لغز في تدوير الميجان

[Abo_Lina]

عندي العربية فيها مشكلة غريبة
العربية لو اتسابت ليلة أو يوم بدون ما أدورها بتبقى مستحيل تقوم ،، تدي صوت كده انها هاتقوم بس عملية الاشتعال مش بتتم
الأغرب إنها بتقوم في مركز الخدمة من أول مرة ،، بس عن طريق انهم يوصلوها بالجهاز بتاعهم بتاع كشف الأعطال ،، الموضوع ده اتكرر بشكل دائم من العيد و أنا بقيت باركب الونشات أكتر ما باركب العربية
العربية مش بتدور الصبح ،، أول ما تتوصل بالفيشة و الكليب و اللاب توب بتاع مركز الخدمة ،، تدور على طول ،، و تفضل تدور بدون مشاكل طول اليوم ، لما أبيتها ليلة أو يوم ترجع المشكلة تاني
يا ترى ده ممكن يكون سببه ايه ؟!
الميجان عربية كويسة و رأيي فيها مش هايتغير
بس ليها مواقف بايخة بصراحة ،،

[Abo_Lina]

نسيت أقول إن الكمبيوتر مش بيسجل أعطال
و البطارية متغيرة من أسبوعين لشكي انها سبب المشكلة

[mshmshm3]

طيب مش ممكن يكون في تسريب كهربا او في حاجة بتسرب شحن البطارية

[Amr_Moh]

ممكن يكون حساس الكرنك بس ده بيبان على الكمبيوتر

أخبار مكنة الأستوب أيه ؟ تحت بدال الفرامل

[MohammedAladel]

زى ماقال الباش مهندس عمرو احتمال يكون زرار الاستوب اللى قدام دواسة الفراملة بيعلق

[Abo_Lina]

زرار الاستوب اللي قدام دواسة الفرامل ،، طيب هابقى أخليهم يبصوا عليه
لا هو مش حساس كرانك أنا كنت مغيره في شهر ٧ اللي فات بالفيشة و أنا كنت شاكك فيه فعلا و لكن مركز الخدمة (العدوي) أكد انه سليم ، و رحت لورشة بتاعة واحد كان شغال في المركز و فتح ورشة و كان شاكك في حساس الكرانك برضه و غيرناه بواحد استيراد يوم التلات و المشكلة رجعت تاني
العربية لما بتدور بيكون أدائها ١٠٠٪ - أنا عارف أعراض حساس الكرانك بتكون تقطيع و ال idle بيكون مش مظبوط ،،
أنا اللي بستغربله ان أول ما بيتم توصيل العربية بجهاز اللاب توب و الكليب بتقوم من أول مرة و تستمر طول اليوم بدون مشاكل ، لو هيا حاجة بتفرغ البطارية مش هاتقوم من أول مرة با اللاب توب
الحمد لله على نعمة الكورولا و الله عربية بنت أصول و عمرها ما ورتنا يوم وحش،،
الميجان ركوبة حلوة بس كل ٤ شهور و لا حاجة مشكلة ،، أنا بقيت راكب الونش ٤ مرات أو ٥ اخر شهر ده ،، حاجة بهدلة و الواحد ماعندوش وقت و لا طولة بال للكلام ده
الله المستعان

[ecybrarian]

طيب ماجربوش يغيروا اي حاحة.. سبيد سنسور..حساس كامة...اي حاجة..طيب بصوا على الفيش..ممكن تكون في فيشة مكسورة..فيشة ملمسة

[hossam_elwani]

زرار الاستوب اللي قدام دواسة الفرامل ،، طيب هابقى أخليهم يبصوا عليه
لا هو مش حساس كرانك أنا كنت مغيره في شهر ٧ اللي فات بالفيشة و أنا كنت شاكك فيه فعلا و لكن مركز الخدمة (العدوي) أكد انه سليم ، و رحت لورشة بتاعة واحد كان شغال في المركز و فتح ورشة و كان شاكك في حساس الكرانك برضه و غيرناه بواحد استيراد يوم التلات و المشكلة رجعت تاني
العربية لما بتدور بيكون أدائها ١٠٠٪ - أنا عارف أعراض حساس الكرانك بتكون تقطيع و ال idle بيكون مش مظبوط ،،
أنا اللي بستغربله ان أول ما بيتم توصيل العربية بجهاز اللاب توب و الكليب بتقوم من أول مرة و تستمر طول اليوم بدون مشاكل ، لو هيا حاجة بتفرغ البطارية مش هاتقوم من أول مرة با اللاب توب
الحمد لله على نعمة الكورولا و الله عربية بنت أصول و عمرها ما ورتنا يوم وحش،،
الميجان ركوبة حلوة بس كل ٤ شهور و لا حاجة مشكلة ،، أنا بقيت راكب الونش ٤ مرات أو ٥ اخر شهر ده ،، حاجة بهدلة و الواحد ماعندوش وقت و لا طولة بال للكلام ده
الله المستعان

يعنى تروح تلف على مراكز خدمه وتشيل العربيه على الونش كذا مره ومترحش التوكيل يكشف عليها ويجبلك من الاخر حتى لو فلوسه كتير حبتين !!!!!!!!!!!!!!!


