ميجي جابت كويلين مع بعض

[dedo_ryo]

السلام عليكم يا شباب
النهارده كنت ماشي بالعربيه و وقفت علي جنب ارد عالموبايل
و دورت و انا طالع هوبا كأني دورت جرار زراعي من القديم كمان
قولت ابطل و ادور تاني ولا الهوا هوب طلعت Check Injection
لقيت هاتف جالي كويلاااااااااااااااااات
قمت نازل فاتح الكبوت وشايل الوش الفبر و عملت زي اي ميكانيكي بلدي
شلت فيشه اول كويل والعربيه كانت دايره قامت بطلت
شلت فيشه التاني ولا الهوا و شلت التالت ولا الهوا برضه و الرابع بطلت
المهم كده عندي اتنين كويل و الحياه حلوه قمت مكمل المشوار و طبعا ولا في سحب ولا الهوا
و بعدها روحت لاقرب واحد بيبع قطع الغيار و كان شاب محترم جدااااا قولتله عايز كويل قالي فاليو فرنساوي ب 200 قولتله يااااااااااااه قالي خد التركي قلتله وريهولي شكله سيئ للغايه من هنا لهنا خلص ب 190 الفاليو بس من كلامه ان الاصلي الاصلي هوا ساجيم و بيعمل حوالي 320 و عمره طويييييل بس لاقيه انت
و جبت طقم بوجيهات مش فاكر اسمه ايكويم ولا ايه بس فرنساوي و انتاج شهر 6 اللي فات و العربيه بقت تمام ..... معلش عالاطاله بس حبيت انقلكم تجربتي و شكرا

[amr_elbazz]

حمد الله على السلامة .

[dedo_ryo]

بعد تشريح الكويل اكتشفت العيب في الملف الثانوي هو اللي قاطع فهل ده السبب الرئيسي ولا ده معايا بس و ليه اسباب تانيه
لازم نلاقي حل للمشكله دي لانها بجد اسوأ عيوب العربيه من وجهه نظري

[MohammedAladel]

الفاليو الأصلى رأسه لونها أخضر عامل 175 ......... بالنسبة للبوجيهات ليه قلت تاريخ الأنتاج ؟؟ هو يفرق ؟؟

[dedo_ryo]

محمد باشا ايه اخبارك يا كبيييييييير ....... اولا الكويل اللي راسه خضرا اللي مكتوب عالراس صنع في فرنسا ده فاشل و للاسف احنا بنجيبه بس هو افضل الانواع العاديه انا اتصاحبت عالي كان واقف في المحل و وراني الاصلي التاني راسه خضرا برضه بس فاليو و صنع في فرنسا كانو محفورين عالجسم الاسود بتاع الكويل نفسه و الواحد في علبه لوحده و عليه نفس بيانات الكويل الاصلي كلها لو حطيتهم جنب بعض مش هتفرقهم و الكاوتشه بتاعته محفور عليها ساجيم و فرنسا انما ابو 175 عليه كلمه فاليو و علامه الصح و للاسف انا الكويلات بتاعتي كانت الاصلي من التوكيل و لونهم نبيتي و ده موقع فاليو و لينك الكويلات و البوجيهات الاصليه اتأكد منه هنا
و بالنسبه للبوجيهات كل ما كانت مركونه كل ما كفاءتها قلت و انا مش ناقص كويلات تاني
و دي صوره الكويل الاصلي اللي عندي و اللي موجود علي موقع فاليو

[MohammedAladel]

وتاريخ إنتاج البوجيه بيبقى متكوب عليه ؟؟

[MohammedAladel]

أنا الحمد لله تمام ... إخبارك إيه ممدوح باشا ؟

[dr.hazem]

حمد لله على السلامة....

Sent from my SE Arc S using Forum Runner

[dedo_ryo]

وتاريخ إنتاج البوجيه بيبقى متكوب عليه ؟؟

النوع اللي انا جبته كان مكتوب عليه و كمان عالعلبه الكبيره اللي بيطلع منها و هو حلو الحمد لله و انا نويت اغير البوجيهات كل 6 شهور يعني علشان احافظ على الكويلات لاني هجيب الساجيم الاصلي و انشاء الله في اقرب فرصه هصور الاصلي اللي غيرتهم و عرفت من واحد بالصدفه ان في ناس بتصلح الكويلات مش عارف هو بيصلح اللي قاطع ولا اللي بيضرب بره بس هشوف الموضوع ده و اقولكم عالي هيحصل ان شاء الله

[dedo_ryo]

أنا الحمد لله تمام ... إخبارك إيه ممدوح باشا ؟

الحمد لله انا تماااااااااام اوي المهم انت عملت ايه ..... بالتوفيق و متنساش الحلاوه بقى

[MohammedAladel]

إدعيلى بس ... أول امتحان عدى على خير ربنا يسترها معايا دا أنا غلبان

[dedo_ryo]

الحمد لله ادي واحد خلاص عقبال الباقي ركز انت بس في مزاكرتك و امتحناتك عايزين تقدير

[mohamed elshae]

بص بقي ياباشا صلي علي النبي مفيش كويلين مع بعض هو لو كويل فصل التاني بيفصل اللي معاه علي التقسيمة انت قلت ان الاول والرابع هما اللي شغالين كنت بدلت واحد من التاني والتالث مكان الاول او الرابع عشان تعرف مين فيهم اللي قاطع
ثانيا مكنتش تمشي بالعربية
ثالثا تجيب الكويل استيراد متجبهوش جديد بالذات الفاليو ابو راس خضرا الفاشل دا هاتو ساجيم فرنساوي استيراد
رابعا من احسن البوجيهات للعربية دي هو ان جي كي وتجيبه اتنين شمعة سن طويل من التوكيل بتاعه اللي في التوفيقة لانوا بيبيع مفرط لاكن اللي ملزوقين في ورقة واحدة دول مضروبين
وعلي اي حال ربنا يحميك ويحرصك ويباركلك فيها ان شاء الله

[MohammedAladel]

طيب يا باشا متعرفش البوجيه الأصلى الموصى بيه من شركة إيه ؟

هو بوش ممتاز طبعا

[mohamed elshae]

انا مش عارف والله الموصي بيه ايه لاكن هو افضل بوجيه هو ان جي كي