نقط بيضة فى البوية!

[M_SaadElDin]

السلام عليكم،،،
انا اشتريت عربيتى زيرو من حوالى شهرين لونها اسود، بعد كام يوم من استلامها لقيت كل جسم العربية ظهر فيه نقط صغيرة جدا لونها ابيض، كنت سألت بعض الناس قالولى ان ده من شمع الفابريكة وهايروح بعد شوية ،،، بس لغاية دلوقتى النقط دى مارحتش! ياترى حصل معاكم كده برده؟؟ مع ملاحظة انى مش بغسل العربية كتير (باعتمد على الغطاء اكتر)

[drmagieed]

متابع

[MohammedAladel]

والله دى ل حاجة بارزة عن البوية الأًصلية متقلقش منها

ونصيحة متلعبش فى العربية بأى حاجة سيبها

ممكن تستعمل wd40 ولا أٌقولك بلاش سيب العريبة زى ما هى أو وريها لحد يكون شاطر بتاع بويات سيارات عشان متبوظش العربية

ومتستخدمش بنيزين

[MohammedAladel]

ولا أقولك ا ستنى وقولهم علهيا فى الصيانة الدورية لو ما راحتش

[M_SaadElDin]

ولا أقولك ا ستنى وقولهم علهيا فى الصيانة الدورية لو ما راحتش

انا ناوى على كده فعلا بس انا معدل استهلاكى قليل فلسة بدرى على معاد الصيانة الجاية، فى ناس قالولى اعملها بالجاز بس انا خايف، بافكر فى الـ wd40 خاصة انو مكتوب فى الموقع بتاعهم انه غير ضار على دهان العربية

[MohammedAladel]

هو أنا جربته على عربيتى معملش حاجة للدهان بصراحة بس عربيتى 2007 وقديمة نوعا ما

إنما عربية حضرتك زيرو فمتستعملش حاجة وخلاص

شوف برضه ممكن تسأل مغسلة تكون محترمة وفاهمين أكيد مروا بحالات زى دى هيوضحولك اللى فيها بإذن الله وغالبا هتبقى حاجة بسيطة ومفيش د اعى للقلق

[MohammedAladel]

هو أنا جربته على عربيتى معملش حاجة للدهان بصراحة بس عربيتى 2007 وقديمة نوعا ما

إنما عربية حضرتك زيرو فمتستعملش حاجة وخلاص

شوف برضه ممكن تسأل مغسلة تكون محترمة وفاهمين أكيد مروا بحالات زى دى هيوضحولك اللى فيها بإذن الله وغالبا هتبقى حاجة بسيطة ومفيش د اعى للقلق

[drmagieed]

ممكن حضرتك تكون ركنتها جنب حد بيدهن وجه عليه رذاذ بوية تانية؟؟؟؟

[wael-mohamed]

لو الموضوع قلقك قوي ممكن تروح التوكيل وتسال عادي مش لازم في موعد الصيانة الدورية

[Land_Cruiser]

حاول تعدى أيدك عليها و تشوف إذا كانت دى البويه نفسها او حاجه فوقها و يستحسن تعرف النقاط دى نتيجه ايه قبل ما تجرب تشيلها و برضه ممكن يبقى مفيد لو صورتها و رفعت الصور هنا و احتمال الناس تقدر تساعدك اكتر لان الصوره اكيد هتبقى أدق من الوصف الشفهى. على فكره موضوع شمع الفابريكه ده برضه ممكن يكون السبب و خاصه ان اللى قالوا لحضرتك انه هيروح لوحده كان قصدهم مع تكرار الغسيل للسياره لان الشمع مش هيتطاير اكيد لكن مع الغسيل المتكرر بيروح و حضرتك بتقول انك ما بتغسلهاش كتير و بعدين لاحظ برضه ان العربيه سوداء و علشان كده اى حاجه بتبان فيها بعكس لو كانت لون فاتح مثلا كنت ممكن ما تلاحظش الموضوع ده اصلا

[Ahmed Selim]

اولاً أنا مش عارف موضوع الشمع ده أيه.......محصلش معايا قبل كده فى أى عربية زيرو

حط أيدك مكان النقط و لو لقيتها بارزة حاجة بسيطة عن دهان العربية يبقى غالباً ركنتها فى حتة كان فيها حد بيدهن و الرزاز جه عليها :(

حصلت معايا فى عربية زيرو و كان دهان من مصنع بركن جنبه و أنا فى الشغل.......الرزار بتاع الدهان بيتطاير مع الهواء و بينزل على العربية و بيثبت عليها...........مش عاوز أقولك بهدلي العربية سواء دهان أو أزاز

عموماً لو لا قدر الله طلع دهان مش هيبقى ليها غير حل واحد و تعمله بعد ما تتأكد أن المصدر بتاع الدهان ده مش هيبوظلك العربية تاني.....تروح مركز من مراكز ال car detailing و تخليه يشوف العربية كويس........و تسأله أن بعد البوليش اللى هيعمله الدهان مش هيتأثر ولا لأ.....لو حسيت أنك شاكك فى رده بلاش أحسن.......لأن الطريقة اللى بيعملوا بوليش بيها بتفرق......لو واحد مش فاهم كويس هيطلعلك العربية فيها جروح خفيفة مكان نقط الدهان دي.............بتبقى عاملة زى حبيبات رمل بتجرح دهان العربية أثناء البوليش.

[M_SaadElDin]

بصراحة مش متخيل انه ممكن يكون رزاز دهان لأنه ظاهر فى العربية بتوزيع منتظم وفى كل الإتجاهات وكمان العربية متغطية معظم الوقت! جربت wd40 فى حته صغيرة وفعلا النقط راحت بس انا خايف طبعا اعمل العربية كلها بيه

[MohammedAladel]

لو ال wd طلعها يبقى سيبها وإن شاء الله مع الغسيل هتطلع وزى ما بيقولوا سيبها تغزى العين :)