مشكلة كبيرة في موتور ميجان ٢

[hishastat]

ارجو مساعدتي بالمشورة لحل مشكلتي و هي انني قمت بقيادة السيارة بالرغم من ارتفاع درجةحرارة الموتور بشكل متكرر مما ادي لتلف البساتم والكرنك مع العلم ان جوان وش السلندر تم تغييره اولا قبل ظهور اعراض (التخبيط في الموتور). في النهاية اقترح الفني الذي اتعامل معه ان يتم تغيير البساتم و عمود الكرنك حيث ان ذلك الاجراء سوف يكون كافيا و سيوفر وقت و مال. ارجو ابداء النصح والمشورة علما بان ترس الدفيوزر له صوت مسموع صباحا بوضوح. مع جزيل الشكر

[AlGazar2]

انا مليش فى الميجان اوى بس لو الماتور الاستيراد سعره متوسط يبقى تجيب ماتور حتى لو فاضى من غير حاجة معاه ولا كومبريسور ولا دينامو و لا رشاشات احسن من الفتحة بتاعه الشمايز و الكرنك دى عشان هتفتح عليك شغل تانى كتير و هيبقى ماتور مقفول و ماتلعبش فيه قبل كده

[حماده المصري]

بالضبط هات متور جديد وريح دماغك

مش كل العمرات بتزبط وبعد الفتح بتلاقي كلام تاني كتير وبعد العمره بتلاقي مكان تاني

ولو مشكله السخونيه تغيير وش السلندر محلهاش يبقى انت محتاج تغير ميكانيكي

لان ببساطه المشكله ممكن تبقى في نظام التبريد ردياتير وملحقاته او طرمبه مياه

[moz]

ارجو مساعدتي بالمشورة لحل مشكلتي و هي انني قمت بقيادة السيارة بالرغم من ارتفاع درجةحرارة الموتور بشكل متكرر مما ادي لتلف البساتم والكرنك مع العلم ان جوان وش السلندر تم تغييره اولا قبل ظهور اعراض (التخبيط في الموتور). في النهاية اقترح الفني الذي اتعامل معه ان يتم تغيير البساتم و عمود الكرنك حيث ان ذلك الاجراء سوف يكون كافيا و سيوفر وقت و مال. ارجو ابداء النصح والمشورة علما بان ترس الدفيوزر له صوت مسموع صباحا بوضوح. مع جزيل الشكر

بص حضرتك انا شخسيا عاملت الكلام ده عند واحد بس الى هوه مصطفى بتاع المعادى هوه قالى ممكن نغير موتور وممكن نعمل عامره وعمل العمره ونجحت والموتوررجع زى الاول تمام انصحك روح ليه هوه حد بيفهم اوى

[ecybrarian]

طبعا هات موتور جديد

[MohammedAladel]

أنا بحب الحاجة تتصلح لما تبوظ ومش مع التغيير لكن بشرط

معرفة قطع الغيار اللى بايظة واللى محتاجة تتغير بالضبط

قطع الغيار الجديدة تكون أصلية بالكامل

فنى محترف وعنده ضمير ويعرف ربنا

صاحب عربية فاهم كويس ويقف على حاجته وهى بتتعمل إن ما كانش يعمل شغل بإيده مع الميكانيكى كمان :)

فى النهاية تحسب التكلفة لو هتبقى أقل بكتير من سعر موتور استيراد

لو مقاربة لسعره استيراد يبقى اشترى دماغى وراحتى النفسية وشترى موتور استيراد من حد أمين وموثوق فيه

[Amr_Moh]

شوفلك مكنة 2000 cc
لو تركب عندك

[scraper2012]

الموتور إستيراد "قرمة" كاملة "بلوكّة بالبساتم والكرنك و كارتيرة ووش سليندر بالصبابات" تعملها من 5500 إلى 6500 و إنت و شتارتك مع البياع المستورد