يا أهل رينو أنا أسف بفكر أشترى دايهاتسو ماتيريا

[lion99990]

سامحونى مكنش قصدى أنا بفكر أشترى ماتيريا أنا بقألى سنه بدور على رينو ميجان أو سينيك كسر زيرو ملقتش االلى على مزاجى بالصدفه لقيت ماتيريا و مكنتش فى تفكيري بس شفتها عجبنى امكانيتها و الامان بس خايف ياريت تساعدونى يا أهل رينو أنا خايف من الاختيار

[MohammedAladel]

فئتين مختلفتين تماما

[Migo123]

انا ركبت الاتنين .... الميجان اريح وثباتها احسن شوية وقطع غيارها متوفرة اكتر وارخص
الماتيريا جميلة جدا وواسعة ومفيهاش مشاكل مكانيكا خالص ... بس قطع غيارها نادرة ... والاتنين اعادة بيع ضايعة
لو منك استنى شوية لغاية ما تلاقي ميجان حالتها كويسه

[lion99990]

اشتريت خلاص يا باش ماتيريا 2009 ماشيا 44000 فابريكا بره و جوه حاله فعلا كسر زيرو و عربيه بشهاده كل اللى شافوها انها تحفه و لقطه
بس أنا عندى مشكله انى مقفول زعلان انى مجبتش رينو أصلا انا بحب الرينو جدا جدا جدا ، أنا بسافر فرنسا كتير ولما كان معايا كليو قبل مابعها كنت بجيب أكسسوارتها من بره اللى خلانى أبعها انها كانت ضيقه وأنا كنت عايز عربيه كبيره فقلت أبيع و أجيب ميجان أو سينيك و المعروض كتير فى كونتاكت بس اكتشفت بعد كده ان كل العربيات مدمره و أغلبها بتاعت تجار و لما بتحس ان فيه عربيه نضيفه معروضه تيجى تتكلم يقولك اتباعت حاجه تغيظ

[hossam_elwani]

اشتريت خلاص يا باش ماتيريا 2009 ماشيا 44000 فابريكا بره و جوه حاله فعلا كسر زيرو و عربيه بشهاده كل اللى شافوها انها تحفه و لقطه
بس أنا عندى مشكله انى مقفول زعلان انى مجبتش رينو أصلا انا بحب الرينو جدا جدا جدا ، أنا بسافر فرنسا كتير ولما كان معايا كليو قبل مابعها كنت بجيب أكسسوارتها من بره اللى خلانى أبعها انها كانت ضيقه وأنا كنت عايز عربيه كبيره فقلت أبيع و أجيب ميجان أو سينيك و المعروض كتير فى كونتاكت بس اكتشفت بعد كده ان كل العربيات مدمره و أغلبها بتاعت تجار و لما بتحس ان فيه عربيه نضيفه معروضه تيجى تتكلم يقولك اتباعت حاجه تغيظ

كلامك سليم ده الى بيحصل معايا النضيف فى العربيات دى مابيستناش حد انا بدور على واحده من سنه ومش لاقى حاجه نضيفه لحد النهارده

[Amr_Moh]

تنبيه بمخالفة القاعدة رقم 6 بند ب
ممنوع كتابة اللغة العربية بحروف أنجليزية
الرجاء مراجعة قواعد المنتدى
م ع 3

[Migo123]

مبروك عليك الماتيريا يا باشا ... عربيه جميله ربنا يباركلك فيها