بشرى سارة لمالكي الجميلة فلوانس

[wael-mohamed]

الاخوة الكرام حائزي الجميلة فلوانس
النهارده شوفت وعاينت جهاز الدي في دي الخاص بفلوانس ومعاه الشاشة كمان ذي الي في الصور بالظبط ومواصفاته كالاتي :
1- مكون من جزئين الاول جهاز الدي في دي وبيركب مكان السي دي الخاص بالعربية نفس الشكل بس الخواص مختلفة
2- شاشة باللمس يتم تركيبها مكان الشاشة الموجودة اعلى الطابلوه ويحتوي الجهاز على الاتي
* GPS
*DVD
* كاشف للرادار
* يتم توضيح حزام الامان والوسادة الهوائية بجانب الشاشة كما هو موجود في الشاشة الخاصة بالعربيةي
* مشغل mp3 , DVD
* والسعر بالتركيب ب 4500 جنيه وموجود في شارع دمشق في المحل الي بجانب السجان
انا شايف انه غالي بس مبسوط ان حاجة ذي دي بقت موجودة في مصر مش بره بس وكمان موجود الفوانيس الليد الخلفية بس مش عارف بكام
اسف للاطالة بس بحاول اعرفكوا بكل جديد اشوفه

[mazher_m]

ال g p sفيه خرايط مصر ومحدثه ولا لا
وشكرا للاهتمام

[Mohab.Nabil]

شوية و هيرخص

حصل كده مع الالنترا اول ما نزل كان ثمنه فى الحدود ديه برضه

و اهو بعد سنة ولا حاجة بقى بـ 2700

التجار فى مصر مستغلين جدا و ما بيصدقوا اى حاجة جديدة يضربوا سعرها فى السما

[airfox]

طب ما فيش بتاع الميجان ؟

[shawkylotfy]

مفتكرش ان هيبقى فية خرائط لمصر لو انت جدع هات samsung note 2 شاشة كبيبرة وخرائط جوجل عليها اى شارع او حتى حارة فى مصر ونفس الثمن وشاشة كبيرة وابقى هاتلة حاملة علشان تعلقة امامك فى التابلوة وانسى ويستاهل وقتها ال 4500 وخلى بالك الجهاز الى انت شوفتة صينى وعلى فكرة الدى فى دى مش هتحتاجة فى حاجة

[MohammedAladel]

بالظبط كدا موبايل حديث أفضل وعملى أكثر