باركولي بعد مشكله الدواره جه Electronic Fault

[dedo_ryo]

السلام عليكم يا شباب
بعد مشكلتي اللي مع الدواره اللي قلتلكم عليها في الموضوع ده

http://www.nilemotors.net/Nile/314487-a.html

وانا مسافر و كله تمام فجأه لقيت الشاشه بتقول Electronic Fault
و وصلت و بطلت و جيت ادور تامي نفس الحوار بس حسيتالعربيه بتهيس يعني اشيل الكارت الاقيها
بتقولي press start ادوس تقولي الكارت مش معرف و مره تعمل انها دارت العدادت تقوم و الشاشه تعمل oil level ok و كله بس منغير دواره و لاحظت ان مسوجر الدركسيون مفكش و تقريبا الباور كمان ماشتغلش المهم جه في بالي اشيل طرف البطاريه السالب .. ماهي بايظه بايظه بقى فقمت شايله و استنيت دقيقه كده و حطيته العربيه بقت تمام و ادوس تدور ابطل تبطل كله في التمام بس و قمت راجع .... و انا في طريق الرجوع قام ظهر عم Electronic Fault تاني قولت يادي المصيبه بس قعد حوالي عشر دقايق و اختفى لوحده ورجعت بالعربيه و تمام قوي
انا عايز اعرف ايه اللي فيها لاحسن انا خلاص قفلت منها بعد اللي حصل

[Mamoud salah H]

شيك علي كهربة العربية الارضي لان من كلامك لمل شيلت السالب الدميا ظبطت ونضف القواطيش كويس وان شاء الله بسيطة

[shawkylotfy]

المشكلة يا اما من سوتش الاستوب ودة موجود فوق دواسة الفرامل يا اما من فيوز فى علبة الفيوزات مش تهيس ولا حاجة

[emadel]

البطاريه عندك مش كويسه ممكن تكشف عليها وتقيس شحنها

[dedo_ryo]

الف شكر يا وحوش ........ بس ليه و انا ماشي طلعت Electronic Fault
و بعدين راح مش ده يشكك برضه ولا ايه ؟؟

[medori]

اعتقد انها بطاريه، قيس شحنها و شوفه كام

[medori]

Electronic fault ديه فى الغالب بتبقى مكنه الاستوب و حصلت معايا كتير اوى لما كان عندى مشاكل فى طقم الدواره و كهربه العربيه و فضلت تطلع حتى بعد ما صلحت العربيه و عملتلى قلق برضه فتره بس كنت بنفضلها عشان مكنش عندى وقت وعشان مكتش بتأثر على العربيه فى اى حاجه (طبعا فى الاول كنت بقف على طول و ابطل و ادور تانى عشان تروح) و بعدين اختفت لوحدها بعد فتره و معدتش بتطلع تانى. انا شايف انك تسيبها لحد لما تعرف العيب اللى فى العربيه فين و تصلحه و هى هتروح إن شاء الله او لو فضلت ابقى غير مكنه الاستوب، هى بسيطه فى حدود 100 جم تقريبا

[hossam_elwani]

وكمان حط الفيوز العمومى فى الحسبان

[dedo_ryo]

هو فين الفيوز العمومي ده و سعره كام ......... و ايه اعراضه اه نسيت اقولكم ان لمبه الجزام بطلت تنور وبطلت تطلع الصوت المزعج بتاعها بعد الرسايل دي ؟؟؟ هل ده عرض لحاجه معينه ؟؟ و شكرا ليكم جميعا