الفلـــــــــــــــــــــ ــــــــوانس أتسرقت

[aly_elhawary]

يعنى إيه عربية مركونة فى جراج وتتسرق؟!!!!..... أمال الجراج فايدته إيه؟؟ ....هو مش المفروض إن الجراج مسؤل مسولية كاملة عن العربيات بداخله
حتى بفرض إنى سايب العربية مفتوحة ومفاتيحها جواها طالما إنها فى الجراج المفروض ما تتسرقش ولو اتسرقت يبقى الجراج المسؤل

[airfox]

على ما اعتقد ان صاحب السيارة تر ك السيارة و هى دايره ومشى ظنا منه انه قد ابطل المحرك وانها ستغلق نفسها بعد ان يبتعد عنها ولكن السيارة فى هذه الحالة لن تغلق نفسها الا بعد ايقاف الموتور(وقد حدث ذلك معى كثيرا ولكن لمتابعتى لعملية الغلق اكتشف ان المحرك ما زال دائرا فارجع لايقافه وامشى فتغلق السيارة نفسها بنفسها حينئذا)وواضح ان ذلك ماحدث مع صاحب السيارة المسروقة وجاء السارق بالصدفة ليجد السيارة شغالة و الباب غير مغلق فاخذها ومشى بكل سهولة ولكن عند ابطال المحرك لن تعمل ثانيا لعدم وجود الكارت مع السارق واعتقد ان هذا التفسير الاقرب الى المنطق واخيرا ادعوا الله تعالى ان يرد عليه ضالته فى القريب العاجل اللهم امين وان يفك كرب كل مكروب فى الدنيا والاخرة اللهم امين

هو ده احتمال وارد لانه حصل معايا متير بفتكر اني قفلت العربيه ولما اجي قفل اللوك مش بيقفل لاغيت ما بكتشف انها لام تتبطل بس ده كد يبقي حرامي محظوظ اوي . وفعلا هو مش هيعرف يبطل العربيه الا لو واداها عنج حد يعمله كارت علي العربيه و هي واقفه عنده

[hesham ahmed]

ما تقفش في سايس الجراج .... هو اي حد بياخد اي عربيه كده و لا ايه .... اومال اسمه جراج ليه
و بعدين لو هو حد معاك نسخه تالته من الكارت ... هياخدها من الجراج ليه
ما يستني لما تتركن في اي وقت في الشارع ..... بدل ما يعرض نفسه للخطر و يدخل الجراج
في حاجات غريبه ..... لازم بارضو يشك في السايس

[mfm_tantawi]

الموضوع دا غريب جدا ، يعنى أنا كنت بفكر أشترى واحدة وهاى لين كمان من أسبوع وأنا أساسا بركن عربيتى فى الشارع ، يعنى حتى مش فى جراج ، وبعدين العربية دى فيها إيمبوليزر وكارت ، طب إزاى ؟؟؟؟؟؟؟؟؟؟؟؟؟؟؟؟؟؟ ربنا يرد الحق لأصحابة إن شاء الله

[MohammedAladel]

العيب هنا مش فى نظام الأمان فى العربية

[Ahmed Amin]

على ما اعتقد ان صاحب السيارة تر ك السيارة و هى دايره ومشى ظنا منه انه قد ابطل المحرك وانها ستغلق نفسها بعد ان يبتعد عنها ولكن السيارة فى هذه الحالة لن تغلق نفسها الا بعد ايقاف الموتور(وقد حدث ذلك معى كثيرا ولكن لمتابعتى لعملية الغلق اكتشف ان المحرك ما زال دائرا فارجع لايقافه وامشى فتغلق السيارة نفسها بنفسها حينئذا)وواضح ان ذلك ماحدث مع صاحب السيارة المسروقة وجاء السارق بالصدفة ليجد السيارة شغالة و الباب غير مغلق فاخذها ومشى بكل سهولة ولكن عند ابطال المحرك لن تعمل ثانيا لعدم وجود الكارت مع السارق واعتقد ان هذا التفسير الاقرب الى المنطق واخيرا ادعوا الله تعالى ان يرد عليه ضالته فى القريب العاجل اللهم امين وان يفك كرب كل مكروب فى الدنيا والاخرة اللهم امين

