نوع وسعر لمبات زينون ميجان 2

[MohammedAladel]

بس فيه حاجة غايظانى فى الفانوس

اللمبة الصغيرة خالص اللى هى بتنور مع العدادات اللى هى w5w بتبقى باينة قوى من الفانوس

لكن أنا شفت فوانيس عربيات تانى اللمبات عليها زى حاجة عاكس كدا مغطية اللمبة

حتى لما ببقى منور نور العدادات وأنزل أقف قدام العربية نور اللمبة كدا بيبقى مش مالى المربع الصغير بتاعه

لكن لو بصيت من بعيد هتحس بإضائتها فاهم حضرتك أنا قصدى إيه ؟ هل دا عادى بالنسبة لفوانيس كتير ولا حاجة بايخة فعلا ؟؟

[Ahmed Selim]

أنا عارف إن فيه اختلاف فى شكل الفانوسين

لكن كنت فاكر إن تقنيا واحد أنا عندى التابلوه الأبيض والفانوس العدسات

ومعنى كلام حضرتك غن اللمبات اللى عندى الواطى مش زينون ولمبات عادية بتنور أبيض وأنا كل دا فاكرها زينون

أصل كنت كل ما أقرأ فى الكتالوج كاتبين xenon على النور الواطى وفى كل موقع لمبات بيجيبوا إنها لمبات زينون


كدا أستنتج إن مقاس اللمبة اللى عندى ممكن أجيب منه لون أبيض أو لون أصفر ويبقى هالوجين عادى مش زينون

للعلم أنا عندى النور الواطى أبيض والعالى أصفر يبقى أنا كدا هغير اللمبات ال H 7 لأنى بحب الإضاءة الصفراء

صح كدا ؟؟

أنت ممكن يكون صاحب العربية الأولاني مركب زينون واطي بس

عموماً علشان تعرف زينون ولا لأ فيه حل بسيط

الزينون أول ما بيشتغل بيقعد ثواني كده على ما يدي أقصى إضاءة ليه........لو وقفت قدام حيطة و شغلت النور هتلاقيه الأول ضعيف سنة بسيطة و مش بنفس اللون العادي بتاعه....و بعد كده يبدأ ياخد قوة و لون الإضاء العادية.

لو ده مش بيحصل يبقى مجرد لمبات بيضاء

الكتالوج بيبقى مكتوب فيه حاجات وارد أنها تكون مش موجودة عندنا و هتلاقيهم كاتبين حاجة زى
( لو كانت العربية مجهزة)

يعنى على سبيل المثال الميجان كانت بتنزل فى إنجلترا فيها Keyless start يعنى بتدور و الكارت فى جيبك..........الأوبشن ده مش موجود فى مصر خالص.....بس هتلاقيهم بيتكلموا عنه فى الكتالوج.

بس فيه حاجة غايظانى فى الفانوس

اللمبة الصغيرة خالص اللى هى بتنور مع العدادات اللى هى w5w بتبقى باينة قوى من الفانوس

لكن أنا شفت فوانيس عربيات تانى اللمبات عليها زى حاجة عاكس كدا مغطية اللمبة

حتى لما ببقى منور نور العدادات وأنزل أقف قدام العربية نور اللمبة كدا بيبقى مش مالى المربع الصغير بتاعه

لكن لو بصيت من بعيد هتحس بإضائتها فاهم حضرتك أنا قصدى إيه ؟ هل دا عادى بالنسبة لفوانيس كتير ولا حاجة بايخة فعلا ؟؟

مش فاهم يا محمد.......يا ريت تصورها أحسن.

[MohammedAladel]

فكيت العجلة اليمين وفكيت اللمبة وطلعت زينون بالفعل ومكتوب عليها HId Xenon وهى صناعة كورية

بس عايز أعرف دى كانت جاية فى العربية ولا صاحبها القديم كان مركبها ؟؟

على العموم اللمبة دى داخل ليها 3 فيش كل فيشة عبارة عن فيشة وبيت للفيشة دى بيلتقوا مع بعض برا وبيعدى منهم السلوك للمبة جوا الواضح

إن فيشة منهم لونها أحمر وواحدة لونها ازرق ودول خاصين بالزينون والفيشة التالتة تحتوى على سلكين أحمر وأسود والظاهر كدا إنها بتاع الموتور