روح التوكيل وريح دماغك

[Abo_Lina]

و الله ماحدش جابلي سيرة فيش أو حساسات و زي ما قلت العربية مش مسجلة errors و بمجرد ما بتتحط على الجهاز بتشتغل بشكل عادي

هو ماعدش فاضل غير التوكيل أنا بس كنت بسأل لو حد واجهته مشكلة زي دي قبل كده و حلها ازاي

[Mamoud salah H]

الاعراض دي كانت عندي في الاوبل وكانت تهريب كهربة من الكاسيت كنت مجرد ما اسيبها يوم متدورش غي بوصلة وهكذا لحد ما امتشفت التهريب

[MohammedAladel]

هو أنا اللى واصلنى من ناحية زرار الستوب
أول ما بتدوس على الفرامل الزرار بيطلع لقدام الدايرة بتوصل العربية بتدور إنت أثناء تدوير العربية العربية بتكون دايس فرامل لو رفعت رجلك والعربية بتقوم هتبطل

ممكن يكون الزرار بيوصل ويفصل تانى على طول قبل ما ا لعربية تقوم والله أعلى وأعلم دا تخمين مش أكتر

طيب لما العربية بتتوصل بجهاز كشف الأعطال هل ممكن تدورها من غير ما تدوس على الفرامل خالص او تدورها عن طريق الجهاز نفسه ؟؟؟ ولا لازم من العربية نفسها أتوقع انه لازم من العربية ( دا سؤال كدا من دماغى عايز أعرفه :) )

[ecybrarian]

وديها لخالد الزيني في الرحاب..عندي احساس إن في فيشة مكسورة..لما بتحط الكمبيوتر بتعمل Bypass لها...في واحد اعرفة كان عنده مشكله شبه دي (بس مش بالظبط) اكتشف في الأخر إن العازل بتاع سلك حساس السرعة اتاكل بسبب الزيت ودا طبعا غيير قراية الحساس وصعب الدوارة..

[Abo_Lina]

اللي بيحصل بالظبط ان العربية بتكون مش بتدور
بيتم توصيل اللاب بالفيشة اللي تحت عند الولاعة
بعد دقيقتين من البحث عن اعطال الراجل بيخش يدورها عادي جدا بالطريقة المعتادة عن طريق الدوس على الفرامل و زرار الستارت ، و بتدور من اول مرة و كأن شيئا لم يكن .
عاوز أقول كمان انها قبل ما أغير البطارية العربية كان ممكن أقومها ببطارية تانية بس في حالة واحدة ، ان البطارية اللي راكبة فيها تبقى على مشارف الانتهاء ، يعني كنت اقعد احاول اقومها ١٠ دقايق مثلا لحد ما البطارية تخلص و تبدأ تسمع صوت المارش بس و انوار التابلوه تلعب ، و بعدين اجيب بطارية تانية و تقوم بالكابلات عادي
بس طبعا البطارية اللي فيها حاليا جديدة و مش سهل اعمل الموضوع ده غير ضرره على المارش .
أنا حاولت أفك قواطيش البطارية ٥ دقايق كده و اركبهم تاني برضه مافيش جديد
اعتقادي ان زي ما الاخ الكريم قال ممكن الكاسيت او حاجة تانية تكون بتعمل قفلة او بترجع شحنة كهربة للكمبيوتر أو حاجة مشابهة ، و أول ما الشحنة دي تتفرغ اما عن طريق اللاب أو تفريغ البطارية القديمة العربية بتقوم.
أنا بفكر في حاجة افرغ بيها شحنة الكمبيوتر دي ،، أي اقتراحات ؟ مش حل نهائي بس أي حاجة تدورها في الوقت الحالي

[MohammedAladel]

طيب ما تفصل القواطيش ونضفها كويس وركبها تانى يمكن تدور

[Ahmed Selim]

طيب حاول الأول فى اللى هقوله

1- فك قواطيش البطارية.......و أغسلها كويس
2- صنفر القواطيش كويس سواء اللى نهاية الأسلاك أو اللى فى البطارية نفسها.......و جرب بعد كده.

لو محصلش تحسن أعتقد انها ممكن تكون حاجة بتهرب شحن.