الله ينور عليك يا أستاذ صفوت ,,
أحنا كلنا بنفكر عشان نساعد الراجل دا.. وأنا برجح رأيك لأنو من الصعب جدا أنها تتقطر من الجراج إذ لم يكن مستحيل عشان الصوت العالي بتاع الونش لو هيشيلها.. أو أن الكاوتش هيصفر ويصرخ لو أتجرت من غير ما تتشال وعشان المجازفة للي هيفكر يعمل كدا وكمان السايس لو كان فيه.
أو إن يتعمل مفتاح بالسهولة دي أو أن المعرض يبعت حد يسرقها من صاحبها..

واللي خلاني أرجح رأيك أني كنت مرة ماشي ف شارع الحرية ف أسكندرية وجبت ساندوتشات من عن جاد وبعدين أتمشيت شوية ووقفت علي عربية هيونداي فولستر كانت راكنه جنب الرصيف عشان أكل ولاقيتها دايرة..

أستغربت الأول لاني مشوفتش حد جواها فبصيت تاني أتاكد, ملقتش حد, بصيت حواليها مكنش في أي مخلوق ف الشارع..

فرجحت أن صاحبها يكون نزل منها وفكر أنو بطلها وسهي عنها أو نسي من الأساس أنو يبطلها..

فأستغفرت ربنا من الموقف مش عارف أسيبها وأمشي,,
ولا أفتحها وأبطلها وأعرض نفسي لمشكلة أو موقف بايخ لو جيه صاحب العربية او حد يعرفه..



بس حسيت أني هحس بالزنب جدا لو مشيت وسيبتها وأتسرقت لأنها بسهولة جداً ممكن أي حد نفسه ضعيفة يركب وياخدها ويمشي,
فقلت هقف شوية حوالي 10 دقايق لو حد جيه ياخدها هتأكد انو صاحبها لو محدش جيه هفتح الباب وأبطلها وأمشي وانا متوتر ان حد يجي ياخدها محدش جيه..

فتحت باب السواق عشان أبطلها وانا بقول يارب يكون عال أقل قافل السنتر وراجع تاني,, عشان أسيبها وأمشي وانا مش حاسس بالزنب فلاقيت الباب كان مفتوح.

المهم سيبت باب العربية مفتوح عال أخرة عشان لو حد جيه مكنش قافلة علي نفسي أكني هطلع بيها, وضغطت عال زرار ال Start/Stopفبطلت ودورت علي ورقة جواها وقلم عشان أكتب لصاحبها أنو نساها دايرة واني بطلتها له وانو ياخد باله بعد كدا عشان متضيعش منه..

وأنا بكتب الورقة ومخلص ونازل, لقيت واحد جاي يقولي بتعمل أيه يا أستاذ..!!

فقلت له حضرتك صاحب العربية ؟ قالي لأ انا سايس الموقف !!!!
قلت له موقف ايه فين الموقف, قالي المنطقة دي موقف, اللي هيا قدام الشركة المصرية للاقطان تقريباً عند جاد, طبعاً هوا مش موقف ولا حاجة بس هوا واقف بيركن الناس وبيسترزق !

المهم مطولتش معاه وقلت له طيب العربية كانت دايرة وأنا بطلتها لك وأحمد ربنا عشان لو كان حد ركبها من 10 دقايق كان طلع بيها وكان هيجي صاحبها يمسك فيك.

الراجل وشه أصفر مرة واحدة, لأنو شاف الورقة الي انا كاتبها, وشافني وانا نازل وبقفلها,
فبيقولي هيا كانت دايرة ؟!!!
قلت له أه,, فسألني أومال هيا بتطفي منين..

