Tweet
السلام عليكم،
الحمد لله رخصت العربية امبارح، أنا كنت أستلمت يوم 24 أكتوبر والتأخير كان لعدة أسباب أجازة العيد، صورة الأعفاء الجمركي من التوكيل، أصل الأعفاء الجمركي تأخر عن الوصول للمرور وبالتالي تأخر اصدار شهادة البيانات، طيب نيجي لخطوات الترخيص من البداية:
1- باستلم من التوكيل ورقة بتثبت ملكيتي للعربية برقم شاسيه وموتور وبها أثبات حظر البنك (علشان القسط)، الى جانب ورقتين أثبات حظر البنك بيتختموا من المرور اللي أنا تبعه واحدة باخدها أرجعها للبنك وواحدة بتفضل في ملف السيارة
2- بعد 3 أيام عمل باخد صورة من الأفراج وبتكون مجمعة لعدد كبير من السيارات متضمنة العربية المخصصة لي
3- باخد صورة الأفراج وورقة المبايعة وبروح المرور اللي التوكيل تبعه، اللي هو بالنسبة لرينو مرور بين السرايات في الدقي، علشان أجيب شهادة بيانات، شهادة البيانات دي ما هي الا أثبات أن السيارة دي بالشاسيه والموتور ده خالص الجمارك اللي عليها ،و دي بتاخد حوالي 6 أيام عمل علشان توصل للمرور أعتقد من وقت خروج العربيات من الميناء، وطبعا أنت وحظك علشان دي حكومة، المهم دي بتاخدها وأنت واقف وتكلفتها 5 جنيه
4- خلاص كده معاك الأربع ورقات بتوع التوكيل الى جانب شهادة البيانات من المرور ،كده ممكن تروح المرور اللي أنت تبعه علشان ترخص
5- أنا تبع مرور م. نصر ، أول حاجة دخلت بالعربية المرور علشان لازم يفحص ويرفع رقم الشاسيه والموتور، صعب تركن الا لو جيت بدري، المهم وأنا في العربية واحد جالي قالي مش عايز ورق فحص قلتله ماشي علشان أفحص وأخلص تكلفته 15 جنيه ممكن طبعا من الخزنه يكون أرخص
6- فتحت الكبوت علشان ياخد رقم الموتور، كان في ورقة شفافة سميكة لازقه على الرقم لحمايته من التأكل ، بس تقول لمين في التخلف اللي عايشين فيه، شالها علشان يعرف ياخد الرقم بنظرية الزق وشخبط
7- خلف كرسي الراكب في الأرضيه كشف حته علشان ياخد رقم الشاسيه وبعدين غطاها تاني ، أديتله 10 جنيه قالي روح للمهندس علشان يفحص ويمضي
8- رحت للمهندس طبعا ما فحصش حاجة مجرد مضا الورق وخد 20 جنيه وقالي أخرج بالعربية علشان تفضي مكان، وده كان بيحصل مع أي حد وخصوصا علشان مفيش مكان للركنة
9- رحت ركنت العربية خارج المرور ورجعت أكمل الأجراءات، حأقول بعد كدة الأجراءات بالترتيب المفروض يحصل لتوفير المجهود على اللي يعمل الأجراءات بعد كدة
لما رجعت طلبت من المهندس أنه يثبت الستاير الخلفية على ورق الفحص، كتبها وطلب مني أروح للمهندس الكبير بتاعهم علشان يمضيها وبصراحة مرضيش ياخد فلوس
10- أشتري طفاية ب 128.70 وبيثبت ده على ورقه الطفاية اللي أخدتها مع ورق الفحص
11- أشتري ملف أبيض ب 1.5
12- تأمين أجباري سنة ب 120 عند بيت التأمين المصري السعودي
13- صورة البطاقة الشخصية بتاعتك
14- نموذج تجديد من الخزنه ب 10
15- تاخد الحاجات دي كلها وتروح على أي شباك من شبابيك التجديد وحاول تختار حد على وشه الهدوء والسكينه :)
16- بياخد كل الأوراق دي وبياناتك ورقم تليفونك ، وسألته على موضوع الستاير قالي حاثبتهالك في الرخصة، عمل تقدير لرسوم ترخيص سنه ب 375
17- دفعت في الخزنة بعد كدة الرسوم ورجعتله بالإيصال وبعدين قالي روح على الاستلام
18- بتقعد مستني لغاية ما ينادي أسمك ، بعد كدة أستلمت الرخصة وورقة البنك المختومة لأثبات الحظر
19- بروح بعد كدة أستلم النمر الجديدة من الشباك بتاع اللوحات مع المسامير بتاعه اللوحات
20 - باخد حد من اللي بيركبوا النمر إلى خارج المرور علشان يركبهم وتديله حاجة وخلاص على كدة
يعني مجموع المبالغ المدفوعة حوالي 700 - 750 جنيه
أرجو أن يكون الموضوع مفيد
