقي تحفه طبعاً بس لو أنت غاوي الحالات اللي زي كده والجري والشد
لكن لو إستعمالك عادي تبقي مش محتاجها

[waleed_89]

تمام , طب هل قطع غيارها نفس ال 1.4 , 1.2 او بمعني أخر هل ستكون متوفرة بنفس السعر ؟.. لأني ملاحظ اني سعرها اقل وده ممكن يكون ليه سبب

[MohammedAladel]

سعرها رخيص لقلة أنتشارها زى الميجان 2000 سى سى بيعها أبطأ من 1600 برغم أنها أفضل وأقوى

ولو محرك الكليو ال 1600 نفس محرك الميجان يبقى اطمن من ناحية قطع الغيار

وغالبا كل عربيات رينو قطع غيارها متوفرة

وبالنسبة للتوكيل هى مش موجودة فى جدول الصيانة لأنها مش وارد توكيل ممكن تكلمهم لو عايز تتأكد من صيانتها 16202
servicve prices

[Amr_Moh]

1.6 b ٢٠٠٨ 42
سعر قليل يخووف

[waleed_89]

1.6 b ٢٠٠٨ 42
سعر قليل يخووف

هي العربية عاملة 96 ألف, أعتقد فعلاً سعرها كده مش مظبوط.

بصفة عامة ممكن اروح مركز الصيانة يكشف عليها هناك قبل الشراء. وله لازم اكون اعرف حد هناك وكده

[Amr_Moh]

كلمهم اسأل و أحجز

[sammor_28]

انا مستغرب

اول مره اسمع عن كليو 1600

انا اعرف 1200 - 1400 فقط واللي بينزل في الخليج 1400

حضرتك اكشف كويس لحسن يكون موتورها متغير

انا بقالي 7 سنين معايا كليو ومتابع اخبارها كويس اول مره اسمع 1600

ياريت ماتتسرعش واسال التوكيل وياريت تكشف كويس لو التوكيل اكدلك ان في 1600

وربنا يوفقك