استبن ريموت الميجان الأنفراريد

[cambrolla2_10]

السلام عليكم ورحمة الله
إخواني الأحباء...عندي الريموت بتاع الميجان 1 بدأ يتهالك ويتعب والليد الخاص بالإنفراريد بتعلق وكنت عاوز أعمل واحد زية......سألت عليه في التوكيل هيعدي الأف جنية أو ألف ونصف.....
سألت كثير من محال صناعة المفاتيح والريموتات قالو انهم متوفر لديهم أي كارته أو ريموت حتى بتاع الحديث والميجان 2 ...إلا الريموت بتاع الميجان ون ده مش متوفر وصعب تلاقية.
وطبعاً زي مانتو عارفين مينفعش تدور العربية إلا بهذا الريموت أولاً.......
أرجو من إخواني الكرام ألا يبخلو علي بالنصيحة في كيفية عمل مفتاح بريموت استبن لأن اللي معايا خلاص شطب...وأنا ليس لدي القدرة المالية حالياً اعملة في التوكيل
وشكراً لتعاونكم وإفادتكم

[MohammedAladel]

أهلا بحضرتك معانا

ممكن حضرتك تحدد المشكلة فى الكارت بالضبط وتصورهولنا صورة كدا إن أمكن

بس أنا أول مرة أعرف إن ميجان 1 بتدور بالكارت

[cambrolla2_10]

السلام عليكم أخي الحبيب..
هو مش كارت.... هو مفتاح عادي ومن غير فحماية عليه كمان...بس في ريمون انفراريد لنظام حماية الأكولايزر...لازم توجه الريموت أولاً لشاشة بسقف السيارة وتضغط حتى تنطفيء لمبة الأمان الحمراء بالتابلوة وبهذا يمكنك ان تقوم بدوارة السيارة.....أي أن السيارة لا يمكن أن تدور إلا بهذا الريموت.....وهذا الريموت به ليد أمامي زي اللي في ريموت التليفزيون ...فهو يعمل بالنفرا وليس بموجات الراديو كمعظم اجهزة ريموت السيارات......

[MohammedAladel]

أنا حاولت أساعد حضرتك

إن شاء الله بكرة هحاول أشوفلك سعره

بس إن شاء الله فيه أمل لتصليح الكارت حتى لو الليد نفسها باظت ممكن تغيرها متخفش

والليد لو بتعلق ممكن تكون مهزوزة من مكانها فى البوردة بتاع الريموت

لا تقلق كل شئ ليه حل بإذن الله

طيب الريموت لما كان بحالته كنت بتشاور من بعيد ولا لازم تقرب من الحساس اللى فى سقف العربية عشان العربية تفتح ؟؟

[cambrolla2_10]

شكراً على اهتمامك أخي الحبيب ورد علي
الريموت لابد ان تكون قريب من السيارة.....مش شرط تكون قريب قوي...لو البطاريات كويسة انت ممكن من على بعد من خمس الى عشر امتار يلتقط الإشارة...بس زي محضرتك عارف ان الريموت الذي يعمل على الإنفرا ريد مداه قصير ولا بد من توجية اللمبة أو الليد إلى العدسة حتى يلتقط الإشارة..على عكس ريموت الراديو الذي يعمل على مسافات بعيدة وغير مباشرة......أرجو أخي الحبيب تشوفلي حكاية الريموت ده لأني خايف يقطع مني أو يضيع...عاوز اعمل واحد احتياطي سألت كام واحد من اللي بيعملو الحاجات دي فالولي للأسف ده النوع الوحيد اللي معندناش...قالولي هاتو من التوكيل والتوكيل غااالي جداً معدي الألف ونصف

[Mohd_Adel_Amin]

والله انا سألت قبلك كثير ولم يصلني غير نفس الرد , التوكيل :(
في واحد دلني على مهندس الكترونيات من المنصورة رحتله قالي بيفك كمبيوتر العربية وبيلغي الدايرة بتاعة الايموبولايزر
وبكده ممكن تركب ريموت عادي على العربية وتشغلها بالمفتاح بتاعها , وقالي ممكن ميعملش كده بس ممكن يجيبلي من الكمبيوتر الرقم السري بتاع الريموت و لما تحب تفتح العربية تفتحها بالمفتاح ومش هتدور غير لما تدخل الرقم السري من بكرة التحكم في الكاسيت (زي ما بتدخل الرقم السري بتاع الكاسيت )
في حل ثاني انا بقترحه عليك , لو تقدر تشوف حد من بتوع الاستعمال يجيبلك اي مفتاح استعمال شغال , او اي حد في تركيا او اوروبا يجيبلك مفتاحها مش متشفر وتشفره في التوكيل اعتقد هيكون اوفر كثير (حسب ما اتذكر التشفير في التوكيل ب 300 جنيه ).
ربنا يعينك وتلاقي انسب حل ..

[MohammedAladel]

هى فكرة إنى ألغى الإيموبليزر فى حد ذاتها مش عملية

[MohammedAladel]

بس أنا اتصلت بفرع الدقى وقالولى سعر المفتاح دا عندهم عامل 800 جنيه وبيتطلب من فرنسا بالحجز يعنى

[cambrolla2_10]

اخواني الأحباء أنا لا أحب فكرة تغير النظام بالسيارة وألغي المبولايزر .... لكن مش عارف ايه السر في المفتاح ده....كل المفاتيح بتتعمل عند مراكز عمل المفاتيح المتميزة حتى الميجان تو والسيارات الأحدث إلا الريموت ده.....واحد بتاع مركز قالي انه المفتاح ده محدش بيجيبة عشان الطلب عليه قليل جداً يكاد يكون معدوم ولازم عشان تجيبة تجيب كمية كبيرة مكلفة عشان كده محدش بيجيبة ...... عامتاً أنا لما سألت في الميكانيكيون العرب قالو هيوصل ألف ونصف...لو فيه أي أخ يقدر يساعدني في انه يعرفي طريقة أشتريه بيها أو يتعمل بأقل من كده يكون له جزيل الشكر لأن الميزانية في هذا الوقت لا تسمح بدفع هذا المبلغ .... وشكراً لكم لحسن ردودكم وتفاعلكم معي