متوسط استهلاك البنزين فى الميجان

[محمدصلاح]

[gdwl]
اللى اعرفه ان الميجان استهلاكها خفيف فى البنزين

بس العربية اللى معايا معدل استهلاكها فى البنزين 8.7/100 km
وكان متوسط السرعة فى الرحلة 70 km

مش عارف, هل ده معقول ولا فيه احسن من كده
[/gdwl]

[Samir Elshahawy]

متوسط سرعة 70 كم/س يعني داخل المدينة
أعتقد كده معقول جدا

ممكن حضرتك تشوف علي الطرق السريعة بتعمل كام لأن هو ده الاساس

[MohammedAladel]

معقول كويس

استهلاكها عامة فى المتوسط هيبقى 8 لتر لكل 100 ممكن أقل أو أكتر على حسب الطريق وطريقة القيادة

[محمدصلاح]

حبيبي يا استاذ محمد يا مطمني دايماً

you are my mentor :)

[bedooracle]

انا فى الزحمة داخل القاهرة مع التكييف فى الصيف بيوصل 13 لتر كل مية كيلو مع الشتاء فى الزحمة ممكن من 9 الى عشرة
على طريق سفر عة 120 متوسط 7.5 لتر كل مية كيلو

[medori]

انا ليا سؤال، الرقم ده من الِaverage ولا حضرتك حسبته؟
و هل يا جماعه الaverage عندكم بيبقى مختلف عن لو حسبتوه من المسافه المقطوعه و البنزين المستهلك؟
انا سكتى 3/4 دائرى، بس سواقتى offensive اوى، يعنى ِacceleration و deceleration كتير شويه وسرعات عاليه، مفيش سواقه منتظمه كده زى البنى ادمين الطبيعيين :) المهم الaverage عندى تقريبا 7.8 بس ال actual calculated بيكون فى حدود من 10.5 ل 11.5 او 12، انا شايف ان كده كتير شويه، مش كده ولا ايه؟

[وائل مختار]

ده كده 100 فل وعشره

[adelfawzy74]

لو عايز أنسب استهلاك لازم تمشى على سرعة ما بين 90 الى 110 بالظبط على الطوالى بين الغردقة أسيوط واسيوط القاهرة الشرقى الصفيحة عملت 318 كيلو وكان المتوسط على الشاشة 6.5 لتر لكل 100 كيلو أما داخلياً بتعمل معى ما بين 190 كيلو لغاية 250 كيلو حسب تكرار الوقوف يعنى ما بين متوسط 8 لتر حتى 10 لتر لكل صفيحة

[آثر رجب]

عندى مشكله المعدل الاول كان 8.7 والفعلى فى الزحمه9 والطريق الطويل من حوالى اسبوع الشرقى اسيوط والدائرى الاقليمى كان من6.5 ل8.5متفاوت حصلت مشكله فى العربيه وغيرت مارش +علبه فيوزات اول ما دورت المعدل قرا 99.9 لكل 100لتر والفعلى 40وابتدا ينزل ل20 ارجو الافاده