رجه غربيه مع الفرامل

[airfox]

اوقات كده و انا ماشي بالعربيه و اضطر ادوس فرامل جامد اوي بحس برجه جامده و بحس ان العربيه بتسيب الرجه بتكون تحت الفتيس في النص الامامي يا ريت لو حد بفيدني ممكن تكون ايه و هل الموضوع خطير و لا عادي مش محتاج اروح لميكانيكي

[eldell]

باشا الرجه الى مع الفرامل ديه بتبقى من الطنابييير اكشف عليييها اكيييد محتاجه تتغير

[M.Ayman]

الاحتمال الاكبر التيل او الطنابير خلاص قربت تخلص و ممكن يكون في حاجه في الجنوط او العفشه و ان شاء الله خير

[airfox]

هو انا لسه مغير تيل قريب و العفشه كنت مظبط فيها حاجات كتير هو الاحتمال الاقرب طنابير بس يا ريت لو حد يعرف تكلفتها كام تقريبا و هل هغير طنابير امامي و خلفي و لا ممكن تكون واحده منهم بس

[Ahmed Selim]

هو انا لسه مغير تيل قريب و العفشه كنت مظبط فيها حاجات كتير هو الاحتمال الاقرب طنابير بس يا ريت لو حد يعرف تكلفتها كام تقريبا و هل هغير طنابير امامي و خلفي و لا ممكن تكون واحده منهم بس

على الأغلب الطنابير الأمامية مش مظبوطة......فيها عالي و واطي.

فك و شوف سمكها عامل أزاي......لو 21.7 مللي أو اقل يبقى محتاجة تتغير..........لو أكتر ممكن تاخدها لخراط يساويها بس بعد ما يساويها متقلش عن 21.7 مللي.

أنا فاكر أني كنت جبتهم بس من زمان شوية من شارع دمشق و مش فاكر الماركة بس كانو فى حدود من 350 ل 450 جم جداد.

[airfox]

ربنا يخليك يا احمد باشا انا ان شاء الله هروح و اعمل اللي انت قلت عليه ولو لقيت انهم محتاجين يتغيروا وفي السعر ده هغيرهم ان شاء الله

[MohammedAladel]

راجع الأسعار فى المواضيع المثبتة كل ما تريد معرفته عن ميجان 2