افضل مكان للكشف على سياره رينو مستعمله

[Land_Cruiser]

السلام عليكم،
من فضلكم يا جماعه ، كنت محتاج اكشف على عربيه رينو مستعمله و كنت عايز اعرف من حضراتكم ايه افضل مكان ممكن اكشف فيه و يكون مضمون و اقدر اعتمد عليه. انا اتكلمت على 16202 علشان اسأل عن الموضوع و بصراحه اتصدمت. اللى رد على قاللى لازم أحجز قبلها بأسبوع على الاقل بسبب الضغط الشديد عليهم علشان يتم الكشف على العربيه و إعطائى تقرير مفصل و طبعا ده وقت كبير جدا فكنت عايز اعرف من حضراتكم إذا كان ده طبيعى و لا ايه و ايه احسن مكان اقدر اكشف فيه تانى غير التوكيل و يكون مضمون و بالنسبه للوكيل ايه هو احسن فرع و التكلفه كمان بعد إذنكم و شكرًا مقدما على الرد

[MohammedAladel]

أى مركز معتمد فرنش موتوزر خالد عمارة الميكانيكيون العرب

التوكيل أفضل

[Land_Cruiser]

أى مركز معتمد فرنش موتوزر خالد عمارة الميكانيكيون العرب

التوكيل أفضل

أنا مع حضرتك فى موضوع التوكيل ده اكيد بس معقول لازم أحجز قبلها بأسبوع؟

[dedo_ryo]

التوكيل أفضل بس مشكلته في الوقت فعلا انا برضه اضطريت اكشف عليها عند مركز خارجي و خد 250 جنيه و التوكيل بياخد 550 جنيه بس بيستلم العربيه من الصبح و يسلمهالك اخر النهار او تاني يوم بعد مايكون عرف اللي فيها كله فنصيحه خليك مع التوكيل و اوعى تاخدها كده من مجرد ان حالتها حلوه و بس و ربنا يوفقك في الشراء

[airfox]

خاليك في فرنش موتورز هما دلوقتي بيخدوا 350 و بيعملوا كشف شامل وبيديك تقرير

[Land_Cruiser]

خاليك في فرنش موتورز هما دلوقتي بيخدوا 350 و بيعملوا كشف شامل وبيديك تقرير

طيب و دول زى التوكيل ؟ يعنى يعتمد عليهم و لا ممكن حاجه تعدى عليهم و اتدبس فيها ؟ انا اصلى ما اعرفش البائع و قلقان بصراحه

[airfox]

هما وكيل معتمد من رينو يعني مضمونين . عمتا هو الراجل لو كان بيعمل عربيته في الميكانيكون او فرنش فهتلاقي اللوجو بتاعهم ورا علي الشنطه في الب الاوقات . ان بنصحك بفرنش لان كان لسه في موضوع ان واحد راح الميكانيكون علشان يكشف و طلع صاحب العربيه مظبط معاهم علي اساس هما اقرب وكبل لبيته فخلاه يروح هناك و هيقولوا انالعربيه كويسه و هي اصلا مغيره موتور و انا كنت قريت موضوع قديم اوي في المنتدي هما من كام سنه ان حد حصل فيه موضوع تغيير موتور العربيه ز كانوا الميكانيكون العرب هما اللي مغيرينه و كان حوار فضل فيه بتاع 7 اشهر لاغيت ما خلصه . انا بصراحه لما اشتريت عربيتي من 8 اشهر كشفت في فرنش اللي في الرحاب بعد ما كنت كلمت التوكيل و برده كان اقرب ميعاد بعد فتره فهما الي قالولي ان فرنش معتمد و كان فرع الرحاب جديد و يبيقي فاضي وفعلا روحت الساع 11 الصبح و خلصت بعد الظهر بشويه وبصراحه طلعوا العيوب الفطسانه في العربيه ادوني تقرير ب 22 الف جنيه بس 90 % منه هبل يعني . نظام اي حاجه فيها خدش بيغيروها . كان فيه 2 جنط مستعجلين الك لازم تغير الطقم كله ب 4800 طبعا علي النظام ده حاجات كتير و صاحب العربيه اتخانق و حوار بس انا في الاخر اخت المهندس علي جنب و قلتله ايه الخلاصه هو طبعا ماكن طايق صاحب العربيه و قالي تغور من وشه بس في المجمل العربيه كانت كويسه اغلي 1500 من سعرها بس انا كنت دورت كتير و كانت افضل حاجه لاقيتها و دلوقتي زي الفل الحمدالله