الحمد لله رخصت العربية امبارح، أنا كنت أستلمت يوم 24 أكتوبر والتأخير كان لعدة أسباب أجازة العيد، صورة الأعفاء الجمركي من التوكيل، أصل الأعفاء الجمركي تأخر عن الوصول للمرور وبالتالي تأخر اصدار شهادة البيانات، طيب نيجي لخطوات الترخيص من البداية:
1- باستلم من التوكيل ورقة بتثبت ملكيتي للعربية برقم شاسيه وموتور وبها أثبات حظر البنك (علشان القسط)، الى جانب ورقتين أثبات حظر البنك بيتختموا من المرور اللي أنا تبعه واحدة باخدها أرجعها للبنك وواحدة بتفضل في ملف السيارة
2- بعد 3 أيام عمل باخد صورة من الأفراج وبتكون مجمعة لعدد كبير من السيارات متضمنة العربية المخصصة لي
3- باخد صورة الأفراج وورقة المبايعة وبروح المرور اللي التوكيل تبعه، اللي هو بالنسبة لرينو مرور بين السرايات في الدقي، علشان أجيب شهادة بيانات، شهادة البيانات دي ما هي الا أثبات أن السيارة دي بالشاسيه والموتور ده خالص الجمارك اللي عليها ،و دي بتاخد حوالي 6 أيام عمل علشان توصل للمرور أعتقد من وقت خروج العربيات من الميناء، وطبعا أنت وحظك علشان دي حكومة، المهم دي بتاخدها وأنت واقف وتكلفتها 5 جنيه
4- خلاص كده معاك الأربع ورقات بتوع التوكيل الى جانب شهادة البيانات من المرور ،كده ممكن تروح المرور اللي أنت تبعه علشان ترخص
5- أنا تبع مرور م. نصر ، أول حاجة دخلت بالعربية المرور علشان لازم يفحص ويرفع رقم الشاسيه والموتور، صعب تركن الا لو جيت بدري، المهم وأنا في العربية واحد جالي قالي مش عايز ورق فحص قلتله ماشي علشان أفحص وأخلص تكلفته 15 جنيه ممكن طبعا من الخزنه يكون أرخص
6- فتحت الكبوت علشان ياخد رقم الموتور، كان في ورقة شفافة سميكة لازقه على الرقم لحمايته من التأكل ، بس تقول لمين في التخلف اللي عايشين فيه، شالها علشان يعرف ياخد الرقم بنظرية الزق وشخبط
7- خلف كرسي الراكب في الأرضيه كشف حته علشان ياخد رقم الشاسيه وبعدين غطاها تاني ، أديتله 10 جنيه قالي روح للمهندس علشان يفحص ويمضي
8- رحت للمهندس طبعا ما فحصش حاجة مجرد مضا الورق وخد 20 جنيه وقالي أخرج بالعربية علشان تفضي مكان، وده كان بيحصل مع أي حد وخصوصا علشان مفيش مكان للركنة
9- رحت ركنت العربية خارج المرور ورجعت أكمل الأجراءات، حأقول بعد كدة الأجراءات بالترتيب المفروض يحصل لتوفير المجهود على اللي يعمل الأجراءات بعد كدة
لما رجعت طلبت من المهندس أنه يثبت الستاير الخلفية على ورق الفحص، كتبها وطلب مني أروح للمهندس الكبير بتاعهم علشان يمضيها وبصراحة مرضيش ياخد فلوس
10- أشتري طفاية ب 128.70 وبيثبت ده على ورقه الطفاية اللي أخدتها مع ورق الفحص
11- أشتري ملف أبيض ب 1.5
12- تأمين أجباري سنة ب 120 عند بيت التأمين المصري السعودي
13- صورة البطاقة الشخصية بتاعتك
14- نموذج تجديد من الخزنه ب 10
15- تاخد الحاجات دي كلها وتروح على أي شباك من شبابيك التجديد وحاول تختار حد على وشه الهدوء والسكينه :)
16- بياخد كل الأوراق دي وبياناتك ورقم تليفونك ، وسألته على موضوع الستاير قالي حاثبتهالك في الرخصة، عمل تقدير لرسوم ترخيص سنه ب 375
17- دفعت في الخزنة بعد كدة الرسوم ورجعتله بالإيصال وبعدين قالي روح على الاستلام
18- بتقعد مستني لغاية ما ينادي أسمك ، بعد كدة أستلمت الرخصة وورقة البنك المختومة لأثبات الحظر
19- بروح بعد كدة أستلم النمر الجديدة من الشباك بتاع اللوحات مع المسامير بتاعه اللوحات
20 - باخد حد من اللي بيركبوا النمر إلى خارج المرور علشان يركبهم وتديله حاجة وخلاص على كدة
يعني مجموع المبالغ المدفوعة حوالي 700 - 750 جنيه
أرجو أن يكون الموضوع مفيد
Comment