كاسيت الميجان

[byada10]

كاسيت الميجان يعمله كام جديد او مستعمل و اجيبه منين ؟

[وائل مختار]

التوكيل على فكره منزل عرض على كاسيت الميجان 2 والسعر 500 جم بالتركيب

[byada10]

فين الوحووووووووووش ؟

[وائل مختار]

كلم التوكيل وان شاء الله هتلاقى الكاسيت عنده زى ما قولتلك وانا شايف ان سعره رخيص جدا

[airfox]

التوكيل على فكره منزل عرض على كاسيت الميجان 2 والسعر 500 جم بالتركيب

انا كلمت التوكيل و ملقتش اي حاجه عن العرض ده و قالي كاسيت 2005 ب 4380 و موديل 2007 ب 3855 ومش موجدين اصلا
بس في سؤال بقي الراجل معرفش يرد عليه المفروض ان كاسيت موديل 2009 و 2010 بيشغل س دي ام بي ثري بس الراجل مش عارف يبفع علي موديل 2007 و 2005 ولا لاء و لو ينفع ممكننلاقيه فين استيراد مثلا

[MohammedAladel]

ادخل على رينو فيس بوك

هتلاقى العرض الكاسيت ال tuner list اللى هو كان بينزل فى 2005 عامل 500 جنيه شاملة كل حاجة

الكاسيت ال 2007 update list أفضل طبعا من التيونر ليست وللأسف دا مش عليه العرض والأفضلية هنا فى إمكانية عمل وصلة ال AUX

[airfox]

ادخل على رينو فيس بوك

هتلاقى العرض الكاسيت ال tuner list اللى هو كان بينزل فى 2005 عامل 500 جنيه شاملة كل حاجة

الكاسيت ال 2007 update list أفضل طبعا من التيونر ليست وللأسف دا مش عليه العرض والأفضلية هنا فى إمكانية عمل وصلة ال aux

شكرا يا باشا ان فعلا لقيت العرض و كلمته و لسه موجود و صاحبي اللي معاه 2005 ناوي ان شاء الله يجيبه

[byada10]

انا موديل 2006 النص الاول و اللى معايا ابديت ليست

ايه الحل كده ؟

[ahmadg78]

موجود فى صقر قريش الابدات ليست تقريبا 400 عند المهندس طلعت

[airfox]

شكرا يا باشا ان فعلا لقيت العرض و كلمته و لسه موجود و صاحبي اللي معاه 2005 ناوي ان شاء الله يجيبه

النهارده روحنا وركبنا الكاسيت و اتكلف 550 بالضربيه بس قعدونا ساعتين و نص اي هبل و في الاخر ان في غلط في الفاتوره و بعد ما صلحوها برده طلع في غلط و كان مصمم ياخد 100 جنيه تركيب و فضلنا نلف علشان نثبت ان العرض شامل التركيب و بعدين الراجل مصدقش لاغيت ما تقريبا المدير اتصل بيه و تقربيا هزقه شويهو وقله 100 جنيه تركيب ايه خلي عندك نظر شويه لانه وشه جاب الوان وفضل يقول اصل انا معنديش علم وكلام كده لحد ما خلصنا الساعه 1 الا ربع و احنا داخلين الساعه 9 ونص

[dedo_ryo]

هههههههههههههههههه 100 جنيه تركيب لييييييييييه دول هما فيشه السماعات والكهرباء و فيشه المالتي فنكشن و فيشه الاريال اذا كانت فيشه اصلا و العرض على صفحه الفيس يتاعتهم بتقول كده التركيب مجانا .... المهم مبروك على صاحب حضرتك بس لو حد يقولي بتاع ال2010 يركب مكان ال2006 لانه بيشغل Mp3 مش زي ال Update list اللي معايا و شكرا جزيلا

[airfox]

اه لو الكاسيت update list ممكن يركب عليه 2010 اللي بيشغل mp3 بس الكاسيت غالي و مش موجود تقريبا داخل في 4000 ما انا سالت النهارده بس المهندس قالي فكره احسن اداني عنوان محل في شارع الاوتوستراد اسمه video bus بعد بنزينه شل يمين بيجيب ال dvd اللي بيشتل مع الميجان و فيه gps و كل الافلام ديه و فعلا روحتله و قالي هو خلص من عنده دلوقتي بس هيجيب تاني قريب واداني رقمه علشان اتابع معاه و قالي السعر بين 3000 او 3500 و كده اكيد احسن مليون مره وكمان ممكن نحاول نظبط معاه لو ناس كتير عايزه ونقوله يظبط في السعر بس بالصراحه انا مسالتوش بس اعتقد ممكن

[محمدصلاح]

المهم مبروك

وهو كاسيت يا باشا ولا سي دي وام بي ثري

[MohammedAladel]

ركب كاسيت زى اللى فى العربية من نوع tuner list بيشغل اسطوانات أوديو عادى

[bedooracle]

ممكن يا airfox تقولنا فين video bus او رقم تيلفونه ؟