سؤال فني كدة للوحوش

[Mamoud salah H]

ازيكوا يا وحوش ان شاء الله تكونوا بخير المهم انا عندي سؤال كدة جيه علي بالي بعد مناقشة مع واحد صاحبي وهي ان لو عربية رينو ميجان 2006
وكبس الموتور بتاعها 73% يبقي حلو ولا وحش بالنسبة للموديل
والموضوع اتفتح بسبب انوا بيدور في رينو وكشف علي واحدة الموديل دة وطلعت النتيجة زي ماقولت فهو شايف ان كدة مش كويس واانا شايف العكس
انتوا بقي شايفين ايه ورايكوا ايه

[dedo_ryo]

انا شايفه كده تمام الصراحه لانه زيرو بيبقى غالبا في اواخر التمانينات و اوائل التسعينات فكده حلو و المهم الشكل العام و باقي الكشف هو اللي هيبينلك لو الماتور ده متهان ولا لا و ربنا يوفقه

[mbx4e]

العربيه كويسه بس مع عدد الكيلومترات المناسب
اما لو كبس متور كدا وعدد كيلومترات اقل من المتوسط (السنه تعملها في حدود 20-17 الف)
يبقى الاستخدام او اسلوب السواقه غشيم + الماتور اتقرص عليه في اول ما العربيه استخدمت فأثر على ىعمره الافتراضي

[تامر.محمد]

كانت عربيتي لانوس موديل 99 عاملة 130 الف كيلو كبس موتورها 72% لما جيت ابيعها , قيس بنفسك

[MohammedAladel]

دلوقتى عايزين نعرف العربية ماشية كام كيلو ؟؟

[Mamoud salah H]

العربية تقريبا 78000كم :80000كم مش فاكر كام بالظبط