مشكلة في رينو فلوانس 2012

[wael-mohamed]

اولا انا سعيد جدا للانضمام الى هذا المنتدى المحترم .
ثانيا لي سؤال لاصحاب الخبرة في رينو , انا معايا رينو فلوانس 2012 وفيها مشكلتين مش عارف دول عندي بس والا عند حد تاني .
1- في صوت تزييق في العفشة والعربية عاملة 17000 كيلو فقط
2- في تقطيع في صوت الراديو في قناة راديو مصر فقط ( سكان القاهرة يعرفوها كويس )
وفي حاجة كمان ان الطارة بدات تقشر حاجة بسيطة ده عادي .
برجاء الافادة يا سادة

[Mohab.Nabil]

بالنسبة للعفشة حضرتك كده قربت من صيانة الـ 20 قولهم على المشكلة فى التوكيل و ان شاء الله لو فيها حاجة هيظبطوها .. بالنسبة للراديو غريبة يعنى اصل لو فيه مشكلة هيبقى مع كله مش مع راديو مصر بس ممكن تبقى مشكلة فى الارسال اصلا .. بالنسبة للطارة لو مقشرة جامد قولهم فى التوكيل برضه و هم هيغيروها على حسابهم لو العربية فى الضمان

[monamize4]

التزييق دا ان شاء الله يكون حله تربيط العفشة مع الصيانة اللى جاية اما بالنسبة لتقشير جلد الطارة ,, دا طبيعى جدا ان الجلد الصناعى يقشر ,, ممكن حضرتك تغيره بجلد طبيعى بالنسبة للكاسيت الصراحة مش عارف

[Ahmed Selim]

1- قولهم عليها فى صيانة ال 20 ألف و هما يشوفوها..........بس هل أنت بتحس بتخبيط فى الحتت المكسرة ولا مجرد تزييق ؟ و هل أنت متأكد أن التزييق من العفشة مش من مفصلات الأبواب مثلاً ؟
2- ممكن تكون مشكلة إرسال أصلاً مش مشكلة الكاسيت..........الكاسيت لو فيه مشكلة هتظهر على كل المحطات
3- قولهم عليها و هما هيغيروها فى الضمان.

[MohammedAladel]

بالنسبة للراديو ممكن تحرك الأريال كدا بإيدك وتشوف إيه اللى هيحصل الكلام دا لو كان على كل المحطات لكن من الواضح إن العيب فى الأرسال بتاع المحطة

بالنسبة للطارة كذا عضو غيرها على حساب التوكيل بس اللى عايز أعرفه هل الطارة الجديدة بتقشر برضه ولا هى نفسها ؟؟

[wael-mohamed]

الف شكر للاخوة الافاضل على سرعة الرد وساقوم باخبارهم في التوكيل على موضوع العفشة والطارة لان العربية في الضمان والمفروض انها معدل فيها مشاكل 2010و2012 بس انا قريت في موضوع التزييق ده قالوا ان ممكن تتغسل العربية وتترش شحم اسبراي لان بصراحة الموضوع ده مضيع طعم العربية خالص وخصوصا انها جديدة . ما رايكم يا كران

[Land_Cruiser]

بالنسبه للراريو حضرتك لازم تجرب في اكتر من مكان و تجرب كمان المحطات التانيه و بعر كره تحكم يا فنرم لان في حاجات كتير بتشوشر علي الارسال

[yalahwy2010]

موضوع التزييق ده بسيط جدا.....حضرتك رش سبراى wd40 على الكوالين ومفصلات الأبواب والصوت هيروح ان شاء الله
بالنسبة للطارة ....لازم تحجزها عشان انا آخر مرة قالولى هتحجزها وبتاخد وقت على ما تييجى....بس بيغيروها فى الضمان وناس محترمة جدا....واتصلوا بى علطول أول ما جات...وما أخدتش وقت بصراحة.....بس أنا بقولك على اللى قالهولى اول لما طلبت منهم تغيير الطارة....فا قولت أقولك احتياطى
بالنسبة للأريال.....قولهم فى التوكيل.....وخليهم يجربولك أريال تانى.....ولو فضلت المشكلة....قولهم انك عايز تغير الكاسيت فى الضمان.....وده حقك تماما
وابقى طمنا
وبالتوفيق

[wael-mohamed]

