مقبل علي شراء ميجان 2005 تنصحوني بايه

[amnpop]

السلام عليكم
اعضاء المنتدي الكرام
انا ان شاء الله رايح بكره اتفرج علي ميجان 2005 اوتو علي كلام صديق شافها هي فابريقه دواخل و رشه جانبين و شنطه (الكبوت و السقف مفيهوش رش )
66000 كيلو
اللون فيراني
و بيقول ان العربيه سليمه و نضيفه من جوا و برا بس لمبه التشيك منوره
و هو ظبطلي ميعاد بكره ان شاء الله قرب محطه شل اللي في الهرم علشان نكشف عليها و انا بثق في المحطه دي جدا و كمان مجربها اكتر من مره في في عربيات كوري مش عارف الكشف علي الموتور الفرنساوي يبقي بنفس الكفائه و لا لأ
بعد الكشف علي حاله الدواخل و الشاسيه و الموتور و اذا طلعو كويسين تنصحوني اروح لمتخصص في الرينو و نشوف موضوع لمبه التشيك و يا تري في حد في الهرم او فيصل عندو جهاز الميحان و لا تنصحوني بايه
و يا ريت اعرف متوسط سعرها علي افتراض انها ممكن تصرف شويه صيانات
انا بقول انها احسن من الفيرنا اوتو و كمان بتبقي في نفس الفئه السعريه و الموديل كمان
مع الفارق في مصاريف الصيانات و اعاده البيع طبعا كلها تحسب للفيرنا

منتظر اراء الاعضاء الكرام من مالكي و اصحاب الخبره في الميجان

[MohammedAladel]

بالنسبة للمبة ال check منورة معاها إيه تانى ؟؟؟ ياريت تقولنا ؟ لازم حد فاهم يقيمها وإلا تروح مركز صيانة معتمد أو التوكيل نفسه تكشف عليها عشان تعرف حالتها

ياريت تقرأ الموضوع دا هيفيدك هو مش مرتب بس أقرأه بهدوء وحدد النقط اللى فيه واكتبها فى ورقة عشان لما تروح تشوف العربية تقارن

http://www.nilemotors.net/Nile/318383-a.html

وأقرا المواضيع المثبتة عن العربية بصورة سريعة

[ZALABANY]

عندك مركز توب جير اللي في المطبعه فيصل وعنده كمبيوتر ممكن يكشفلك عليها وونش كمان ممكن يرفع العربيه

[MohammedAladel]

للعلم ميجان مش فى نفس الفئة السعرية للفيرنا جديدة ومستعملة فيرنا بتتراوح من 40 ل 55 تقريبا ولا فى نفس الفئة كسيارة

ميجان صعب تلاقيها ب 55 ألف وحالتها كويسة يعنى ممكن تبدأ بالسعر دا إلا لو حالتها مش قد كدا وبتوصل ل 90 مثلا للموديلات الأعلى 2010 أو 2009 تقريبا أعلى فئة

بس أنا مش هقدر اقيم العربية دى لأنى معرفش حالتها بالظبط ولأنى مش متابع السوق

[amnpop]

بالنسبة للمبة ال check منورة معاها إيه تانى ؟؟؟ ياريت تقولنا ؟ لازم حد فاهم يقيمها وإلا تروح مركز صيانة معتمد أو التوكيل نفسه تكشف عليها عشان تعرف حالتها

ياريت تقرأ الموضوع دا هيفيدك هو مش مرتب بس أقرأه بهدوء وحدد النقط اللى فيه واكتبها فى ورقة عشان لما تروح تشوف العربية تقارن

http://www.nilemotors.net/nile/318383-a.html

وأقرا المواضيع المثبتة عن العربية بصورة سريعة

اولا انا متشكر لرد حضرتك و انا فعلا قريت الموضوع و كمان المواضيع المثبته في القسم
بس قلقان جدا من كام حاجه قريتها
انا مش متعود علي الشحططه بتاعه الميكانيكيه بالذات اللي مش فاهمين انا بغير اي حاجه فيها مشكله علشان مرجعلهاش تاني
و خصوصا اني نازل من عربيه 2010 كان اخرها معايا سرفيس فقط
لكن السعر و الاداء مقارنه بالكوري هو اللي مشجعني علي الميجان و كمان في اتنين من جيراني راكبينها 2006 و 2008

