مشكلة في ميجان 2006

[moataz_242]

السلام عليكم

يوم الأحد السابق كنت ماشي بالعربية و كان تانك البنزين يدوبك بيخلص .. بعدها حطيت بنزين و تاني يوم بدأت ألاقي رجه بسيطة عند سرعة 80 إلي 90 .. يعني تقريبا فبل النقلة الرابعة علي طول كما لو كان حقن البنزين مش كفاية

و بعد كده بدأت تطلعلي رسالة:
check injection + check gear box

هل شوية البنزين اللي في آخر تانك البنزين ممكن يعملوا كده ؟؟

العربية عاملة 81 ألف كم و لسه عامل صيانة ال80 في التوكيل

أيضا أسأل علي ميكانيكي كويس للميجان في شبرا أو بالقرب منها

شكرا مقدما علي الرد

[airfox]

تقريبا كده الكويلات عندك فيها واحد او اكتر باظ بس ان شاء الله بسيطه

[MohammedAladel]

هو الرسالة دى لو حطيت جهاز الكشف فى العربية هيجيبلك فورا إيه اللى فيها بيبقى أكتر من حاجة ممكن تظهر الرسالة دى
غالبا بتبقى كويل

ممكن بوجيه برضه طرمبة بنزين فلتر بنزين وممكن يكون حساس
بس إنت شوف مو ضوع الكويل فى الأول

طيب بعد ما تعدى ال 80 بتظبط معاك ؟؟؟

[moataz_242]

لو الرسالة طلعت مش بتنقل الرابع و لو مطلعتش بيكون في زي رجه كما لو كان العربية محتاجه بنزين اكتر

[MohammedAladel]

أفحص الكويلات أولا

وإنتظر آراء الأعضاء الكرام

[Ahmed Selim]

أنا رديت عليك على الخاص و بعتلك رقم الميكانيكي

بس برضه ممكن يكون الموضوع كويلات........دى نسيت أقولهالك فى الرسالة

لو كويل أو أكتر هتحس برجة على rpm لحد 2.5 أو 3 و بعد كده بتختفي أو بتقل شوية...........بس على كل النقلات مش على نقلة معينة.

غير كده يبقى الموضوع مش هيخرج عن بنزين مش نضيف........أو التانك نفسه عندك محتاج يتنضف.

طبعاً ممكن يكون أثر شوية على الطرمبة.......حاول تفك التانك و تنضفه أحتياطي....و تشوف الطرمبة أخبارها أيه.