Tweet
السلام عليكم بتواجهنا مشكلة الذبذبة والوشوشة من السماعة سواء أمامية أو خلفية والإصلاح كالتالى
أولا نقرأ الموضوع دا بحرص
أنا فكيت الباب قبل كدا لكن مجاش على بالى فكرة إصلاحها إلا بعد ما لاحظت بعض الأعضاء الكرام هنا صلحوها ولما سنحت الفرصة نفذت الموضوع بنجاح
الأدوات المستخدمة مثل الموضوع السابق
مفتاح 10 + طقم مفاتيح ألان كى نجمة ألتروكس هنستخدم منهم مقاسين + علبة سيليكون أو لحام 2 و 11
المفك اللى فى الصورة دا أنا استخدمته عشان أضغط على المكسب اللى فى علبة السيليكون عشان تطلع سيليكون العلبة دى باين عليها نوع أى كلام وسعرها 7 جنيه فيه أنواع أنضف ممكن تستخدموها إنتو بقى
هنفك فرش الباب أولا زى ما موضوع الأستاذ أحمد ما شرح فى الصورة اللى تحت فيه غطاء ليه مكان كدا بأى مفك هنشيله لبرا وهيفضل ثابت هنلاقى مسمار ألانكيه نفكه مشاور عليه بسهم أحمر
كدا حررنا أكرة فتح الباب ولو شديناها بالبرواز البلاستيك هتطلع بس هتفضل معلقة بالسلك بتاعها وأحنا مش محتاجين نفكها خالص هتفضل معانا كدا
بعدين هنفك المسمار الألانكيه اللى مثبت زرار رفع الزجاج بمفتاح ألانكيه أصغر شوية بعد ما نفك المسمار
بنشدها من على الشمال هتطلع معانا عشان ليها لسان من على اليمين زى ما موضوع استاذ احمد ما شارح
ودا اللسان
فيه فيشة هنفكها أنا علمت عليها بالأزرق خفت لأحسن تكون بتركب على أى ناحية لكن أتضح لى إنها بتركب من ناحية واحدة وبس يعنى مينفعش تركبها غلط
هى ليها ودنين هندوس عليهم ونشدها هتلطع هيطلع معانا الزرار بالعلبة بتاعته
كدا الباقى إننا هنشد الفرش علينا لبرا هو ماسك شوية وغلس بس هيطلع معانا بالعافية آه بالعافية
إبدأ فك من فوق ولو بدأت من تحت مفيش مشاكل بس هو غلس شوية
بعد ما يطلع معانا طبعا هنعدى الأكرة منه هتعدى معانا عادى ونطلعه برا
الجزء التانى البلاستيك اللى هنفكه هو اللى فيه السماعة نبص فى الصورة معلم بالأحمر على مسمارين ألانكيه نجمة هنفكهم
فيه مسمار تحت خالص زى ما موضوع الأستاذ أحمد مصوره هنفكه بمفتاح 10
الجزء البلاستيك داخل ضغط هنشده من على الشمال من ال جنب فى الأول لحد ما يتفك هيفضل متعلق من اليمين
هنرفعه من اليمين ونشده لبرا هيطلع معانا بس قبل ما نطلعه هنخلع الزجاجة بتاع لمبة الباب اللى فيها اللمبة من الفيشة بتاعتها ليها ودن بندوس عليها ونشدها
وكمان نفك الفيشة بتاع السماعة ليها ودن برضه ندوس عليها ونشدها
ودا الباب الصاج
نلاحظ حاجة فى الصورة دى فيه حتة زى جلد ملزوقة كدا بس هى ناشفة شوية ومينفعش تطلع حتة واحدة بتكسرها وبتسيب زى بقعة مكانها لو عندك سمكرة فى الجزء دا لازم تشيلها ودى فايدتها إنها تعزل
وإن تبين إذا كان العربية فيها شغل سمكرة ولا لأ
ودى آلة الرفع الموتور والبكرة اللى ملفوف عليها من جوا السلك
ودا الجزء البلاسيتك والسماعة راكبة فيه ليها مسمارين ألانكيه هنفكهم ونطلع سماعتنا
هنا هنبدأ التصليح العملية بسيطة بس نفهم إيه اللى حصل عندى
أنا بصيت على السماعة من فوق ملاحظتش حاجة مقطوعة لكن قلت هجرب شغلت الكاسيت بصوت عالى على الأغنية اللى لاحظت فيها صوت الشوشرة جامد وهى أغنية الأخت الفاضلة نانسى عجرم (بتفكر فى إيه حبيبى وساكت بس ليه ) فى بداية الأغنية فيه شغل جيتار بيخلى السماعة دى تهيس
شفت السماعة لقيتها بتتنفض وترقص من على الحواف بتاع السماعة لاحظت الرق الأسود القماش بتاع السماعة بيفلت من مكانه ويعدى هواء وهو دا القطع اللى عندى
