للمرة التانيه مشكله الدوارة على الصبح

[emadel]

السادة اصدقاء المنتدى

معايا ميجان 2005 تعبانى فى الدوارة كل يوم الصبح
اول ما اضغط استارت المارش بيحاول يقوم العربيه ومش بتدور مع العلم انى لسه مغير بطاريه جديده 75 امبير
لكن اكتشفت حاجة جديدة علشان ادور العربيه بسندها بدوستين بنزين اثناء الدوارة وممكن من اول مرة او التانيه تشتغل وكانى بشغل عربيه فيات 132

ممكن تساعدونى فى حل هذة المشكله وتحددوا العيب فين بالضبط علشان انا تعبت من كتر المصاريف

تحياتى للجميع

[Ahmed Selim]

هى ليها أكتر من سبب......

ممكن من الطرمبة و ممكن من حساس السرعة و فيه سبب تاني أن بيبقى فيه جوان زيت صغير فى ضهر الموتور تقريباً بيسرب زيت على حساس و بيخلى العربية مش بتدور........بس السبب الأخير ده لو بعد مشوار طويل لكن مش الصبح.

لو دارت بتمشي عادي و لا ممكن تبطل منك ؟

حضرتك شاريها مستعملة و لا كانت معاك من الزيرو ؟ و لو أشتريتها مستعملة كشفت عليها فين ؟ و أيه المشاكل اللى علمتها معاك ؟

[emadel]

هى ليها أكتر من سبب......

ممكن من الطرمبة و ممكن من حساس السرعة و فيه سبب تاني أن بيبقى فيه جوان زيت صغير فى ضهر الموتور تقريباً بيسرب زيت على حساس و بيخلى العربية مش بتدور........بس السبب الأخير ده لو بعد مشوار طويل لكن مش الصبح.

لو دارت بتمشي عادي و لا ممكن تبطل منك ؟

حضرتك شاريها مستعملة و لا كانت معاك من الزيرو ؟ و لو أشتريتها مستعملة كشفت عليها فين ؟ و أيه المشاكل اللى علمتها معاك ؟

استاذ احمد
متشكر على اهتمامك
العربيه انا شاريها مستعمله ومكنش فيها عيب فى الدوارة .. لكن كان فيها نتشه فى الفتيس والحمد الله صلحتها عند عادل اللى فى صقر قريش

والمشكله الحاليه فى الدوارة الصبح فقط ومش بتبطل منى

[Ahmed Selim]

استاذ احمد
متشكر على اهتمامك
العربيه انا شاريها مستعمله ومكنش فيها عيب فى الدوارة .. لكن كان فيها نتشه فى الفتيس والحمد الله صلحتها عند عادل اللى فى صقر قريش

والمشكله الحاليه فى الدوارة الصبح فقط ومش بتبطل منى

طيب حالياً قدامك حلين.........واحد عملي و التاني أرخص

العملي جايز يقف عليك أغلى بس هيجيب معاك من الأخر.....تروح لمركز خدمة معتمد تكشف و تعرف المشكلة فين بالظبط و تكلفتها أيه لو صلحتها عندهم و بعد كده ممكن تصلحها برة بس هتكون حطيت أيدك على المشكلة بنسبة كبيرة.

الأرخص تروح لواحد زي عادل تاني و تعتمد على تشخيصه فى الموضوع و تجرب.

هى ممكن تكون ضعف فى الطرمبة.....و ساعتها هتغير قلب الطرمبة بس و ده جديد كان فى حدود 300 جم.

[emadel]

طيب حالياً قدامك حلين.........واحد عملي و التاني أرخص

العملي جايز يقف عليك أغلى بس هيجيب معاك من الأخر.....تروح لمركز خدمة معتمد تكشف و تعرف المشكلة فين بالظبط و تكلفتها أيه لو صلحتها عندهم و بعد كده ممكن تصلحها برة بس هتكون حطيت أيدك على المشكلة بنسبة كبيرة.

الأرخص تروح لواحد زي عادل تاني و تعتمد على تشخيصه فى الموضوع و تجرب.

هى ممكن تكون ضعف فى الطرمبة.....و ساعتها هتغير قلب الطرمبة بس و ده جديد كان فى حدود 300 جم.

ان شاء الله هكشف على العربيه وهعمل اللى حضرتك بتقول عليه ويااااااااارب تكون اخر الاعطال

ومتشكر جد جدا على اهتمامك

[MohammedAladel]

ولو العربية مخنوقة يبقى برضه احتمال فلتر البنزين والله أعلى وأعلم

[emadel]

ولو العربية مخنوقة يبقى برضه احتمال فلتر البنزين والله أعلى وأعلم

شكرا على مرورك
انا لسه عامل للعربيه سرفيس كامل ومنها تغير فلتر البنزين

[Amr_Moh]

Remove one of the hoses on the filter or the fuel pump output and press start and check if the pump is pushing gas out

make sure u r not smoking while testing

[MohammedAladel]

طيب مش ممكن يكون العيب من الحساس اللى على الفرامل اللى هو لما بتدوس فرامل الدايرة بتوصل ولما بترفع رجلك الدايرة بتقطع ؟؟ ممكن مع دوسة الفرامل الحساس بيوصل وبعدين يفصل تانى أثناء التدوير

بس هو احتمال صعب يعنى لأن حتى لو كدا العربية أكيد فى مرة هتدور معاك

[solly1979]

انا الموضوع كان بحصل معايا كتير قبل مغير البطاريه
ودلوقتى ناردا لما تعملها بس بردة ساعات
قالولى غير البوجيهات ممكن تكون منها
بس انا لسه معملتش حاجه الحمد لله بدور كويس

[osamasindbad1]

انا حصل معايا كده وكنت بافضل ازود بنزين عشان تدور لغاية ما تسخن وبعدين تمشي كويس روحت التوكيل غيروا لي حساس السرعه