رايكوا يهمني ومستنيه

[Mamoud salah H]

ازيكوا يا وحوشعايز اخد رايكوا في حاجة كدة دلوقتي بس الاول لو انت فاكرين ان من فترة كدة كنت عارض عربيتي الميجان للبع وبسعر رخيص بسس احتياج للفلوس بس الحمد لله فرجت ومبعتش العربية بس دلوقتي بفكر ابيعها تاني عشان مش بنستعملها خالص العربية والله بتتركن ل 10 ايام واكتر وبتتردم تراب ومحدش بيركبها خالص بسبب ان دي اصلا عربية بتاعت والدتي وهي كبيرة شوية في السن وعلي المعاش وكدة ومشويرها تقريبا مرة كل اسبوعين او اكتر وانا مش بركبها خالص عشان عندي عربيتي وفيها عدة الصوت وكدة وكدة فمش بحب اركب غيرها وبصراحة الميجان صعبانة عليا من ركنتها كدة ومستحرم الركنة دي عليها عشان كدة بفكر في البيع انتوا ايه رايكوا بقي في الكلام دة مين موافقني ومين شايف اني اسيبها ومبعهاش محتاج رايكوا معايا عشان محتار اوي

[AHMED_DINAMO]

بص يا باشا رأيى محتاج فلوسها بيعها مش محتاج فلوسها خليها اهى تنفع فى الطوارئ لا قدر الله مفيش عربيه واتزنقتو فى اى مشوار حضرتك مش فى البيت كده يعنى اهه فى عربيه موجوده للاحتياط على الاقل

بس لو محتاج فلوسها بيعها بس بتمنها ومتبخسش حقها

[MohammedAladel]

بالظبط كدا لو هتبيعها ما تبخسش تمنها

[Mamoud salah H]

لا الحمد لله مش مزنوق في تمنها هي الفكرة اننا مش بنستعملها غير قلييل اوي اوي بالذات عشان هيا كمان مانيوال ووالدتي مبقتش تقدر علي المانيوال وطبعا لو جيت ابيع هبيع بسعر السوق ةالسعر الي تستحقه العربية حسب حالتها طبعا

[a_aboelseoud]

بصراحة رأى الشخصى انك تبيعها و ده للاسباب التاليه :
- طبعا الركنة و مش بس التراب & اساسا ركنة العربية و قلة استعمالها بيخلى حاجات كتير فى العربية بتبوظ و لو عطلت لا سمح الله هتبقى برده مالهاش قيمة كاستعمال و كمان هتاخد من وقتك و فلوسك لو هتضطر تصلحها
- و واضح كمان ان اللى مقلل من استعمالها انها مانوال
- و بصراحة مش منطقى انك تحتفظ بعربية ممكن تستعملها مرة او مرتين فى الشهر او حتى لظرف طارىء فى الحالة دى ممكن تأجر ليموزين بسواق أرخص , اوفر فى الوقت و الفلوس
و ممكن تبيع العربية و تشترى لوالدتك عربية اصغر شوية و تكون اوتوماتيك و بكده والدتك ممكن تعتمد عليها اكتر لما تلاقى العربية اسهل فى السواقة

[Mamoud salah H]

انا اهو عارضها للبيع وربنا يسهل وهي مشكلة انها مانيوال بالنسبة لوالدتي عشان السن وكدة بس انا بالنسبالي مش بركب اوتو اصلا هو المانيوال الي بركبه وبس بس انا للاسف مش بركبها عشان عندي عربيتي زي مقولت وانا لو حد قداموا زبون ميتاخرش بقي عليا