اللى عملته جبت السيليكون وغطيت الجزء دا عشان أثبته
استعملت صباعى الصغيرة عشان موسخش السماعة
ونفس الكلام عملته فى ظهر السماعة من جوا من على الحوافى
ودا شكلها
هو المفروض نسيبها برا يوم مثلا عشان تنشف خالص خصوصا لو نوع السيليكون تعبان ومش بيشد بسرعة زى اللى أنا استعملته
أو ممكن نستعمل سيليكون نوع نضيف
أو نستعمل 2 و 1 بس أنا حبيت السيليكون أكتر عشان بياخد ويدى بس أنا كان لازم أجمع كل حاجة تانى فى نفس الوقت عملت إيه
شغلت الكاسيت قبل ما أركب حاجة لسة وجبت الإيكوليزر من ال Expert واخترت التوازن بتاع السماعات إن السماعات اللى قدام بس اللى تشتغل وجمعت كل حاجة تانى
أنا عملت حاجة تانية زرار رفع الزجاج عاملاه شركة فاليو مصنوع فى فرنسا هو ليه إضاءة خافتة كدا بتلاحظها فى الليل كانت مش شغالة أنا فكيته من العلبة اللى راكب فيها
وفكيته نفسه من نفسه بس مش عارف الصور راحت فين وهزيت اللمبة بتاعته اشتغلت تانى الحمد لله متبقاش غير الصورة دى
ملحوظة مهمة جدا :
بالنسبة للباب الخلفى أحنا فكيناه تمام زى ما موضوع الأستاذ أحمد شارح
بس ناخد بالنا لما نيجى نركبه من حاجة
الباب بيركب من النص الأول أزاى ؟؟
فى الصورة دى فى صاج الباب هنلاحظ شنكلين معلم عليهم بالأحمر
الجزء البلاستيك فيه فتحتين بيدخلو فى الشنكلين دول الأول وبعدينن بترفعه سنة لفوق وتثبت الكلبسات اليمين الأول
ناخد بالنا إن الشنكل اللى تحت بيعدى من تحته السلوك اللى رايحة لفيشة نور الباب لأحسن وأحنا بنركب نضغط على السلوك نقطعها ناخد معلش الباب ممكن يتعب شوية وإنت بتركبه ياريت نفك فى النهار
عشان محدش يدعى عليا بس
ياريت يا أصدقاء تدعولى ربنا يصلح حالى وييسر أمرى اليومين دول تعبان شوية
أولا نقرأ الموضوع دا بحرص
أنا فكيت الباب قبل كدا لكن مجاش على بالى فكرة إصلاحها إلا بعد ما لاحظت بعض الأعضاء الكرام هنا صلحوها ولما سنحت الفرصة نفذت الموضوع بنجاح
الأدوات المستخدمة مثل الموضوع السابق
مفتاح 10 + طقم مفاتيح ألان كى نجمة ألتروكس هنستخدم منهم مقاسين + علبة سيليكون أو لحام 2 و 11
المفك اللى فى الصورة دا أنا استخدمته عشان أضغط على المكسب اللى فى علبة السيليكون عشان تطلع سيليكون العلبة دى باين عليها نوع أى كلام وسعرها 7 جنيه فيه أنواع أنضف ممكن تستخدموها إنتو بقى
هنفك فرش الباب أولا زى ما موضوع الأستاذ أحمد ما شرح فى الصورة اللى تحت فيه غطاء ليه مكان كدا بأى مفك هنشيله لبرا وهيفضل ثابت هنلاقى مسمار ألانكيه نفكه مشاور عليه بسهم أحمر
كدا حررنا أكرة فتح الباب ولو شديناها بالبرواز البلاستيك هتطلع بس هتفضل معلقة بالسلك بتاعها وأحنا مش محتاجين نفكها خالص هتفضل معانا كدا
بعدين هنفك المسمار الألانكيه اللى مثبت زرار رفع الزجاج بمفتاح ألانكيه أصغر شوية بعد ما نفك المسمار
بنشدها من على الشمال هتطلع معانا عشان ليها لسان من على اليمين زى ما موضوع استاذ احمد ما شارح
ودا اللسان
فيه فيشة هنفكها أنا علمت عليها بالأزرق خفت لأحسن تكون بتركب على أى ناحية لكن أتضح لى إنها بتركب من ناحية واحدة وبس يعنى مينفعش تركبها غلط
هى ليها ودنين هندوس عليهم ونشدها هتلطع هيطلع معانا الزرار بالعلبة بتاعته
كدا الباقى إننا هنشد الفرش علينا لبرا هو ماسك شوية وغلس بس هيطلع معانا بالعافية آه بالعافية
إبدأ فك من فوق ولو بدأت من تحت مفيش مشاكل بس هو غلس شوية
