جمرك رينو ميجان 2005 و2008 ؟؟؟؟؟

[midon1]

السلام عليكم ورحمه الله وبركاته

أنا عاوز أعرف جمرك رينو ميجان 2005 وجمارك ميجان 2008 ؟؟؟

فول اوبشن اوتوماتيك 2 اير باج 1600 سي سي

العربيه دي نازله من السعوديه في شهر واحد


عاوز اعرف هتتكلف كام جمارك علشان اشوف هتبقي كويسه ولا لاء

وسعرها ككام مستتعمل دلوقتي في مصر ؟؟؟؟

[karezzzma]

كستعمل من 50 لحد 65
الجمارك بقى مش عارف

[تامر.محمد]

ال 08 من 75 لحد 85 بالتقريب طبقا للفئة

[MohammedAladel]

هى المفروض إنها 6 إيرباج معرفش بقى يمكن تختلف فى السعودية

[midon1]

أنا عاوز أعرف جماركها كام

أو عموما الجمارك بتتحسب ازاي ؟؟؟؟؟؟؟؟؟؟؟

[Ahmed Selim]

الجمارك المفروض على ما أذكر 60% من سعر العربية سنة ما نزلت بس طبعاً لازم اللى هينزلها بأسمه يكون أول مالك ليها.

و بعد كده بياخد خصم تقريباً 10% على أول سنة أستخدام و 5% على كل سنة بعد كده بحد أقصى 30%

الأرقام كلها مش متأكد منها.

بالمناسبة الميجان كلها بتنزل ب 6 ايرباج.

و بالنسبة للسعر لل 2005 الحالة النضيفة تعمل 60 - 65.......50 هتيجيب مشنة و 55 هتجيب حالة تعبانة

[midon1]

طب وهو سعر الميجان سنه نزولها كام علشان أحسب جماركها ؟؟

و6 ايرباج ازاي ؟؟ وفين ؟؟

[Ahmed Selim]

طب وهو سعر الميجان سنه نزولها كام علشان أحسب جماركها ؟؟

و6 ايرباج ازاي ؟؟ وفين ؟؟

سعرها بيتحسب على أساس سعرها من البلد اللى جاية منها.......و لازم يبقى معاك جواب من مكان ما أشتريتها بالسعر أو الفاتورة بتاعة الشراء ( و يمكن الأتنين مع بعض مش متأكد ) لو الكلام ده مش موجود بيعملوا حاجة أسمها تقدير جزافي...........يطلع أعلى يطلع أقل انت وحظك بقى.........

عموماً اعلى فئة اللى كان فيها فتحة سقف بانوراما كانت ب 155 على ما افتكر أو 152

ال 6 أيرباج مكانهم كالأتي

2 عند السواق و اللى راكب جنبه
2 فى قوايم العربية بالعرض......يعنى بعرض العربية من الجنب
2 فى القوايم الخلفية بالطول.