المهم بقى أنا عايز أغير اللمبة دى دا حتى السلوك بتاعتها معدية بشكل غريب من حتة جلدة اللى فى الغطاء ومعمول حسابها كما لو كانت حاجة نازلة فى العربية

بس الإضاءة بتاع الزينون عندى كانت مش قد كدا

أنا عايز أغير اللمبة دى ممكن أشتريها منين ؟؟؟

[MohammedAladel]

[تامر.محمد]

بس فيه حاجة غايظانى فى الفانوس
اللمبة الصغيرة خالص اللى هى بتنور مع العدادات اللى هى w5w بتبقى باينة قوى من الفانوس
لكن أنا شفت فوانيس عربيات تانى اللمبات عليها زى حاجة عاكس كدا مغطية اللمبة
حتى لما ببقى منور نور العدادات وأنزل أقف قدام العربية نور اللمبة كدا بيبقى مش مالى المربع الصغير بتاعه
لكن لو بصيت من بعيد هتحس بإضائتها فاهم حضرتك أنا قصدى إيه ؟ هل دا عادى بالنسبة لفوانيس كتير ولا حاجة بايخة فعلا ؟؟

لو لونها اصفر , غيرها بزيها لونها ابيض و اضائتها اقوى
كانت عندي صفرا و كان شكلها زي ما بتوصف و مقرف اوي , غيرتها باتنين لونهم ابيض عملوا اللي انت عايزه بالظبط
تقريبا بقت كده

[MohammedAladel]

طيب واللمبة الزينون اللى باظت إيه العمل معاها ؟؟؟ وهل ينفع أشتريها لوحدها نفس النوع وبكام

وهل ممكن يبقى إضاءتها أقوى من أختها اللى لسة شغالة

[MohammedAladel]

إيه يا جماعة محدش عارف يساعدنى

[MohammedAladel]

طيب متأكدين إن ميجان ما نزلش فيها لمبات زينون أبدا ؟؟؟

[Mohamed_Nafie]

لمبات زينون اصليه يعني الفانوس مجهز للزينون واللمد دي مبتبقاش H7 و H1 والكلام ده ... بتبقى يا D1S يا D2S للمجيان ودول مابيركبش غير في الفوانيس ال projector بس و في فرق بين عدسات هالوجن وعدسات زينون..

وردا على سؤال حضرتك فوق كده .. العربيه طالما راكب فيها حاليا H7 .. يبقى هي أصلا كانت جايه ب H7 هالوجن مش زينون

وعشان ارسيك على حاجة برده في السوق .. مفيش لمبه زينون اصليه بتبقى H حاجة سواء H7 , H1 أو غيره .. ولا فيلبس ولا يحزنون ...... أنا عندي في الميجان 3 .. جايب طقم من بره بس غالي حبتين

[MuhamedNabil]

الزينون الراكب عندك ده HIDplus كان كورى و دلوقتى خلاص مش موجود و مقاس اللمبة H7 , المشكله فى حاجة وحدة بس ان الفيش بتاعت اللمبة و الموديول الكورى مختلفة عن الصينى و لاكن على ما اظن انها زى بتاعت الفيليبس الكان بيبيعه هاشم بص و دلوقتى مش فاكر اسمه ايه الاخد توكيل فيليبس من هاشم .
المهم ان اللمبات الفيليبس حتكون 3 اضعاف سعر الصينى ده لو اصلا بعلك لمبات لوحدها

الحل التانى الفيه اقل الاضرار انك تحول الفيش بتاعت الموديولات العندك عشان تقدر تركب فيها اللمبات الصينى المتوفرة فى السوق.

الحل الثالث انك تشترى طقم صينى كله و تشيل العندك

و انا ارشحلك الحل التانى عشان اقل تكلفة و فى نفس الوقت الموديولات العندك حتكون افضل من الصينى الفى السوق حاليا

[MohammedAladel]

بالفعل يا أستاذ محمد هو دا نفس اللى مكتوب على اللمبة يعنى المشكلة اللى هتواجهنى الفيش نفسها إنى ألاقى لمبة بنفس الفيشة دى

أو أغير الطقم كله ودا متهيقلى محتاج فك الاكصدام

ليا سؤالين
هل النوع دا اللى كان بينزل فى العربية ؟؟؟
هل ينفع أخليهم لمبات عادية خصوصا إن أضاءتهم عندى مكنتش قوية يعنى العادية أفضل بمراحل منها واأنا الفانوس عندى عدسات