شكرا على الرد ولكن اطمع في كرم سياتك في الاتي :
1- التزييق في العفشة في المطبات الصغيرة المتتابعة مش في الباب
2- هل لما غيروا الطارة عند حضرتك جابوا طارة معدلة او من مواد مختلفة والا نفس الطارة
3- وبعدين انا شاكك ان الكاسيت فيه مشكلة لانه مبيطلعش السي دي وقالولي انه هياخد 3 ايام للاصلاح
4- في مشكلة في سرعة الهواء من التكييف وقالوا الفلتر هل حضرتك غيرت فلتر التكييف قبل كده وبعد كام كيلوا
اسف على اسالتي الكتير
وجزاك الله الف خير

[tarek7elmy]

التزييق دا ان شاء الله يكون حله تربيط العفشة مع الصيانة اللى جاية اما بالنسبة لتقشير جلد الطارة ,, دا طبيعى جدا ان الجلد الصناعى يقشر ,, ممكن حضرتك تغيره بجلد طبيعى بالنسبة للكاسيت الصراحة مش عارف

ممكن اعرف اغير فيين الجلد لجلد طبيعى

[yalahwy2010]

شكرا على الرد ولكن اطمع في كرم سياتك في الاتي :
1- التزييق في العفشة في المطبات الصغيرة المتتابعة مش في الباب
2- هل لما غيروا الطارة عند حضرتك جابوا طارة معدلة او من مواد مختلفة والا نفس الطارة
3- وبعدين انا شاكك ان الكاسيت فيه مشكلة لانه مبيطلعش السي دي وقالولي انه هياخد 3 ايام للاصلاح
4- في مشكلة في سرعة الهواء من التكييف وقالوا الفلتر هل حضرتك غيرت فلتر التكييف قبل كده وبعد كام كيلوا
اسف على اسالتي الكتير
وجزاك الله الف خير

الفلتر انا غيرته عند الكيلو 24000.....وبعد سنتين تقريبا من عمرها
وبصراحة التكييف تحول تماما.....بقى يسقع جدا.....وصوته بقى أهدى.....فا لو حضرتك بتشتكى من التكييف غيره علطول....بس خليك فى دخلة الصيف اللى جاى ان شاء الله

[MohammedAladel]

لو عربيتك جديدة بلاش تغيره جرب تنظفه الأول وشوف الفرق تنظيفه يتم بالهواء المضغوط

بيبقى ليه جهتين الجهة اللى بتفلتر الهواء من برا والجهة اللى بتدخل الهواء النظيف إنت هتنفخ فى عكس اتجاه الهواء من الخارج يعنى هتنفخ فى الجهة ال داخلية اللى بتدخل الهواء النضيف الكلام دا بالنسبة لفلتر التكييف وفلتر الهواء كمان

[hic]

بالنسبه للطاره عندى برضه قشرت و غيروها فى التوكيل بدون كلام بصراحه قمه فى الاحترام مع انها كانت مقشره بسيط جدا جدا هى مكنتش موجوده لكن اول ما وصلت اتصلوا بى و غيروها فى اقل من نص ساعه (توكيل رينو العامريه-الف تحيه و تقدير)

[etrder63]

لو عربيتك جديدة بلاش تغيره جرب تنظفه الأول وشوف الفرق تنظيفه يتم بالهواء المضغوط

بيبقى ليه جهتين الجهة اللى بتفلتر الهواء من برا والجهة اللى بتدخل الهواء النظيف إنت هتنفخ فى عكس اتجاه الهواء من الخارج يعنى هتنفخ فى الجهة ال داخلية اللى بتدخل الهواء النضيف الكلام دا بالنسبة لفلتر التكييف وفلتر الهواء كمان

كلام حضرتك مضبوط انا العربية كان هواء التكييف مكتوم جدا عن الأول فرحت نظفت الفلتر وركبته ورجع التكييف زى الأول بس لازم حد يكون فاهم فى العربية علشان مكان الفلتر مش سهل تطلعه علشان محتاج تفك درج التابلوه وتخرجه بره وتفك الجزء البلاستك اللى ماسك الدرج لحد ماتوصله والموضوع اتكلف 30 جم وكده الفلتر ممكن يقعد كمان سنة على الأقل لحد ما يحتاج يتغير علما بأن سعره فى التوكيل حوالى 300 جم

[wael-mohamed]

مشكورين جدا بس انا سمعت ان فلتر التكييف موجود في الطابلوة بتاع العربية من الوش ورا الجزء النيكل الطويل الي في الطابلوه فبيفك الوش ده وبعدين الفبر الي تحتيه وبعدين بيشيل الفلتر . بس الكلام الي حضراتكم بتقلووه ده عن تجربة معناه انه زي الميجان 2 وممكن يتعمل صح كده والا ايه