تركيب إنذار للميجان (بالصور)

[dedo_ryo]

استااااااااااااااااذ و رئيس قسم ....... هتحل مشاكل المفاجآت اللي على الصبح من طوبه في الازاز لواحد ريح عالعربيه............ بس حضرتك حطيط الشوك سينسور فيين ؟؟؟؟

[ecybrarian]

استااااااااااااااااذ و رئيس قسم ....... هتحل مشاكل المفاجآت اللي على الصبح من طوبه في الازاز لواحد ريح عالعربيه............ بس حضرتك حطيط الشوك سينسور فيين ؟؟؟؟

ياباشا اخجلتم تواضعنا...انا حطيت الشوك سنسور في مكانة الشهير على باكيتة القايم شمال السواق..لزقته بدبل فيس Double face

[HeMa_LanCeR]

هو سعرة كام؟
ولو تعرف الابجريد بكام قولي باردو

[ecybrarian]

سعره 200 جنيه...الابرجريد في التوفيقية عند توكيل سيمفوني وكلاريون بحاولي 150 جنيه (من سنة السعر دا)

[AhmedSadek8]

الموضوع جميل جداً تسلم ايدك
أنا للأسف مشترك في المنتدى من مدة لكني لم أشارك كثيرا نظراً لظروف شغلي بس أن من مشجعي "اعمل بأيدك"
أنا فكرت في نفس الموضوع بعد ما نزلت مرة لقيت الزجاج الامامي مشروخ
روحت لواحد صاحبي كهربائي وأخدت منه سرينة وحساس اهتزاز ، وبما اني مهندس الكترونيات، عملت دائرة كهربية بسيطة تستقبل اشارة الحساس عند الشعور بالخبطة لتشغل السرينة لعدد من الثواني يمكنني تغييره
كانت فكرتي بسيطة وهي وضع مفتاح يدوي في مكان غير ظاهر أسفل الدركسيون يمكنني من تشغيل و تعطيل الدائرة.
فببساطة، أقوم بفتح السنتر بريموت السيارة ثم ادخل السيارة وامد يدي لأعطل السرينة
المشكلة تحدث عند غلق السيارة، حيث اقوم بتشغيل الانذار من المفتاح اليدوي ثم أخرج من السيارة، لكن عندما أغلق الباب تنطلق السرينة :)
ظللت افكر حتى خطرت لي فكرة. نور الصالون(ومعه النور في الابواب الاربعة) لا ينطفئ الا بعد عدد من الثواني أو غلق السنتر بالريموت.
قمت باجراء قياسات لأسلاك لمبة الباب بتاع السائق في الفيشة بتاع الباب واكتشفت المفاجئة.
سأحاول توضيح المفاجئة لمن لا يعرف الكثير عن الكهرباء:- لكي تضيئ اللمبة يجب أن يكون أحد طرفيها موصل بجهد موجب (12V) والطرف الآخر أرضي ، ودائماً ما يكون أحدهما موصل بشكل ثابت (يعني نثبت طرف بال 12V) والطرف الآخر يتم توصيله عن طريق مفتاح. المفاجأة التي وجدتها في الميجان أن الطرف الثابت ليس ثابت !!
السلك الذي يغذي اللمبات بال 12v يقطع هذا الجهد في حالة تأمين السيارة بالريموت.
حد خد باله ؟؟ السلك اللي بيطلع 12v بيطلعهم طول ما العربية مش مأمنة وأول ما تأمن باليموت ما بيطلعش 12v
وبكدة خلاص المشكلة اتحلت تماما، لأني أخدت وصلة من السلك ده (من عند الفيشة يعني مش محتاج تعدي حاجة للباب) ودخلتها للدائرة بتعتي وخلاص، لما تقفل العربية بالريموت بتاعها دائرة الانذار تشتغل واما تفتح بالريموت الدائرة تتعطل
أنا برضو سيبت المفتاح اليدوي عشان لو حبيت أعطل السرينة خالص.
دي كانت تجربتي مع السرينة وحبيت اشاركها معاكم
ولو حد عاوز الدائرة الكهربية، أنا ممكن أرسمها وأحطهالكم
على فكرة، لم تتكلف أكثر من 10 جنيه وممكن طالب في الهندسة يعملها

