تركيب عتب

[MohammedAladel]

السلام عليكم

إيه رأيكم فى تركيب عتب لميجان ؟؟؟

أنا سألت على الأسعار عند الأستاذ بسام

قال لى الاتنين ب 400 جنيه بالدهان وفيه لحد 1200 جنيه

حد ركب عتب قبل كدا ؟؟

بالنسبة للسبويلر اللى عليه العرض إيه رأيكم فيه ؟؟ ب 750 جنيه هل فعلا بيزود الثبات مع السرعات العالية وهل حد شافه بالظبط فى الواقع شكله حلو قوى وشيك ولا الشنطة من غيره شكلها أحسن ؟؟

[amr_elbazz]

تحياتى لك
العتب والاسبويلر فى الميجان بحس انها شيك جدا وبتكون اضافة قوية للعربية خصوصا الاصلى منها واكيد الموضوع ازواق

[Mamoud salah H]

انا رايي تجيب الاصلي وتركب في التوكيل عشان الي برة مش هيبقي قد كدة وممكن مع اي خطا او فراغ في التركيب يعمل بارومة بسبب الامطار وكدة

[hossam_elwani]

الاصلى رهيب عليها

[Ahmed Selim]

الميجان ليها 2 سبويلر أصلي.........واحد كبير شوية زى اللى التوكيل عامل عليه عرض و دى مش بيعجبني شكله بصراحة

و التاني بيبقى شفة صغيرة قوي............و ده اللى بيعجبني شكله بس للأسف مش متوفر بسهولة فى التوكيل و برة متضمنهوش.

اللى فى التوكيل بيبقى شبه ده


و التاني اللى أنا أقصده بيبقى شبه ده بس أصغر كمان


العتب يا محمد ممكن يديها شكل حلو جداً.............حسب التصميم و التقفيل.
لو تصميمه وحش أو تقفيله وحش هيبوظ شكل العربية.

[تامر.محمد]

طقم العتب و الكساحات في التوكيل ب10 بواكي :)

كان موجود في العربية اللي كنت مصورها لكم , و شكله ما عجبنيش للدرجة

[ecybrarian]

طيب ماتشوف بسام فيبر في الحرفيين..بصراحة 700 جنيه سبويلر كتير جدا

[MohammedAladel]

طيب محدش جاوبنى هل السبويلر بيزيد من الثبات على السرعات اللى هو ب 750 الأصلى على فكرة دا عرض يعنى سعره أساسا أغلى من كدا فى التوكيل


وهل ينفع أركب عتب فقط من غير ما أركب سبويلر ؟؟؟

ولو ركبت عتب أركبها لونها إيه أنا بقول أركبها لونها فيرانى بلون العربية

إيه رأيكم يا أصدقا ء

[تامر.محمد]

طيب محدش جاوبنى هل السبويلر بيزيد من الثبات على السرعات اللى هو ب 750 الأصلى على فكرة دا عرض يعنى سعره أساسا أغلى من كدا فى التوكيل
وهل ينفع أركب عتب فقط من غير ما أركب سبويلر ؟؟؟
ولو ركبت عتب أركبها لونها إيه أنا بقول أركبها لونها فيرانى بلون العربية
إيه رأيكم يا أصدقا ء

حسب العتب , لو بسيط هايبقى مقبول من غير كساحات ولا سبويلر
انا عموما بافضل الزيادات دي تبقى بنفس لون العربية

بالنسبة للايرودايناميكس مش عارف

[Ahmed Selim]

تأثير السبويلر على ثبات العربية مرتبط بحجم الأسبويلر.........و معتقدش أنك هتحس بتأثير ملحوظ فى عربياتنا.

[MohammedAladel]

شكرا لكم جميعا
بالنسبة لى أنا بحب الحاجة البسيطة

أنا شفت ميجان بسبويلر صغير قوى زى اللى بيقول عليه استاذ أحمد شفة كدا ودا شكله أشيك بكتير من الكبير اللى عليه العرض بالفعل