صيانة ال80000 للميجان في التوكيل بجد ولا حقيقي

[Mamoud salah H]

ياوحوش انا في حاجة شوفتها واتصدمت فيها بصراحة
من خلال صفحة رينو ايجيبت الرسمية علي الفيس بوك من كتيب الصيانات الدورية
ان صيانة ال80000كم بتتكلف 2381جنيه وبصراحة كتيير اوي كدة السعر دة
دي كدة اغلي من صيانة 60000كم ال هي بتتكلف 2270جنيه
طب ايه دة يعني دة
دة لينك الصفحة
Renault Egypt - Maintenance - الصيانة | Facebook

[تامر.محمد]

انا كمان شفتها و اتصدمت ,ملاحظ ان اللي عامل كده هو شداد الكرنك , انا مش عارف ده ايه

[Mamoud salah H]

وربنا افتري بصراحة

[hossam_elwani]

انا كمان شفتها و اتصدمت ,ملاحظ ان اللي عامل كده هو شداد الكرنك , انا مش عارف ده ايه

وهو ياجماعه شداد الكرنك ده حد غيره لما سبب له مشكله فوق الــ 80000؟؟؟

اعتقد ان تغييره ساعة اللزوم فقط .. والى بيعملو ده تقليب جيب الزبون مش اكتر

[Mamoud salah H]

انا عن نفسي لسة معملتش الصيانة دي ومحتار اعملها في التوكيل ولا برة

[kar!m]

وهو ياجماعه شداد الكرنك ده حد غيره لما سبب له مشكله فوق الــ 80000؟؟؟

اعتقد ان تغييره ساعة اللزوم فقط .. والى بيعملو ده تقليب جيب الزبون مش اكتر

ماهو في حاجه اسمها الصيانة الوقائية .. و أكيد اللي صنع العربية عارف العمر الافتراضي للقطعة دي أد ايه.

فبيغيرها قبل ما عمرها الافتراضي ينتهي علشان متسببش مشكلة لصاحب السيارة .. أو تبوظ حاجات تانية لو باظت.

[hossam_elwani]

ماهو في حاجه اسمها الصيانة الوقائية .. و أكيد اللي صنع العربية عارف العمر الافتراضي للقطعة دي أد ايه.

فبيغيرها قبل ما عمرها الافتراضي ينتهي علشان متسببش مشكلة لصاحب السيارة .. أو تبوظ حاجات تانية لو باظت.

كلام تمام بس مش لدرجة التغيير على 80000 فيه عربيات كتير القطعه دى او شبيهتها ماتغيرتش والعربيه فوق 150000 فليه المبالغه؟؟؟

[figoo2001010]

امال برة تعمل كام حد يعرف

[Mamoud salah H]

فعلا انا معايا اوبل فيكترا موديل96 وماشية حوالي 200.000كم ومغيرتش شداد الكرنك دة خالص ومفيش اي مشاكل منه يبقي ايه لزمة تغيره في الرينو عند 80000كم

[Mamoud salah H]

وعلي انا لما سئلت في الميكانيكيون العرب عن صيانة ال80000كم كجبوش سيرة تغيير شداد الكرنك دة خالص وكانت هتتكلف 1800جنيه تقريبا وكنت برده شايف انهم كتيير

[mo7elmy]

لا فى مشكلة تانية ياجماعة

المشكلة التانية دى ان تلاقى ان الصيانات واحدة مع اختلاف العربيات هتلاقى مثلا صيانة ال80000 فى الميجان فى الفلونس فى الداستر واحد نفس القطعة بتتغير متهايلى دة كسل ولا كوبى صيانات ولا ايه مش فاهم ؟؟؟؟؟ الحاجة التانية صاحب الموضوع بيقول انه كلم الميكانيكيون العرب وبيقول انهم مجابوش سيرة موضوع الكرنك خالص وبيقولوا 1800 طب ازاى ما انت لوشيلت موضوع الكرنك من صيانة ال80000 هيبقى سعرها من 2350 -1350 =1000 دة تمن باقى الصيانة فين بقى ال800 زيادة الى عند اليكانيكيون العرب دول ؟؟؟؟؟؟؟؟؟؟؟؟؟
واخيرا هو ليه احنا بيتعمل فينا كدة هو مش احنا بنشترى زى ما العالم بيشترى ليه دايما نظرة البائع عندنا للمشترى ( مص دم الزبون ) ولازم لازم يضحك علينا ولازم يكدب علينا

[Mamoud salah H]

باشا ال 800 الزيادة ضريب مبيعا وسلاطات وبابا خنوج ومصنعيات

[MohammedAladel]

بكرة الكرنك بتتغير فى الصيانات الدورية فى التوكيل وهى اللى بتغلى سعر الصيانة زى ما أنتو شايفين سعرها

قبل كدا ماكانتش موجودة فى الصيانة على كلام عملت صيانة ال 80 فى التوكيل مغيروهاش زى الأستاذ أحمد عبد المقصود

الفكرة إن البكرة من جوا بتبقى متبطنة بجلد وهو دا سبب تغييرها

لكن أنا متوقع إنها بتعيش أكتر من كدا بس أهو لزيادة التأكيد والأمان
سعرها جوا التوكيل مبالغ فيه جدا برا بتعمل من 250 إلى 400 تقريبا والله أعلم

[Ahmed Selim]

هو الفكرة أن التوكيل له مطلق الحرية أنه يقول أيه يتغير على كام حسب ظروف البلد.....

على سبيل المثال..........سير الكاتينة كنت قريت فى سريفس مانيوال قبل كده على النت أنه بيتغير على ال 80 أو ال 90 ألف مش فاكر بالظبط........الكلام ده لأوروبا طبعاً......طيب ليه عندنا على 60 ؟؟

علشان الحر و الزحمة اللى بتساعد على زيادة حرارة كل ما هو تحت الكبوت و معروف أن الحرارة الزيادة بتأثر سلبياً على العمر الإفتراضي لأى حاجة كاوتش.

نفس القصة هتلاقيها مع شداد الكرنك.........بس مكنتش موجودة قبل كده و هما ضافوها.

جايز طبعاً الموضوع يكون مش أكتر من تقليب أكتر منه صيانة وقائية.

أنا عن نفسي عامل بالعربية 112 ألف و مغيرتوش قبل كده.

و زى ما التوكيل له مطلق الحرية فى تعديل بنود الصيانة اللازمة............أحنا كمان لينا مطلق الحرية نعمل الصيانة فى التوكيل أو لأ.........بس أهم حاجة منرجعش بعد كده نندم :)

[Mamoud salah H]

لو الصيانة اتعملت علي يد مهندس فاهم يبقي مفيش ندم
يعني مثلا وانا بشتري الاوبل كل الناس قالت لا وصيانة توكيل لازم ومش اي حد بيفهم وبتاع وكدة بس جبتها وبتعامل مع مهندس سيارات شاب وفاهم التكنولوجي وكلوا تمام فعشان كدة مش شرط التوكيل اهم حاجة واحد فاهم التكنولوجي الحديثىة والاهم من كدة بقي انو فتح ورا بيتي قشطة يعني مصلحة هههههههههههههه