أنا صعب عليا الراجل انو مش عارف هيا بتنطفي أزاي, ولأنو شكله غلبان جداً بس كان هاين عليا أقوله كلام مش كويس عشان دي أمانة معاه الراجل أدهاله يركنها له او يغير مكانها, ودي امانه فالأفندي ركنها وسابها دايرة ونزل علي أساس انزو لما يقفل السنتر و يخرج منها هتبطل..
يعني المفروض كان يسأل صاحبها لو ميعرفش,, او يتأكد قبل ما ينزل منها انها بطلت,

المهم لما سألني
قلت له من الزار اللي ف نص الطابلوة دا..
شكرني,, وهوا بيبلع ريقه بالعافية, واخد الورقة اللي كنت كاتبها لصاحب العربية انها كانت دايرة, ودا موقف طبيعي عشان ميخربش بيته اما يرجع له..

وأنا متفق مع رأي استاذ صفوت ان يكون دا اللي حصل,
ان العربية فضلت دايرة وواحد لاقاها كدا فضل مراقبها, ولما المكان بقي أمان راح راكب وطالع بيها علي طوول..

أكيد لو فيه سايس لجراج عليه مسؤلية ويبقي أهمال لو مأخدش باله من العربية,
بس العربية الهيونداي اللي بحكي عليها دي والفلوانس زيها واي عربية موديل السنة بيبقي شبه ملهاش صوت وهيا دايرة وبيبيقي الموتور هادي جداً ف السلانسية,,
فالسايس ممكن يكون مسمعش صوتها ولا عرف انها دايرة برضه..

يعني انا مكنتش هعرف انها دايرة ويمكن ولا أي حد الا لو مركنتش عليها عشان وحسيت بيها انها دايرة..
بس الطابلوة كان منور لو كان حد ماشي فالمكان وركز مع الفلوانس لاقا طابلوها منور ومفيش حد جنبها فترة طويلة أو سمع صوتها ممكن يسرقها بسهولة..

فيبقي العيب ساعتها من اخر واحد نزل من العربية, سواء صاحبها لو كان اخر واحد نزل منها..

أما لو كان قال للسايس اركنها, فهوا يشيل المسؤلية كاملة, لحد ما يتعرف العربية اتعملها مفتاح تاني ولا لأ.. لان العربية موديل السنة أشك في موضوع ان يتعمل لها مفتاح وتتسرق دا
والموضوع كدا ف الغالب كدا أهمال..

ربنا يرد له ضالتة ويصبر صاحبها, وترجع له عربيته إن شاء الله.

[airfox]

انا متفق مع حضرتك تماما في موضوع انها ممكن كانت دايره بس في نقطه انا كذا مره انزل و اجي اقفل العربيه وا ترضاش و الباب يفضل يعمل صوت زي تك تك و الصالون بيفضل منور فاول مره حصل معايا اتخنقت و انا وواقف بره و حسيت ان الكارت باظ شويه كده و بعد تفكير و تركيز حسيت ان العربيه لسه دايره و فعلا لما دخلت لقيتها دايره و طفيتها و حصل معايا اكتر من مره بعد كده بس لما صوت التكتكه بيحصل و انا بقفل بفهم اني كنت سرحان ونسيت ابطل العربيه . و ان شاء الله ربنا يوفق صاحبها و يلاقيها لانه الخوف ممكن احتمال و ان بعيد يكون راح عن حد و عمل كارت للعربيه و هي لسه دايره

[MohammedAladel]

العربية وهى دايرة الكارت بيقف عمله تماما

[ahmed255741]

الاخ الي عمل الموضوع مايسال صاحب العربية لو كان متعود ينسها شغالة ولا لا

[iaibrahim]

سؤال لصاحب الموضوع ؟ ايه الى حصل لان الموضوع من حوالى شهر ......هل وجد العربيه ؟ ارجو تطمنا لان هذا يهم جميع الاعضاء ونستفيد من المشكله مع الشكر