تيل فرامل فاليو .. و ريمسا ... ايهما افضل لميجان 2 ؟

[تامر.محمد]

سلام عليكم

حيث اني ان شاء الله هاغير التيل الاصلي بتاع التوكيل , اللي قعد معايا 16 الف كيلو بس :(
و حيث اني هاغير التيل برة التوكيل المرة دي ان شاء الله
فعايز اعرف اجيب تيل فاليو ابو 280 جنيه , ولا تيل ريمسا ابو 180 جنيه ؟

ايهما افضل من حيث اداء الفرامل ؟ و احترامه للطنابير ؟ :))

[chato_eg]

لقيت فين الفاليو ؟ ..
المفروض إن الفاليو هو أقرب ما يكون للأصلى .. لإن فى وقت ما فاليو كانت بتورد التيول لرينو

[تامر.محمد]

لقيت فين الفاليو ؟ ..
المفروض إن الفاليو هو أقرب ما يكون للأصلى .. لإن فى وقت ما فاليو كانت بتورد التيول لرينو

في المحل اللي جنب محل البلدوزر في صقر قريش
الله اعلم اصلي ولا مضروب طبعا

[Ahmed Selim]

أنا فاكر أن حد كان قال أنه جرب الأتنين و شكر فى الريمسا أكتر...........مش عارف أنا فكر صح و لا الزهايمر أبتدى؟

[MohammedAladel]

أنا فاكر برضه ان الباش مهندس عمرو شكر فى الريمسا بش مش فاكر قوى يعنى

بالنسبة للفاليو هو عندى أداؤه كويس لكن بيصفر

[A.Saad]

تامر
الفاليو توكيله الهندسية للسيارات smg
ليهم فرع فى غمرة فى شارع رمسيس نفسه وممكن اجيب ليك نمرة مدير مبيعاتهم

[medori]

الفاليو احن على الطنابير من الريمسا، الريمسا ناشف شويه، بس ال 2 قريبين من بعض فى الاداء

[وائل مختار]

انا جربت الاتنين والافضل هو الريمسا بالرغم من انه ارخص من الفاليو لكن التيل الفاليو بياخد فتره قصيره اوى وبعد كده بيصفر

[medori]

لقيت فين الفاليو ؟ ..
المفروض إن الفاليو هو أقرب ما يكون للأصلى .. لإن فى وقت ما فاليو كانت بتورد التيول لرينو

الفاليو موجود عند ناس كتير فى شارع دمشق، بس اتأكد انه فرنساوى او اسبانى عشان بقى فيه منه الصينى دلوقتى، انا شاريه للميجان 2006 من عند عطيه الاسكندرانى من شهرين تقريبا ب 210 امامى و 110 خلفى

[تامر.محمد]

طب و مسألة الحنية على الطنابير دي ؟

[NaderNabil]

انا عندي تجارب أكثر من سيئة مع الريمسا..مرة في جوالف 5 و مرتين في الأوكتافيا

بينحر و بيصفر و لما بيسخن مش بيفرمل...يقرف بجد

معرفش اللي نازل للرينو أخباره إيه

[hossam_elwani]

تامر
الفاليو توكيله الهندسية للسيارات smg
ليهم فرع فى غمرة فى شارع رمسيس نفسه وممكن اجيب ليك نمرة مدير مبيعاتهم

كده احسن انك تجيبه من المصدر لضمان عدم الغش

[etrder63]

الخلاصة وعن تجربة الأورجينال لأنى جريت الفاليو والرمسا الأثنين زى بعض تقريبا وعمرهم سنة على اكتر تقدير لأنه الحشو بتاعهم فيه حديد فبعد كام شهر لما الطبقة الفعالة تبدأ تتآكل حديد التيل مع حديد الطنبورة تبدأ تسمع تصفير وتحس أن الفرامل مبتقفش كويس وده بيعوضه تأثير ال abs إلى حد ما ... لكن الأصلى طبقته فيها حبيبات نحاس فبيفضل حنين على الطنابير وتأثيره فعال طوال فترة عمله الفاليو والرمسا سعره من 200 الى 230 والأصلى فى التوكيل حاليا سعر 400 + 10% ضريبة

[MohammedAladel]

الفاليو موجود عند ناس كتير فى شارع دمشق، بس اتأكد انه فرنساوى او اسبانى عشان بقى فيه منه الصينى دلوقتى، انا شاريه للميجان 2006 من عند عطيه الاسكندرانى من شهرين تقريبا ب 210 امامى و 110 خلفى

دا سعره أمامى الطقم كام ال 4 قطع ؟؟ وخلفنى نفس الكلام ولا دا بالنسبة للعجلة الواحدة ؟؟

هو فى التوكيل سعر الطقم كامل بدون تركيب سواء أمامى أو خلفى 400 جنيه غير الضريبة

[تامر.محمد]

الخلاصة وعن تجربة الأورجينال لأنى جريت الفاليو والرمسا الأثنين زى بعض تقريبا وعمرهم سنة على اكتر تقدير لأنه الحشو بتاعهم فيه حديد فبعد كام شهر لما الطبقة الفعالة تبدأ تتآكل حديد التيل مع حديد الطنبورة تبدأ تسمع تصفير وتحس أن الفرامل مبتقفش كويس وده بيعوضه تأثير ال abs إلى حد ما ... لكن الأصلى طبقته فيها حبيبات نحاس فبيفضل حنين على الطنابير وتأثيره فعال طوال فترة عمله الفاليو والرمسا سعره من 200 الى 230 والأصلى فى التوكيل حاليا سعر 400 + 10% ضريبة

مش الاوريجينال هو الفاليو ؟