رسالة غريبة في الفلوانس برجاء الأفادة

[karemof]

السلام عليكم
عندي رسالة غريبة طلعت فجأة كنت ماشي عادي وبعدين بطلت العربية نزلت أجيب حاجة وبعدين جيت أدور العربية ونقلت على d راحت رساله باللون الأحمر وصوت انذار لما أشيل رجلي من الفرامل بس لما أدوس الفرامل بتروح وهكذا الرسالة بتقول
Gear lever to p
اللي أنا فاهمه أنه عايزني أجيب النقلة على p بس هي كانت بتمشي عادي سواء قدام أو ورا ، يا تري حد عارف الموضوع ده

[Amr_Moh]

؟.
جديده ديه

[estimation]

أعتقد أن حضرتك شيلت المفتاح و هي على ال N ودورت برد و هي على ال N صح ؟؟؟

اللي أعرفه أن لو شيلت المفتاح النورمال تكون العربية على ال P وتدور تاني و هي على ال p علشان كدة الرسالة دي طلعت

[shawkylotfy]

فى رسالة تانية مع الى انت قولتها وانت مختدتش باللك منها على العموم روح التوكيل واى حاجة ختتعمل فى الضمان

[karemof]

السلام عليكم جميعا,

أعتقد أن حضرتك شيلت المفتاح و هي على ال n ودورت برد و هي على ال n صح ؟؟؟
اللي أعرفه أن لو شيلت المفتاح النورمال تكون العربية على ال p وتدور تاني و هي على ال p علشان كدة الرسالة دي طلعت

أنا برجح الجزء الأولاني أني أكون بطلتها وهي على حاجة غير ال p , بس هي ما ينفعش تدور ألا لما أكون p ودايس فرامل

فى رسالة تانية مع الى انت قولتها وانت مختدتش باللك منها على العموم روح التوكيل واى حاجة ختتعمل فى الضمان

لأ مفيش رسائل تانية خالص

-------------------------------------------------------------------------------------------
هو اللي حصل أنهاردة أني كلمت الوكيل حولوني على مهندس في الصيانة بصراحة مش بياخد ويدي في الكلام كدة, وبعدين قالي كلمة معرفتش أسمعها كويس كذا مرة حاجة كدة زي "سيرش الفرامل محتاج يتظبط" طبعا مفهمتش حاجة و قال أنها مش حاجة خطيرة, المهم حجزت ميعاد يوم الثلاثاء في العبور.
بعد كدة دورتها النهاردة لقيت الرسالة راحت, أنا بفكر أجرب إن شاء الله شوية و بعدين أكلمه تاني على أساس نتيجة التجربة

[Ahmed Selim]

إحتمال كبير تكون بطلت و دورت على ال N

عموماً هو اللى الفني بتاع التوكيل قالهولك switch الفرامل

و ده فعلاً ميتقلقش منه خالص.............أساساً كان بيتغير كله على بعضه فى الميجان فى أقل من ربع ساعة.

[karemof]

إحتمال كبير تكون بطلت و دورت على ال N

عموماً هو اللى الفني بتاع التوكيل قالهولك switch الفرامل

و ده فعلاً ميتقلقش منه خالص.............أساساً كان بيتغير كله على بعضه فى الميجان فى أقل من ربع ساعة.

أشكرك يا أستاذ أحمد على ردك,
هو أنا شاكك أكون بطلت على حاجة غير ال P , بس أنا ما ينفعش أدور الا وانا على ال P
وأنا جربت تاني أنهاردة أبطل وأنا على ال d وبعدين جيت أدور الرسالة ما تلعطش تاني

بس هل في حاجة ممكن تحصل لو بطلت على غيار غير ال P ؟
و يا ترى سويتش الفرامل ده وظيفته ايه ؟

[MARTINDALE]

يا ما بطلت على d ولما اجي ادور بيقولي حول على p .

