تنظيف بوابة هواء موتور ميجان 2

[MohammedAladel]

السلام عليكم
طريقة تنظيف البوابة

فى الصورة دى هنفك القفيز دا بمفك عادى مش صليبة سنه عريض من قدام


ثانيا هنشيل الخرطوم دا اللى فى الصورة معرفش بتاع إيه مش عارف دا فايص الزيت ولا إيه هو من غير قفيز بنشده بيتشال بسهولة
ياريت حد يقولنا اسمه إيه وفايدته إيه ؟


بعدين هنشد الخرطوم الكبير بتاع الهواء لورا بإيدينا ونطلعه


شوفوا منظر البوابة من جوا المكان النضيف دا مكان ما دخلت صباعى




المفروض البوابة تتنظف عن طريق الآتى باستخدام منظف throttle and body cleaner
بس أنا استخدمت akai وهو ممتاز الصراحة برضه بيطير بسرعة هو أساسا بتاع إلكترونيات
وهى مقفولة نرش عليها من جوا ونجيب حتة فوطة مش بتطلع وبر وننضف بسرعة لأنه بيطير وبينشف

بعدين نفتحها بإيدنا من فوق وبالإيد التانية نرش فى الإطار بتاعها بحرص وننضف بالقماشة أنا استعملت منديل ورق والسلام

[dedo_ryo]

الله ينور يا كبيييييييييييييييييييير

[MohammedAladel]

وعايز أعرف إيه فايدة الخرطوم اللى طالع من على الجنب دا اللى نازل لتحت مشاور عليه بسهم أحمر فى الصورة


ولما فكيت الخرطوم الكبير كله لاحظت حاجة إن الفتحة بتاع الخرطم المتفرع دا مقابلة للفتحة بتاعت الخرطوم الكاوتش اللى بنخلعه من خرطوم الهواء اللى مشاور عليه بالأخضر فى الصورة

[MohammedAladel]

الله ينور عليك يا ممدوح باشا

[blazer]

انت كدا منفضتهاش بالكامل
المفروض ترش على الحساسات الموجوده وتنضفها

[ramy_gamal]

الله ينور..... المهم النتيجه ايه وهل فى فرق

[dedo_ryo]

انت كدا منفضتهاش بالكامل
المفروض ترش على الحساسات الموجوده وتنضفها

لا هو كده تمام لان رينو بتحذر في ال Workshop Repair Manual من استخدام اي مواد تنظيف غير اللي موصي بيها من رينو و ده لانها هتعمل تأكل في الاجزاء المطاطيه الموجوده في الحساس ده و لو حضرتك عايز تعمل ده هتجيب المنظف اللي في الكتالوج و تفك الجزء الخاص بالحساس وتنضفه ف الافضل ان حضرتك كل فتره تنضف التراب من علي البوابه من بره كوقايه و أامن من تنضيف الحساس نفسه و الافضل لو فلتر الهوا كمان مع البوابه و انسي التراب خاااالص

[MohammedAladel]

لو على النتيجة أنا مش حاسس بأى فرق بس أنا بعمل كدا من باب الوقاية

أنا كنت هفك البوابة نفسها بالكامل بس فيه مسمار مزنوق جبت مفتاح بيبه معرفتش أدخله شكلها محتاجة يد سستم

[SAMEH_FOUAD]

ياباشا اولا تسلم على الشغل العالى

بس فية ملحوظات فى الشغل دة عشان تتجنبها فيما بعد بإذن الله

1- التنظيف بيكون ب injection & intake cleaner مش ب Akai لان Akai دة للالكترونيات , عشان بس تكون كل حاجة لاستخدامها , هو مافيش منة ضرر بس التانى اقوى واشد بكتير

2- ماينفعش تنظف الثروتل من جوة ب ورق مناديل على حسب مانا شايف ( لو انا شايف صح يعنى ) لازم يتم التنظيف بفوطة نظيفة , لان المناديل بتفرول ومش عايزين حاجة تدخل جوة مع ضغط البنزين