[ecybrarian]

100 100 يا هندسة...عايزين بقى الدايرة والـwiring كمان..تقبى عملت فينا معروف :-)

[AhmedSadek8]

أن شاء الله هخلص شوية شغل واجهز الدايرة وكمان شوية صور وشرح لتركيبها
بس معلش، لو ملحقتش انهاردة، يبقى بكرة بالكتير ان شاء الله

[AhmedSadek8]

بسم الله الرحمن الرحيم

دي يا جماعة الدائرة اللي عملتها وكمان شرح ليها ولطريقة توصيلها

أولاً رسم الدائرة:


مكونات الدائرة واسعارها التقريبية هي:

one IC NE555 about 2 LE
one NPN transistor C1815 about 0.5 LE
two capacitors about 0.5 LE each
Four resistors and one diod about 0.25 LE each
one test board to assemble the circuit about 2.5 LE
one 12v relay about 3 LE

ليا بس كام تعليق على المكونات:- ياريت تكون المكثفات اكتر من 16volts ، أنا استخدمت 25volts وطبعاً أقل من 16 ما ينفعش
الRelay اللى الناس بتقول عليه كتاوت نتأكد انه بيشتغل ب 12v ونشتريه من بتوع الالكترونيات مش الكهربائي
دي صورة الRelay اللي استخدمته


الدائرة على فكرة حجمها صغير جداً ودي صورتها بعد اللحام
أنا حطيتها جوة علبة قد علبة حساس الاهتزاز


ثانياً: شرح الدائرة

يتم توصيل الكهرباء من البطارية (12v) الى الدائرة من خلال المفتاح اليدوي
يتم توصيل حساس الاهتزاز بالدائرة عن طريق ثلاث أطراف حيث يتم تغذية الحساس بالكهرباء (12v) والارضي (GND) ويرسل الحساس اشارة عندما يشعر بالاهتزاز من الطرف الثالث
ده شكل الحساس اللي عندي والالوان بتاعته ( بيتهيالي معظمهم زي بعض)
الاحمر 12v
الاسود GND
الازرق signal


يدخل للدائرة اشارة التعطيل والتشغيل من العربية (من فيشة الباب زي ما قولت) وعلى فكرة، هذه التوصيلة آمنة جداً لأن هذا الطرف الذي استخدمته يغذي لمبات الصالون والابواب فهو بعيد تماماً عن شبكة CANBUS اللي بتربط بين Control Units. الطرف ده يعتبر فعلياً مخرج من ال Light Control Unit ولو كانت اللمبة اللي في الباب 5 وات (على الاقل) يعني بتسحب حوالي 416 مللي امبير يبقى اجمالي التيار اللي بتسحبه جميع لمبات الصالون كام ؟
أنا هسيبكم انتو تحسبوا ، أنا بس هقول ان الدائرة بتسحب من هذا المخرج 1.2 مللي امبير فقط !!
ودي صورة الفيشة بعد ما قمت بفكها وعديتها من جسم العربية الى الداخل


عندما تستقبل الدائرة اشارة حساس الاهتزاز تقوم بتشغيل الRelay لمدة 11 ثانية تقريباً وذلك نتيجة لقيمة المقاومة 100K ohms وقيمة المكثف 100uF حيث تكون مدة الانذار حسب المعادلة

Time = 1.1 x R x C

فاذا اردت تعديل المدة، قم باعادة حساب قيم المقاومة والمكثف (باقي المكونات كما هي)


ثالثاً: توصيل الدائرة (wiring diagram)

أنا عملت الرسمة دي علشان أوضحلكم طريقة التوصيل يا رب بس تكون مفهومة:


أنا عديت سلك مزدوج من عند الموتور الى داخل الصالون
طرف واصل بالموجب بتاع البطارية والثاني بطرف من السرينة
الطرف اللي واصل بالبطارية هو اللي بيغذي الدائرة، والتاني هو اللي بيشغل السرينة
عند السرينة سهل تلاقي ارضي من جسم العربية، وتحت التابلوه برضو دور على اي سطح معدني
المفتاح اليدوي انا لقيتله مكان مناسب بالنسبة لي صورته اهيه



وبكدة الانذار هبشتغل مع ريموت العربية
وعلى فكرة، بيستنى حوالي ثانيتين بعد ما تقفل بالريموت وبعدين يأمن

معلش انا عارف ان اسلوبي في الكتابة مش حلو خالص
بس في النهاية أرجو ان حد يستفاد من الموضوع ده

[ecybrarian]

بصراحة هايل...اشكرك بشدة

[AhmedSadek8]

يا باشا العفو، حضرتك صاحب السبق

[abbassi ali]

ياأستاذ من انا عندي ميجان 2 و اريد تركيب جهاز الانذار فاشتريت جهاز لكن لم تصلح الفكرة
و قالو لي انها لاتصلح الفكرة لأن الريموت السيارة لاتعمل مع جهاز الانذار .
هل كل اجهزة الانذار تصلح أم هناك جهاز متفق عليه .

[abbassi ali]

اأستاذ انا عندي ميجان 2 و اريد تركيب جهاز الانذار فاشتريت جهاز لكن لم تصلح الفكرة
و قالو لي انها لاتصلح الفكرة لأن الريموت السيارة لاتعمل مع جهاز الانذار .
هل كل اجهزة الانذار تصلح أم هناك جهاز متفق عليه .واشرح طريقة توصيل الأسلاك

[AhmedSadek8]

الاخوة الاعزاء
السلام عليكم ورحمة الله وبركاته
كانت لي مشاركة في الموضوع ده حيث اني قمت بتصميم دائرة انذار بسيطة لتشغيل سرينة في الميجان.
وبما ان كل شئ بيتطور، فأنا عملت تعديل كبير على الدائرة لاضافة مزايا وتحسينات ومعالجة عيوب في التصميم السابق.
بس المرة دي الموضوع محتاج شوية صبر
المرة دي استخدمت microcontroller وبالتالي قدرت اضيف مزايا منها تشغيل السرينة مرة مع الفتح بالريموت، ومرتين مع القفل بالريموت وخلتهم بالظبط نفس مدة اضائة الاشارات
حاجة كمان، لو الباب اتفتح من غير الريموت، الانذار هيشتغل. يعني لو الزجاج اتكسر واتفتح الباب من الداخل، الانذار هيشتغل وده كان عيب في التصميم اللي فات

أولاً: دي رسمة الدائرة


ثانياً: الاطراف
+12 ، GND مش محتاجين شرح
Siren ده المخرج الموجب اللي رايح للسرينة
+Sensor ده ال+12 فولت اللي بيشغل الحساس
Arm/Disarm دي نفس الاشارة من التصميم اللي فات اللي كان اسمها (Enable/Disable)
CL1, CL2 دول الطرفين اللي رايحين لموتور السنتر اللي في الباب (هاتلاقيهم في نفس الفيشة)

طبعاً اللي يحب انه ينفذ التصميم ده هيحتاج انه يعمل Printed Circuit ، أنا استخدمت برنامج مجاني اسمه ExpressPCB
وهتحتاج ملف التصميم علشان تطبع الرسم من خلال البرنامج عشان الابعاد تكون مظبوطة. أنا ممكن ابعته للي مهتم
وطبعاً هتحتاج الملف اللي هتنزله على microcontroller ممكن برضو ابعته للي مهتم

تحياتي

[asemelsaid]

متااااااااااااابع

[essam helmy]

محتاج الدائرة ضروري برجاء المساعده