و

[MuhamedNabil]

بالفعل يا أستاذ محمد هو دا نفس اللى مكتوب على اللمبة يعنى المشكلة اللى هتواجهنى الفيش نفسها إنى ألاقى لمبة بنفس الفيشة دى

أو أغير الطقم كله ودا متهيقلى محتاج فك الاكصدام

ليا سؤالين
هل النوع دا اللى كان بينزل فى العربية ؟؟؟
هل ينفع أخليهم لمبات عادية خصوصا إن أضاءتهم عندى مكنتش قوية يعنى العادية أفضل بمراحل منها واأنا الفانوس عندى عدسات

و

الفيش امرهم سهل فى التغير انا كان عندى نفس الكيت دى و برده لمبة اتحرقت و حغير فيش الموديولات لان اغلب اللمبات الموجودة الفيش بتعتها مدورة

ده مش الاصلى البينزل فى العربية ده زى الاطقم الزينون الموجوده فى السوق دلوقتى بس كان كورى و كان كويس عشان كده افضل انك متغيرهوش بالصينى

ضعف الاضاءة عندك عشان اللمبات دى حتلاقى عمرها ممكن 3+ سنين و الزينون عمره الافتراضى 3000 ساعة مش لازم اللمبة تتحرق بس الاضاءة بتكون ضعفت جدا بداية من 1500 ساعة شغل بتكون وصلت لنص كفئتها الى ان تكون اضعف من الهالوجين , على عكس الهالوجين البيدى 90-80 % طول فترة التشغيل.

لو ركبت لمبات زينون 4300 جديدة الدنيا حتختلف تماما
و ممكن طبعا ترجع الهالوجين تانى , ممكن يبقى فيه تحسن و ممكن مفيش تحسن

ممكن الاول تجرب تركب لمبة هالوجين مكان اللمبة المحروقة و تقارنها بالجانب التانى لو فيه تحسن مع الهالوجين اكيد حيبقى التحسن اقوى مع لمبات زينون جديدة

توصيل اللمبة الهالوجين بيكون عن طريق تفك السلك الاسود و الاحمر من الفيشو البلاستيك ( هى دى الفيشة الاصلية بتاعت اللمبة) و تركب اللمبة الهاوجين فى القعدة بتعتها فى العدسة و بعد كده تركب الفيشة فيها.
و لو قرت انك تسيب الهالوجين حتشبل اللمبة الزينون بكبلاتها و ممكن تسيب الموديول فى مكانه
حتحتاج بس انك تلزق الفتحة الفى غطاء الكشاف المعدى منها اللمبة الزينون

[MohammedAladel]

mohmamed nabil & mohammed nafie كلامكم صح جدا

بعد ما فكيت اللمبة من الغطاء اكتشفت بالفعل إنها مش أصلية ومكان الغطاء مقطوع فيها فتحة عشان اللمبة تعدى

هو فيه عند كل كشاف جهاز الجهاز دا مثبتينه فى شاسيه العربية الصنايعى اللى ركبه يعنى

طيب واصله كهرباء أزاى ؟؟ هو بياخد الكهرباء بتاعته من الفيشة اللى واصلة للمبة ال H7 العادية وبعدين بتعدى على الجهاز دا وفيه سلكين طالعين منه داخلين تانى للمبة الزينون المعفنة

عشان كدا أنا قررت اغيرهم وهسد الفتحة دى وهجيب ال H7 الهالوجين الصفراء

الأوزرام منها تعمل كام يا جماعة ؟؟ أصلها لمبات أصيلة وبتعيش ؟

[Mohamed_Nafie]

بص إنت لسة عندك فرصة تجيب زينون لو عايز تركب ... أنا عايز ابيع الطقم اللي معايا عشان هاركب عدسات فـمش هينفع اللي عندي يركب عالعدسات ... بس هو غالي ... أنا جايبه من كندا .. ولمبة H7 بس مش صيني.. هي كابسولة فيلبس الماني على H7 وأكيد استاذ محمد نبيل فاهم قصدي :) ...

لو معجبكش و هترجع للهالوجين, يبقى أكيد هات Osram NightBreaker او Philips Crystal Vision

[Mohamed_Nafie]

أستاذ محمد ... ينفع ترفع صورة للوصلات بتاعت اللمبة زينون اللي عندك ؟