تقل في دركسيون الفليونس على السرعات البطيئة

[saintsero]

الاصدقاء الاعزاء

منذ فتره بدأت في الاحساس بتقل في الدكسيون مع عدم دقه دوارنه على السرعات البطيئة

عندما ذهبت الى التوكيل وبعد التجربه ... قالوا لى لا يوجد مشكلة وطلبوا مني ضبط الاطارات والرجوع مره اخرى للتوكيل لعمل ضبط زوايا

(مع اني كنت ظبطها ) لكن ذهبت لضبطها مره اخري (30 نتروجين)

وذهبت مره اخري للتوكيل لضبطها و قالوا لي انهم قاموا بضبطها وتجربتها وكل شيء تمام

ولكن لم يحدث اي تغيير ....

وردهم الدائم ان اي عطل او مشكله لا تأخذ بمحمل الجد الا عندما تكون كارثية!!!!!!! ..... حاجه تخنق

هل من حل او فكرة لدي خبراء الفيلونس العظام ؟

العربية الفئة الاولى اوتومتيك موديل 2010 عاملة 35 الف

وشكرا

[MohammedAladel]

أصل الباور عند حضرتك كهربائى وطالما مظهرش اى رسائل أعطال فاحتمال كبير يكون نظام الباور الكهربائى سليم

ممكن حضرتك تعمل ضبط زوايا وتضبط ضغط الأطارات على حسب ما الكتالوج بيوصى

ربط عفشة


وانتظر آراء الملاك

[SAMEH_FOUAD]

لو حضرتك خبط فى حاجة او بتاخد مطبات كتير بسرعة عالية شوية ممكن يكون غيرلك ظبطة الزوايا , حضرتك اطلع على مركز بريدجستون عمارات العبور وهيراجع على الزوايا وتشوف الدنيا بعديها وان شاء الله كلة يرجع تمام

[saintsero]

لو حضرتك خبط فى حاجة او بتاخد مطبات كتير بسرعة عالية شوية ممكن يكون غيرلك ظبطة الزوايا , حضرتك اطلع على مركز بريدجستون عمارات العبور وهيراجع على الزوايا وتشوف الدنيا بعديها وان شاء الله كلة يرجع تمام

انا كنت حعمل كده .... بس الصراحه في التوكيل كعادتهم خوفوني من موضوع ضبط الزوايا بكره التوكيل ... على اساس ان مراكز ضبط الزوايا بتشغل عمياني وبالتجربه (بالويم يعني) انما هما فقط الى عندهم المقاسات الصحيحه والسليمه لعربيات الرينو... وبما اني مستجد في رينو ميشيت وراهم والحمد لله دفعوني 143 جنيه والمشكله لم تحل

[MohammedAladel]

على فكرة فيه ناس كتير بالفعل مبتعرفش تظبط زوايا

[eng.m7md.ali]

ممكن يكون العيب في البطارية بما ان العربية eps

[MohammedAladel]

العربية مفيهاش esp

[eng.m7md.ali]

العربية مفيهاش esp

eps ياباشا مش esp
ال eps يعني electric power steering

[shawkylotfy]

ممكن فعلا البطارية ضعفت او علبة الفيوزات او الضفيرة بتهرب وعلى العموم ادام العرببة فى الضمان روحلهم تانى

[MohammedAladel]

eps ياباشا مش esp
ال eps يعني electric power steering

آسف جدا مخدتش بالى

بالنسبة للعربية فهى باور كهربائى بالفعل زى ما حضرتك بتقول ولكن لا أعتقد إن العيب فى نظام الباور نفسه

[eng.m7md.ali]

آسف جدا مخدتش بالى

بالنسبة للعربية فهى باور كهربائى بالفعل زى ما حضرتك بتقول ولكن لا أعتقد إن العيب فى نظام الباور نفسه :u_thin1[1]:

ولا يهمك ياكبير

العيب بنسبة كبيرة في البطارية لانها حصلت مع واحد معرفة معاه الانترا

[saintsero]

ولا يهمك ياكبير

العيب بنسبة كبيرة في البطارية لانها حصلت مع واحد معرفة معاه الانترا

اولا شاكر جدا للهتمام

بالفعل كان كلامي معاهم في الاول عن النظام الكهربائي ... ولكن لم يقتنعوا بكلامي وقالوا لي ان النظام الكتروني هو نظام مساعد لا يمكن ان يكون له تاثير في مشكلتي ... اذا كان هناك مشكله فستكون من النظام الميكانيكي

[eng.m7md.ali]

ان شاء الله خير والمشكلة تبقى بسيطة

بس لو حاسس باختلاف في صوت الكلاكس ونور التابلوه او الفوانيس مثلا يبقى راجع على البطارية

[hic]

اخبار الباور ايه و العربيه و اقفه ؟
لو تمام يبقى المشكله فى الزوايا

[saintsero]

لو حضرتك خبط فى حاجة او بتاخد مطبات كتير بسرعة عالية شوية ممكن يكون غيرلك ظبطة الزوايا , حضرتك اطلع على مركز بريدجستون عمارات العبور وهيراجع على الزوايا وتشوف الدنيا بعديها وان شاء الله كلة يرجع تمام

اولا اتوجه بالشكر للاستاذ / semsem kane على نصيحنه والتي قمت بتنفذها ولكن مركز بريدجستون ببنزينة Total لضبط الزوايا الى على الاتستراد (الدخله الى بعد دخلة زهراء المعادي اتجاه حلون)

الناس هناك ممتازين واكتشفوا ان الزوايا لسه مش مظبوطه والدركسيون كذلك وقاموا باستعداله والحمدلله والشكر لله وبفضله شكل الاتعواج ده هو الى كان السبب

يا جماعه الى حاسس ان الدكسيون تقيل معاه يرحلو الواد الى هناك اسمه محمد مؤدب ومحترم جدا

وربنا يبعد عنا كل شئ سئ ومؤذي