يا وحوش محتاجكوا معايا شوية كدة

[Mamoud salah H]

بصوا بقي يا وحوش السؤال الي عندي دة عايز ناس كدة مرطزة شوية في اصوات الي بتطلع من العربية وكدة زي حلاتي كدة المهم النهاردة وانا جاي من برة قولت اعدي اسلم علي الغلبانة الميجان الي مركونة بقالها بتاع 10 ايام مش بتتحرك والحبيبة عملينها كشكول حب بسبب التراب مش بقولكوا غلبانة المهم بقي قولت اما ادورها واسخنها شوية قوم ايه بقي العربية دارت عادي جدا وكلوا تمام بس قولت اما اكبس شوية علي دواسة البنزين كدة قوم اسمع صوت صفارة كدة خير الله ما اجعله خير زي بتاعت السير بس مش بتظهر غير لما ازود كدة وrpmيوصل 3 كدة اسمع صوت صفارة السير وانا متوهش عن صوت السير لما بيودع كدة السؤال هنا بقي يا تري تحليلي كدة صح ان دة سير من السيور ولو صح يبقي سير ايه بقي كاتينة ولا دينامو ولا ايه ولو مش سير يبقي صوت ايه
معلش ولت عليكوا شوية

[karezzzma]

سير دينامو عليه ترااااب
اغسل العربيه كويس والموتور وهتبقى تمام

[ملك فرنا]

سير دنمو طبعا

[exact]

الكاتينة مش بتصفر... الكاتينه تقطع فقط والعياذ بالله

[Mamoud salah H]

يعني دة سير الديناموا طب اغيروا ولا عايز يتنضف بس ولا ايه النظام

[MohammedAladel]

لما بدوس بنزين وأنا واقف على أربى أم 3 مثلا بسمع صفارة برضه بس السيورة متغيرة

زى ما يكون حاجة حديد مش مربوطة كويس أو حتة صاج وبتخبط برنة خفيفة بتعمل صفارة

[a_aboelseoud]

افتح الكبوت جرب تحط ميه على السير و هو بيصفر ( ده لو كان السير انت شايفه) و شوف الصفارة هتروح و لا لاء؟؟
عشان ممكن يكون نوع كاوتش السير ناشف شوية او ممكن يكون السير مهوى و محتاج يتشد شوية

[a_aboelseoud]

يعني دة سير الديناموا طب اغيروا ولا عايز يتنضف بس ولا ايه النظام

لو بتفضل راكن العربية مدد طويلة كل سير هتشتريه هتسمع منه نفس الصوت
و فى الغالب الصوت هيزيد كمان فى الشتا و هتلاقيه مستمر فترة اطول عشان قلة الاستعمال بتخلى مادة الكاوتش تنشف .
و لو سمعت الصوت و جربت تحط ميه على السير و صوت الزعقة دى راحت تعرف ان السير ناشف شوية

[MohammedAladel]

طيب معلش ياجماعة الصوت بيبان أنه من سير ولا بيكون زى صوت صفارة من حاجة حديد

[Mamoud salah H]

هو فعلا العربية مش بستعملها غير كل 15 يوم كدة مرة واحدة

[Mamoud salah H]

طيب معلش ياجماعة الصوت بيبان أنه من سير ولا بيكون زى صوت صفارة من حاجة حديد

هو بيكون صوت السير مش تخيط