بالنسبة لطلب حضرتك فى الايدل ليرن ( لأ ياباشا انت ماشيلتش حاجة ولا نظفت البلف )

لان ايدل ليرن دية بتتعمل فى حالة ( فصل كابل البطارية - تنظيف الثروتل بودى مع بلف الايدل )

وطبعا كل العربيات المزودة بنظام انجيكشن فيها ايدل ليرن ( بس المقصود هنا بالايدل ليرن ) هية طريقة وليست جزء فى المحرك

معنى كلمة ايدل ليرن : هو انك تدى اشارة لل ecu انك عملت تعديل فى بلف الايدل ولازم ترجعة للوضعية الصحيحة بتاعتة عشان يقرى صح , عشان كدة العربيات اللى بتفك الايدل وبتنظفة بتلاقى بعديها رجة فى المحرك ودة راجع بسبب عدم عمل ايدل ليرن للمحرك

ولو عايز تعرف الطريق هية كالاتى :

بعد تركيب كل شىء فى المحرك : تم عمل الاتى :

1- يتم فقط فتح ال a/c دون تدوير المحرك وتركها لمدة خمس ثوانى , ثم قفل الكونتاكت لمدة خمس ثوانى
وتكرار تلك العملية مرتين

2- تجيب الكونتاكت تانى على ال a/c بس المرة دية هتفتح معاها التكييف - اضواء السيارة ( نور عالى وواطى ) وتسيب الوضع دة لمدة خمس ثوانى , وتقفل الكونتاكت وبعد كدة تفتحة , وتدور على الوضعية دية

وبعد كدة اطفى التكييف - الاضواء وسيبها دايرة عشر دقائق , هتلاقى العربية مظبوطة معاك ومافيش اى مشكلة نهائى او رجة

[SAMEH_FOUAD]

معلش نسيت الصور اللى حضرتك عايز تعرفها ياريت بس تحاول تجيبلى صورة افضل بحييث اشوف الخرطوم رايح فين ,وانا اقولك دة بتاع اية بالظبط

[original]

الله ينور
بس إيه ده!
هيا العربية دى مافيهاش فلتر هواء وللا إيه؟؟ وللا حضرتك مش بتستعمل فلاتر أصلية؟؟

[MohammedAladel]

لأ طبعا فيها فلتر هواء .....بس مش معنى كدا إن البوابة مش هتوسخ من الرواسب الكربونية فى غرفة الاحتراق وبرضه فيه نسبة تراب مع مرورو الوقت أيا كان الفلتر اللى عندك هتكون طبقة عليها

[original]

لأ طبعا فيها فلتر هواء .....بس مش معنى كدا إن البوابة مش هتوسخ من الرواسب الكربونية فى غرفة الاحتراق وبرضه فيه نسبة تراب مع مرورو الوقت أيا كان الفلتر اللى عندك هتكون طبقة عليها

المشكلة فى مصر إننا بنفضل ننفخ فى الفلتر مع إنه بيبأا عامل زى الفحمة!! مع إن مش خسارة فيه نغيرة كل 10000كم بالهباب اللى فى الجو..

[MohammedAladel]

بالفعل دا أنا حتى بعد ما غيرت الفلتر قرأت موضوع لناس غسلوا الفلتر ....... غسلته وطلع عين أهلى ....... وبقى أوسخ من الأول ........ فكرة فاشلة جدا ومتنفعش نهائى الأفضل تغييره بنوع محترم .......... الفلاتر مينفعش تكون مش أصلية

[أسامه الحسيني]

م/ Mohammed Aladel
جزاك الله خيرا علي المجهود المبذول
وعندي سؤال وانا بفك خرطوم الهواء علشان انظف البوابه ما لقيش الخرطوم الرفيع دا فهل كدا في مشكله والخرطوم دا واصل لغاية فين

http://upimage.us/server/php/files/1%20%28304%29.jpg

http://upimage.us/server/php/files/2%20%28270%29.jpg

ولك جزيل الشكر