صوت تكة خفيفة ف الدريسكون كل ما ألف يمين أو شمال !! فلوانس

[Ammar yOsrii]

سلام عليكم . .

غريبة الصوت لسه بادئ يظهر النهردة كل ما ألف يمين أو شمال
دا سببه إيه
العربية لسه مستلمها من يومين إيه القرف دا

[ahmad--ezzat]

تكه ولا طقه

[Ammar yOsrii]

تصدق تفرق :'d

هيا أقرب للطقة بس بتطلع أول ما ألف وبترجع تطلع تاني أول ما الدريكسون يرد ومش علطول .. ساعات

[hmada9009_99]

تصدق تفرق :'d

هيا أقرب للطقة بس بتطلع أول ما ألف وبترجع تطلع تاني أول ما الدريكسون يرد ومش علطول .. ساعات

واللهي روح التوكيل ويشوفهالك لأنها ممكن تكون حاجه من علبه الدركسيون روح التوكيل وان شاء الله خير ومايكونش في حاجه

[Ammar yOsrii]

تمام هكلمهم الأول وان شاء الله خير

[Ahmed Selim]

معلش سؤال.........التكة او الطقة دي بتظهر في أخر اليمين أو الشمال ؟

يعني لما تكسر للأخر سواء يمين أو شمال بتظهر ولا قبل ما توصل للأخر ؟

[Kareem.ElAraby]

متابع

[Ammar yOsrii]

معلش سؤال.........التكة او الطقة دي بتظهر في أخر اليمين أو الشمال ؟

يعني لما تكسر للأخر سواء يمين أو شمال بتظهر ولا قبل ما توصل للأخر ؟

أنا كنت ملاحظها النهردة بس مكنتش مركز أوي ..
أنا هنزل كمان شوية أجربها وأقلك

[Ahmed Selim]

عموماً لو بتحصل فى مع كسر الدركسيون للأخر يبقى عادي........

و حاول متكسرش الدركسيوت للأخر علشان غلط...........هيأثر على شريط الأيرباج و الباطاحات غير علبة الدركسيون نفسها.

[Land_Cruiser]

عموماً لو بتحصل فى مع كسر الدركسيون للأخر يبقى عادي........

و حاول متكسرش الدركسيوت للأخر علشان غلط...........هيأثر على شريط الأيرباج و الباطاحات غير علبة الدركسيون نفسها.

+11111
لو اضطريت تكسر للآخر يبقى ثانيتين تلاته مش اكتر يستحسن بلاش و كمان نصيحه عامه هو ان حضرتك لما تيجى تركن تبقى تخللى العجل عدل و مش مكسور

[ahmedsql]

المشكلة دي كانت عندي و في توكيل المقطم قالي مافيش حاجة
رحت العبور لقيته المهندس هو البييوصف الصوت :)
طلعت في الأخر جلدة مسامير صوابع الميزان مش متشحمة و كانت محتاجة تشحيم
و الصوت دا اختفى من بعدها
الصوت بالظبط كان عبارة عن طقطقة خفيفة لما تحرك الدركسيون يمين او شمال و العربية و اقفة او ونت ماشي علي سرعة هادية و فيه مطبات صغيرة
و كان شوية يجي و شوية يروح