كليو ولا لوجان ؟؟ لوجان ولا كليو ؟؟

[Ahmed Hamdy]

يا جماعة العربيتين دلوقتى سعرهم قريب جدا ..
رأيكوا مين فيهم أحسن وليه ؟؟

[عمرو عمارة]

السلام عليكم

من الأخر كدة.......كليو 2005 موتور 1400سي سي 16صباب 100حصان وإنسه يا باشا:)

[Ahmed Hamdy]

طيب ولو بنقارن بالزيرو الموجود حالياً ؟؟
الكليو دلوقتى 75 حصان 8 صباب على ما أعتقد ..

[عمرو عمارة]

طيب ولو بنقارن بالزيرو الموجود حالياً ؟؟
الكليو دلوقتى 75 حصان 8 صباب على ما أعتقد ..

واللوجان 90 حصان 8 صباب

[Ahmed Hamdy]

طيب مين برضه أحسن ؟؟
أنا شايف ان صالون وتابلوه الكليو أحسن كتير من اللوجان ..
لكن صالونها ضيق من ورا .. اللوجان واسعة ..
الكليو موتور 1400 أعتقد أوفر فى البنزين .. بس اللوجان موتور أقوى خاصة انه 90 حصان مقابل 75 للكليو ..
أسعار الصيانة و قطع الغيار مش عارف فارقة ولا لأ ..

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[عمرو عمارة]

السلام عليكم

شوف إنت عايز إيه من العربية......بتسوق لوحدك كتير بالعربية وقليل أقوي لما حد بيركب معاك خصوصاً في الخلف يبقى الكليو أفضل وأوفر وأشيك (مسألة أزواق).......لو بتحمل كتير ومشاويرك عائلية كتير خليك في اللوجان

[limo]

انا عن نفسى شكل الكليو بيعجنى اكتر
للوجان صاجها اجمد من الكليو
اعتقد ان الاتنين هيكون زى بعض فى الاداء مع فارق ان اللوجان 1600 90 حصان فاحتمال يكون ادائها افضل
بس بينى وبينك ال15 حصان الفرق دول مش هتحس بيهم اوى

[Chicco]

شكلا مسألة ذوق ......الأمر متروك ليك
موضوعا فيه واحدة ١٤٠٠ و التانية ١٦٠٠ ...متهيألي ده الفرق الجوهري ....شوف إحتياجاتك إيه من العربية و قارن بينهم
هو نفس التوكيل و مش فارقة أوي قطع الغيار خصوصا لو فرنساوي .... أنا ما شفتش اللوجان بس تقفيل روماني من تركي ما أعتقدش فارق جامد و الله أعلم
ربنا يوفقك إن شاء الله
لو أنا حاختار كليو ...طبعا :)

[Ahmad Allawy]

شكلا مسألة ذوق ......الأمر متروك ليك
موضوعا فيه واحدة ١٤٠٠ و التانية ١٦٠٠ ...متهيألي ده الفرق الجوهري ....شوف إحتياجاتك إيه من العربية و قارن بينهم
هو نفس التوكيل و مش فارقة أوي قطع الغيار خصوصا لو فرنساوي .... أنا ما شفتش اللوجان بس تقفيل روماني من تركي ما أعتقدش فارق جامد و الله أعلم
ربنا يوفقك إن شاء الله
لو أنا حاختار كليو ...طبعا :)

يا هشام بك..
انت اخترت اصلا.. :) :) :) :)

[Chicco]

يا هشام بك..
انت اخترت اصلا.. :) :) :) :)

أحمد باشا ...عاش من شافك يا جميل ..أخبارك إيه
إختياري واضح مش كده ....... ما أنا عشان كده قلت "طبعا " و بعديها الأخ المبتسم ده :)

[Ahmad Allawy]

اكيد طبعا يا باشا..
ربنا يباركلك فيهم كلهم..
بس رأيك ايه..؟؟ هي الكليو اشد ولا الكورولا..؟؟
مع التحفظ علي اختلاف الفئات يعني..
و عشان منعملش بلبلة و مناقشات ساخنة بين الناس في حوار الاسيوي و الاوروبي..
ممكن سعاتك لو حبيت تبعتلي علي الخاص.. :)

[Chicco]

بصراحة شديدة الكليو في مصر أحسن من الكورولا في كندا
انما الحمد لله الاتنين مقضيين متطلباتي في البلدين
و تكالنا على الله يا باشا :)

[Ahmad Allawy]

بصراحة شديدة الكليو في مصر أحسن من الكورولا في كندا
انما الحمد لله الاتنين مقضيين متطلباتي في البلدين
و تكالنا على الله يا باشا :)

انت قولتلي دكتور ف ايه..؟؟ :) :) :)
دكتور طبيب ولا دكتور في السياسة..؟؟!!! :) :)
ما شاء الله .. ايه الدبلوماسية دي.. :)

[Chicco]

انت قولتلي دكتور ف ايه..؟؟ :) :) :)
دكتور طبيب ولا دكتور في السياسة..؟؟!!! :) :)
ما شاء الله .. ايه الدبلوماسية دي.. :)

دكتوراه في حتي

أخجلتم تواضعنا يا باشا :o

[Ramy_Tantawi]

السلام عليكم.

طبعاً مش هاختلف في اي كلام من الاخوه قالوه جزاهم الله خير وطبعاً دكتور هشام ربنا يكرمه اوجز واكفى .

انا رأيي الشخصي واتمنى يكوت فيه اضافه . الكليو بأمانه مش عائليه مش عارف ليه يعني الكليو مع قريبي هي عربيه محترمه جداً لكن آخرها معاه هو وزوجته جنبه وبنوته الصغيره ورا ربنا يحميها . لغاية كده هي عربيه محترمه جداً ومكفياه وزياده الحمد لله .

اللوجان اوسع بالذات من الخلف الكنبه واسعه من الخلف عكس الكليو وحجم الشنطه مقارب جداً هم الاتنين شنطهم حدث ولا حرج ممكن تعزل فيها لو تحب :) لكن اللوجان مش عارف تبصلها كده تحس انها عربيه عيله تشيل وتحط فيها براحتك مش عارف ليه الانطباع ده عندي من أول ماالعربيه دي نزلت ويمكن هي العربيه الاولى لرينو اللي الواحد يشوفها ومايخافش من رقتها وعذوبة تصميمها اقصد ان الرينو انطباع الغالبيه عنها انها عربيه محتاجه اللي يحسس عليها ويعاملها برفق وحنيه . اللوجان حاسس انها هاتكسر القاعده دي على الاقل في الانطباع العام للشكل الخارجي .

الكليو حمالة اسيه بطريقه غير طبيعيه وعن تجربه استهلاك بنزين رائع وشبابيه اكتر من اللوجان في الشكل واعتقد فرق الموتور ممكن مايكونش محسوس اوي لئن الكليو خفيفه ورشيقه لكن موزونه عشان ماحدش يخاف منها وطبعاً الحكم من ملاكها اكيد افضل مني بمراحل .

انا حاسس اني توهت حضرتك اكتر وزودت الحيره اللي عند حضرتك ...... عموماً اتمنى من الله سبحانه وتعالى يعينك على الاختيار الصح ان شاء الله والمناسب .