طلب مساعدة في الإختيار: Fluence Vs. Megane

[zemanovaxxx]

السلام عليكم ورحمة الله وبركاته
طبعا الموضوع ده ممكن يكون الناس اتكلمت فيه قبل كده (مش عارف بصراحة), فلو تكرمتم وحد لقي لينك للمقارنة دي ع المنتدي يدلني عليه. أما لو مفيش فأرجو الإفادة في الإختيار م بين العربيتين.

حاجة كمان, أنا عارف إن الموضوع كان المفروض يكون مكانه قسم المقارنات بس أنا شايف إن أكتر ناس ممكن يهمهم الرد ع الموضوع هم أعضاء قسم الرينو نفسهم, عشان سابق الخبرة والتجربة. وجزاكم الله خيرا

[M.Radwan]

الموضوع ببساطة انت عايز عربية سيدان ولا هاتشباك؟ لأن العربيتين يعتبرو واحد مع اختلاف الشكل فقط
بس اعتقد ان التسارع في الميجان هيبقى أفضل. وربنا يوفقك للاختيار الصح

[zemanovaxxx]

الموضوع ببساطة انت عايز عربية سيدان ولا هاتشباك؟ لأن العربيتين يعتبرو واحد مع اختلاف الشكل فقط
بس اعتقد ان التسارع في الميجان هيبقى أفضل. وربنا يوفقك للاختيار الصح

الموضوع مش فارق عندي هاتشباك أو سيدان, وإلا مكنتش عملت الإستطلاع من الأول لو انا ميال لشكل بعينه, وإن كنت شايف إن الميجان شكلها رياضي وشبابية أكتر وتصميمها ملفت حاجة بسيطة عن الفلوينس

الموضوع إني محتاج أراء الملاك اللي معاهم العربية بقالها فترة أو أي حد سمع حاجة عن أعطال العربيتين أو أي مشاكل ظهرت ف الأداء (عدم ثبات أو خلافه ..), لأني عارف إن العربتين تقريبا واحد وإن كان عزم الميجان أكبر حاجة بسيطة في مقابل وزن أقل وده اللي بيديها أفضلية ف التسارع من صفر ل 100 كم /ساعة

شكرا لإهتمامك ومرورك

[medodola2012]

انا شايف ان الميجان شكلها افضل بس اعتقد الفلوينس سعر اعادة بيعها افضل شوية من الميجان

[zemanovaxxx]

انا شايف ان الميجان شكلها افضل بس اعتقد الفلوينس سعر اعادة بيعها افضل شوية من الميجان

طب بما إن حضرتك معاك ميجان بس أعتقد ميجان ii مش iii
إيه أخبار الأعطال معاك
طبعا السؤال اللي بسأله نتيجة الإشاعات المتكررة عن الفرنساوي وتعقيده عامة والميجان خاصة, وأعطاله المفاجئة, وشكرا لإفادتك ومرورك

[Amr_Moh]

أنا بت عجبني الميجان ٣ اكتر
بس الفلوانس منتشره = سعر أعاده بيع افضل
ميكانيكا و كهرباء واحد. اختلاف في البدي

[zemanovaxxx]

ميكانيكا و كهرباء واحد. اختلاف في البدي

م هو ده اللي مجنني
كان نفسي يكون في حاجة ترجح كفة واحدة عن التانية عشان اشتريها, كده مضطر اشتري الإتنين وبعد كده
شكرا جزيلا ع المشاركة

[Ahmed Selim]

هو فعلاً الأتنين واحد فى كل حاجة ما عدا الشكل والبودي

الإعطال اللى هنا هي اللى هنا............و عموماً لحد دلوقتي مفيش حد أشتكى من أى منهم شكاوى كبيرة.

كل اللى حصل كان عند بعض الناس الطارة الجلد بتقشر و بيغيروها على الضمان........عوامة البنزين.....نفس القصة.
و أعتقد عيب أو أتنين حاجات بسيطة برضه.

[medodola2012]

بص يا باشا العربية معايا بقالها 15 الف كيلو فقط ومحصلش الا انى غيرت الواير بتاع ازاز السواق ولحمت الكرتيرة ودية حجات متعبش العربية دة سوء استخدام

[MohammedAladel]

زى ما قال الاعضاء بالإضافة لإن الهاى لاين من ميجان 3 بتنزل بفتحة سقف بانوراما

أما الهى لاين من فليوانس مش عارف فتحة سقف عادية ولا بانوراما أعتقد عادية ودا ممكن يكون ميزة فى صالح الميجان

[Amr_Moh]

زى ما قال الاعضاء بالإضافة لإن الهاى لاين من ميجان 3 بتنزل بفتحة سقف بانوراما

أما الهى لاين من فليوانس مش عارف فتحة سقف عادية ولا بانوراما أعتقد عادية ودا ممكن يكون ميزة فى صالح الميجان

ميجان ٣ بتنزل بانوراما ؟ متهياءلي لاء

[zemanovaxxx]

هو فعلاً الأتنين واحد فى كل حاجة ما عدا الشكل والبودي

الإعطال اللى هنا هي اللى هنا............و عموماً لحد دلوقتي مفيش حد أشتكى من أى منهم شكاوى كبيرة.

كل اللى حصل كان عند بعض الناس الطارة الجلد بتقشر و بيغيروها على الضمان........عوامة البنزين.....نفس القصة.
و أعتقد عيب أو أتنين حاجات بسيطة برضه.

يشرفني طبعا إن الإجابة تكون من الإستشاري ذات نفسه, ولو ع الكلام اللي حضرتك كاتبه يبقي مش مشكلة خالص. أنا قصدي أعطال ف الكهربا أو مشاكل ف العفشة مثلا لا قدر الله بتظهر مع المشي وخصوصا إن الرينو مش مسموح لحد إنه يشتغل فيها (ميكانيكا أو كهربا). عامة كلامك مطمئن وكتر خيرك.

بص يا باشا العربية معايا بقالها 15 الف كيلو فقط ومحصلش الا انى غيرت الواير بتاع ازاز السواق ولحمت الكرتيرة ودية حجات متعبش العربية دة سوء استخدام

باشا الحاجات دي بتحصل لنا كلنا, لكن الحمد لله مفيش مشكلة ف أي حاجة تانية ؟؟

زى ما قال الاعضاء بالإضافة لإن الهاى لاين من ميجان 3 بتنزل بفتحة سقف بانوراما

أما الهى لاين من فليوانس مش عارف فتحة سقف عادية ولا بانوراما أعتقد عادية ودا ممكن يكون ميزة فى صالح الميجان

ميجان 3 هاي لاين المفروض بانوراما بس انت مبتشوفهاش كتير عشان السعر ممكن مرتفع حبتين بالمقارنة بموديلات تانية, أما الفلوينس ففتحة سقف عادية

[Amr_Moh]

عذرا اول مره أشوفها
شكلها روعه
بس في وحده تحت البيت بفتحه عاديه !!

[HOSSAM_GABRE]

الفلوانس عربية عائلية
الميجان 3 عربية شبابية وكمان تليق للجنس الناعم اكتر من الفلوانس
باستثناء كده العربيتين شكل بعض بالضبط

[Mohab.Nabil]

على حسب معلوماتى

ميجان 3 بتنزل مصر بفتحة سقف عادية برضو زى الفلوينس

و فيه واحد صاحبى كانت معاه كان معاه فتحة سقف عادية ( اعلى فئة ) لأن مظنش هينزلوا فئة فيها فتحة سقف و فئة تانية فيها بانوراما