[amnpop]

عندك مركز توب جير اللي في المطبعه فيصل وعنده كمبيوتر ممكن يكشفلك عليها وونش كمان ممكن يرفع العربيه

شكرا للرد ....بس ونش ربنا ما يكتب علينا

[amnpop]

للعلم ميجان مش فى نفس الفئة السعرية للفيرنا جديدة ومستعملة فيرنا بتتراوح من 40 ل 55 تقريبا ولا فى نفس الفئة كسيارة

ميجان صعب تلاقيها ب 55 ألف وحالتها كويسة يعنى ممكن تبدأ بالسعر دا إلا لو حالتها مش قد كدا وبتوصل ل 90 مثلا للموديلات الأعلى 2010 أو 2009 تقريبا أعلى فئة

بس أنا مش هقدر اقيم العربية دى لأنى معرفش حالتها بالظبط ولأنى مش متابع السوق

انا قصدي ان الفيرنا الاوتو 2005 بتلعب في المتوسط بتاع ال55000 جنيه تقريبا نفس متوسط الميجان
و لو ميجان 2005 ب 52000 ممكن تصرف كام علشان تبقي نمره واحد طبعا لو الاساسيات سليمه علشان يبقي سعرها كويس و ادائها كمان

[MohammedAladel]

الكشف هيبين حالتها واتباعك للخطوات اللى فى الموضوع هيساعدك جامد

ميجان لو حالتها كويسة مش هتتعبك مش هتحتاج غير سيرفيس زى ما كنت بتعمل ما كنت ببتعم مع عربيتك وربنا يبارك فيها

[hossam_elwani]

اياك وانك تكشف على ميجان فى اى مكان بخلاف التوكيل .......عشان مترجعش تندم

[amnpop]

اياك وانك تكشف على ميجان فى اى مكان بخلاف التوكيل .......عشان مترجعش تندم

حضرتك تقصد الموتور و الكمبيوتر و الحساسات و لا العربيه بالدواخل و العفشه اجمالا
و يا تري الكشف في التوكيل بيتكلف كام

[amnpop]

اياك وانك تكشف على ميجان فى اى مكان بخلاف التوكيل .......عشان مترجعش تندم

حضرتك تقصد الموتور و الكمبيوتر و الحساسات و لا العربيه بالدواخل و العفشه اجمالا
و يا تري الكشف في التوكيل بيتكلف كام
و اشكر حضرتك علي مشاركه

[hossam_elwani]

حضرتك تقصد الموتور و الكمبيوتر و الحساسات و لا العربيه بالدواخل و العفشه اجمالا
و يا تري الكشف في التوكيل بيتكلف كام

اهم حاجه كل شىء يتعلق بالكهرباء ويليها الموتور او الميكانيكا

[amnpop]

اهم حاجه كل شىء يتعلق بالكهرباء ويليها الموتور او الميكانيكا

و هل ينفع الكشف علي الكهربا و الموتور فقط و التكلفه تقريبا ممكن تبقي قد ايه و يا تري اقرب مركز كشف الاقيه فين و انا في الهرم

[hossam_elwani]

و هل ينفع الكشف علي الكهربا و الموتور فقط و التكلفه تقريبا ممكن تبقي قد ايه و يا تري اقرب مركز كشف الاقيه فين و انا في الهرم

فرع رينو العبور او المقطم وممكن تكشف كشف كهربا وميكانيكى بس وتقريبا بــ 350 جنيه