ملاك الداااااستررر اجمع

[dr_k]

السلام عليكم جميعا
يا جماعة انا ناوي اشتري داستر باذن الله بس كنت عايز اسألكم عن 3حاجات:
1- سبب قلة عدد الداستر في الشارع
2- هل فيه اي عيوب ظهرت في العربية
3- ايه الفرق بين ال 4*4 و 2*4 وتنصحوني بايه؟
وشكرا ليكم مقدما

[amrelsha3er]

اختيار موفق ان شاء الله
العربيه لسه جديده وبالحجز من رينو ده سبب قله انتشارها
الفرق بين 4×4 و4×2 الدفع الرباعى
انتظر اراء الملاك يفيدوك اكتر ان شاء الله

[gogo2012]

السلام عليكم جميعا
يا جماعة انا ناوي اشتري داستر باذن الله بس كنت عايز اسألكم عن 3حاجات:
1- سبب قلة عدد الداستر في الشارع
2- هل فيه اي عيوب ظهرت في العربية
3- ايه الفرق بين ال 4*4 و 2*4 وتنصحوني بايه؟
وشكرا ليكم مقدما

يوجد عدد ليس بالقليل منها الان وتم زياده السعر من الموزع مرتين - اخر سعر من الطارق 136.000 ج للسياره 4*4
تم تعديل الكاسيت ليلائم الاستعمال العصرى بأضافه بلوتوث مع يو اس بى والكاسيت بشكل جيد
امتلك السياره من عام ولم تحدث اى مشاكل غير تغيير زراع المالتى بالتوكيل فى الضمان
توكيل محترم - يتم متابعه المشاكل بعد انتهاء الفحص بالتليفون لمعرفه مدى رضا العميل
لوبمقدورك شراء 4-4 لا تتردد لمتانه السياره واختلاف نظام التعليق
راجع المشاركات السابقه للافاده
مبروك مقدما

[ateeby]

قلة الداستر نتيجة للآتي
لا يوجد اتوماتيك
عدم فهم الميكانكين غير المتخصصون في سيارات الرينو
اهتمام الشركة بالأداء و الثبات و العفشة وو التدريع المعدني و الشكل و الوسع على حساب الكماليات مثل حساسات الركن و مثبت السرعة و الكاسيت مما يجعل السيارة لاتجدذب الشريحة اللتي تبحث عن الكماليات

نصيحة الدفع الرباعي افضل لاختلاف نظام التعليق و العفشة - و الاربع عجلات تعمل اتوماتيك في حالة انزلاق السيارة و التدريع المعدني اسفل السيارة

[خالد]

عربية بسم اله ماشاء الله محترمة وزى الفل وشكلها شياكة وعالية عن الأرض تتناسب مع الطرق المصرية ووحش كاسر على الطريق وثبات رائع
بس قليلة فى الشوارع علشان مانيوال ومفيش منها أوتوماتيك
عيوب ظهرت فى الكاسيت بيعلق ومايشتغلش ألا لما تحرك زرار الزجاج
الفرق بين 4*4 & 4*2 أن الدفع الرباعى 4*4 مصفحة من أسفل ونظام التعليق للعفشة مختلف
ونصيحة لو تقدر تجيب 4*4 هاتها ومش هتندم
ربنا يوفقك وتقبل تحياتى

[omskmaher]

عربيه جميله جدا ومظهرش فيها عيوب وتستاهل كل قرش مدفوع فيها بس موضوع الدفع الرباعى فيها بيزود الفتيس غيار عشان بيكون 6 غيار امامى وكمان بيخلى الغيار قصير جدا وبعدين الجر الامامى فقط جميل معظمنا لا يستخدم الدفع الرباعى انا عن نفسى بحب عفشه الترشم بم بتاع الجر الامامى عشان تحمله اقوى