[HOSSAM_GABRE]

الرسالة عادية جدا وبتظهر فقط لما تكون فاتح باب السواق وحاطط الفتيس على حاجة غير p وبتنتهى لما تقفل باب السواق علشان تنبهك بس ان العربية ممكن تتحرك

[Mostafa.Ismail]

- طيب ارجوك قبل متروح التوكيل بص بصة كدة فى المانوال بتاعها يمكن تكون حاجة شائعة او كانت رسالة تحذير من حاجة مش مشكلة ...
- حاول تبطل العربية وتدورها تانى وهى على ال n

[Ahmed Selim]

أشكرك يا أستاذ أحمد على ردك,
هو أنا شاكك أكون بطلت على حاجة غير ال p , بس أنا ما ينفعش أدور الا وانا على ال p
وأنا جربت تاني أنهاردة أبطل وأنا على ال d وبعدين جيت أدور الرسالة ما تلعطش تاني

بس هل في حاجة ممكن تحصل لو بطلت على غيار غير ال p ؟
و يا ترى سويتش الفرامل ده وظيفته ايه ؟

هى عموماً الرسالة دى المفروض أنها تحذيرية مش أكتر

لو أنت بطلت على d مفيش مشكلة...............بس ممكن تدور على n أو p

سويتش الفرامل ده وظيفته أنه يحس بدوسة الفرامل و أنت بتدور و كمان و أنت بتنقل من p ل d او r

الرسالة عادية جدا وبتظهر فقط لما تكون فاتح باب السواق وحاطط الفتيس على حاجة غير p وبتنتهى لما تقفل باب السواق علشان تنبهك بس ان العربية ممكن تتحرك

ممكن جداً.

[wael-mohamed]

الاخ الكريم الي اتكلم على موضوع الباب ده مظبوط لو الباب مفتوح تدي الرسالة دي فعلا

[Mohamed_Nafie]

الرساله دي بتظهر لكذا سبب مع كذا حوار ...

لو مثلا جيت تدور وال عربيه على حاجة غير ال p ..مش هتدور وهيقولك الرساله دي من غير تحذير صوتي و بنفس لون الشاشه ...

لكن لو الباب/الشنطه مش مقفول كويس وجيت تمشي أو تتحرك هتظهر نفس الرساله مع وجود تحذير صوتي و وهيكون التحذير بالأحمر عالشاشه ...

[karemof]

سبب الرسالة بالتجربة

الرسالة عادية جدا وبتظهر فقط لما تكون فاتح باب السواق وحاطط الفتيس على حاجة غير p وبتنتهى لما تقفل باب السواق علشان تنبهك بس ان العربية ممكن تتحرك

الاخ الكريم الي اتكلم على موضوع الباب ده مظبوط لو الباب مفتوح تدي الرسالة دي فعلا

الرساله دي بتظهر لكذا سبب مع كذا حوار ...

لو مثلا جيت تدور وال عربيه على حاجة غير ال p ..مش هتدور وهيقولك الرساله دي من غير تحذير صوتي و بنفس لون الشاشه ...

لكن لو الباب/الشنطه مش مقفول كويس وجيت تمشي أو تتحرك هتظهر نفس الرساله مع وجود تحذير صوتي و وهيكون التحذير بالأحمر عالشاشه ...

السلام عليكم جميعا,
أولا رسالة للأدارة أنا عارف أن النقاش توقف منذ فترة بس أنا حبيت أنهي الموضوع باستنتاج نهائي بناء على التجربة, حتى تعم الفائدة ويستخدم الموضوع كمرجع مفيد

بالنسبة لردود حضراتكو اللي بتتكلم عن الباب, أنا أتأكدت بنفسي من السبب ده فعلا, لأن الرسالة ظهرت معايا تاني وكان السبب أني بدأت أتحرك بالعربية والباب بتاعي كان مش مقفول كويس.

[Moratoz]

شاكرين لحضرتك وللأدارة بفتح باب المناقشة لتعم الأفادة وتأكيد صواب الحوارات التي تمت والوصول للحل النهائي