بعد ما يطلع معانا طبعا هنعدى الأكرة منه هتعدى معانا عادى ونطلعه برا
الجزء التانى البلاستيك اللى هنفكه هو اللى فيه السماعة نبص فى الصورة معلم بالأحمر على مسمارين ألانكيه نجمة هنفكهم
فيه مسمار تحت خالص زى ما موضوع الأستاذ أحمد مصوره هنفكه بمفتاح 10
الجزء البلاستيك داخل ضغط هنشده من على الشمال من ال جنب فى الأول لحد ما يتفك هيفضل متعلق من اليمين
هنرفعه من اليمين ونشده لبرا هيطلع معانا بس قبل ما نطلعه هنخلع الزجاجة بتاع لمبة الباب اللى فيها اللمبة من الفيشة بتاعتها ليها ودن بندوس عليها ونشدها
وكمان نفك الفيشة بتاع السماعة ليها ودن برضه ندوس عليها ونشدها
ودا الباب الصاج
نلاحظ حاجة فى الصورة دى فيه حتة زى جلد ملزوقة كدا بس هى ناشفة شوية ومينفعش تطلع حتة واحدة بتكسرها وبتسيب زى بقعة مكانها لو عندك سمكرة فى الجزء دا لازم تشيلها ودى فايدتها إنها تعزل
وإن تبين إذا كان العربية فيها شغل سمكرة ولا لأ
ودى آلة الرفع الموتور والبكرة اللى ملفوف عليها من جوا السلك
ودا الجزء البلاسيتك والسماعة راكبة فيه ليها مسمارين ألانكيه هنفكهم ونطلع سماعتنا
هنا هنبدأ التصليح العملية بسيطة بس نفهم إيه اللى حصل عندى
أنا بصيت على السماعة من فوق ملاحظتش حاجة مقطوعة لكن قلت هجرب شغلت الكاسيت بصوت عالى على الأغنية اللى لاحظت فيها صوت الشوشرة جامد وهى أغنية الأخت الفاضلة نانسى عجرم (بتفكر فى إيه حبيبى وساكت بس ليه ) فى بداية الأغنية فيه شغل جيتار بيخلى السماعة دى تهيس
شفت السماعة لقيتها بتتنفض وترقص من على الحواف بتاع السماعة لاحظت الرق الأسود القماش بتاع السماعة بيفلت من مكانه ويعدى هواء وهو دا القطع اللى عندى
اللى عملته جبت السيليكون وغطيت الجزء دا عشان أثبته
استعملت صباعى الصغيرة عشان موسخش السماعة
ونفس الكلام عملته فى ظهر السماعة من جوا من على الحوافى
ودا شكلها
هو المفروض نسيبها برا يوم مثلا عشان تنشف خالص خصوصا لو نوع السيليكون تعبان ومش بيشد بسرعة زى اللى أنا استعملته
أو ممكن نستعمل سيليكون نوع نضيف
أو نستعمل 2 و 1 بس أنا حبيت السيليكون أكتر عشان بياخد ويدى بس أنا كان لازم أجمع كل حاجة تانى فى نفس الوقت عملت إيه
شغلت الكاسيت قبل ما أركب حاجة لسة وجبت الإيكوليزر من ال Expert واخترت التوازن بتاع السماعات إن السماعات اللى قدام بس اللى تشتغل وجمعت كل حاجة تانى
أنا عملت حاجة تانية زرار رفع الزجاج عاملاه شركة فاليو مصنوع فى فرنسا هو ليه إضاءة خافتة كدا بتلاحظها فى الليل كانت مش شغالة أنا فكيته من العلبة اللى راكب فيها
وفكيته نفسه من نفسه بس مش عارف الصور راحت فين وهزيت اللمبة بتاعته اشتغلت تانى الحمد لله متبقاش غير الصورة دى
ملحوظة مهمة جدا :
بالنسبة للباب الخلفى أحنا فكيناه تمام زى ما موضوع الأستاذ أحمد شارح
بس ناخد بالنا لما نيجى نركبه من حاجة
الباب بيركب من النص الأول أزاى ؟؟
فى الصورة دى فى صاج الباب هنلاحظ شنكلين معلم عليهم بالأحمر
الجزء البلاستيك فيه فتحتين بيدخلو فى الشنكلين دول الأول وبعدينن بترفعه سنة لفوق وتثبت الكلبسات اليمين الأول
ناخد بالنا إن الشنكل اللى تحت بيعدى من تحته السلوك اللى رايحة لفيشة نور الباب لأحسن وأحنا بنركب نضغط على السلوك نقطعها ناخد معلش الباب ممكن يتعب شوية وإنت بتركبه ياريت نفك فى النهار
عشان محدش يدعى عليا بس
ياريت يا أصدقاء تدعولى ربنا يصلح حالى وييسر أمرى اليومين دول تعبان شوية
Comment