مطلوب مساعدة في قطع غيار ميجان 2

[manga_roro]

ازيكم يا وحوش الميجان

لو سمحتم انا كنت عايز اعرف ايه الماركات الكويسة بالنسبة للمقصات الامامية و بطاحة المساعد الامامية انا عايز اشترى من برة التوكيل بس حاجة كويسة و مش عارف اشترى نوعهم يكون اية و منين

شكرا ليكم

[MohammedAladel]

فين الوحوش اللى غيروا المقصات والبطاحات قبل كدا ؟؟

[manga_roro]

فين الوحوش اللى غيروا المقصات والبطاحات قبل كدا ؟؟

مش عارف ايه الحكاية يا استاذ محمد !!

غالبا انا اول واحد هيغيرهم عالعموم لما اغيرهم هاعمل موضوع مخصوص للمقصات و البطاحات بس ربنا يستر و مضطرش اعملهم فى التوكيل

[m7mdwagih]

انا غيرت مقصات بنوع اسمة origin بيقولو تركي كان المقص ب 200 بلبل بس شغالين تمام بقالهم شهرين

[abasse]

انا غيرت مقصات بنوع اسمة origin بيقولو تركي كان المقص ب 200 بلبل بس شغالين تمام بقالهم شهرين

طب ايه اخبار البطاحات ياريت تفيدنا

[MohammedAladel]

هو سعر البطاحات فى ال توكيل حوالى 700 على ما أتذكر بس مش متأكد

[Ahmed Selim]

البطاحات فى التوكيل على ما أذكر أغلى من 1000 جم

البطاحة برة التوكيل جزئين..........كاوتشة البطاحة و البلية....ممكن تشترى كل واحدة لوحدها.....فى التوكيل الأتنين مع بعض.

حاول الأول تشحم البطاحات علشان ساعات بيبقى الشحم اللى جواها نشف و هو اللى بيعمل مشكلة.

[medori]

البطاحات انا كنت مغيرهم الواحده ب240 جم من صقر قريش، النوع مش فاكر الصراحه، هحاول اشوف العلبه بكره و اقولك على نوعهم

[MohammedAladel]

فى التوكيل الواحدة ب 695 + 10 % ضريبة انا اتصلت وأتأكدت

[etrder63]

حاول تلاقى بطاحات استيراد إن امكن لأنهم أفضل من التركى الموجود بالسوق لأن المشكلة فى البطاحات وكذلك فى قواعد الموتور وشدادة الفتيس بتبقى نوعية وجودة الكاوتش المستخدم فى صناعة قطع الغيار بيبقى عمرها قصير يعنى كام شهر وتلاقى الكاوتش شقق أو اتقطع بعكس الأورجينال بتاع التوكيل غالى بس معمر واداؤه مختلف تمام سواء فى منع الاهتزاز او الخبط بتاع المساعد بالنسبة للبطاحات

[Ahmed Selim]

فى التوكيل الواحدة ب 695 + 10 % ضريبة انا اتصلت وأتأكدت

لو السعر ده اللى فى التوكيل يبقى غالباً قللوا سعرها..........أو أبتدوا يبيعوا كل جزء لوحده :)

عموماً السعر ده من التوكيل لو للبطاحة كاملة يبقى الأحسن تشتريها من التوكيل و تركبها برة لو مش عاوز تركبها فى التوكيل.....لأن على ما أعتقد سعرها كاملة برة مش هيقل عن 450 ل 550 جم......و زى ما وضح العضو etrder63 فرق الجودة يستاهل.....خصوصاً فى الجزء الكاوتش.

[MohammedAladel]

طيب إن شاء الله لما آجى أغير المساعد هل لازم أغير معاه السوستة والبطاحة ولا مش ضرورى ؟؟

وبالمرة سعر الطنبورة الأمامى كل واحدة على حدة ب 875 لكل طنبورة والخلفى الطقم ب 1400 من غير الضريبة

والمساعد الأمامى ب 595 من غير ال ضريبة

بصراحة كنت عايز أكمل معاه بس هو قال لى كتير كدا يا أفندم وأحرجنى

[Ahmed Selim]

طيب إن شاء الله لما آجى أغير المساعد هل لازم أغير معاه السوستة والبطاحة ولا مش ضرورى ؟؟

لا طبعا ملهمش علاقة

و عادة السوست مش بتتغير الا لو عاوز توطي العربية او لو لا قدر الله اتكسرت من حادثة

[MohammedAladel]

أصل أنا فكرت فى إن مثلا مع الاستعمال والمساعد يبتدى يبوظ بيبتدى حمل العربية يكون كبير شوية على السوستة وبيضغطها دا الفكرة اللى فى دماغى

لأن خالى كان مغيرهم فى أكسنت 2005 الشكل القديم قبل كدا ولما رحت عنده البيت لقيت مساعدين مرمين والسوستين برضه فقالى إنه غيرهم لما باظوا مسكت المساعد كنت بدوس على الحديدة بتاعته تنزل لتحت فى الماسورة ومتطلعش تانى بالفعل غير لو سحبتها بإيدى

[MohammedAladel]

لو السعر ده اللى فى التوكيل يبقى غالباً قللوا سعرها..........أو أبتدوا يبيعوا كل جزء لوحده :)

عموماً السعر ده من التوكيل لو للبطاحة كاملة يبقى الأحسن تشتريها من التوكيل و تركبها برة لو مش عاوز تركبها فى التوكيل.....لأن على ما أعتقد سعرها كاملة برة مش هيقل عن 450 ل 550 جم......و زى ما وضح العضو etrder63 فرق الجودة يستاهل.....خصوصاً فى الجزء الكاوتش.

وكمان أنا فاكر إن مركز خالد عمارة كان عامل خصم 20 % على قطع الغيار الأصلية وهو مركز خدمة معتمد رينو