حاجة غريبة والله

[mohamedadelemam]

السلام عليكم..مبدئيا والدتى معاها رينو ميجان 2 موديل 2005 مانوال هاتشباك جايباها من الزيرو وهى عاملة الآن حوالى 25000كم وماشاء الله بحالة ممتازة..المهم انها فكرت فى البيع وجاء واحد يشترى بعد ما اتفرج قبل ما نتكلم فى سعر يقول لى انى غشاش ولاعب فى العداد لأن موديل 2005 لازم على الأقل تكون عاملة 150000كم وشكل الموتور نضيف مفيش زيت والعلب سليمة فى مكانها احتمال اكون مغير نص العربية وبضحك عليه وقال لى دى تخوف اى حد واخرى ادفع 40 ألف فيها..يا جماعة هو ذنب والدتى ان استعمالها قليل جدا للسيارة وبتبيعها وهى لسه جديدة عشان عايزة تجيب حاجة اوتوماتيك واوسع؟!!!..وقبل كدا واحد يقول لى متساويش دى مانوال وهاتشباك يعنى مش مطلوبة والله خسارة فيهم مش هبيعها واخليها استعملها فى مشاويرى الصغيرة لأن عربيتى كبيرة واستهلاك البنزين مقارنة بالميجان مفترية

[S O P H O S]

معلش يا باشا
انت عارف قيمة عربيتك كويس
مش تستعجل فالبيع وهيجي الي يقدر العربية ومدام العربية ما شاء الله نظيفة كده
يبقي هيجي الي يقدرها بيع علي مهلك وانسي كلام الناس الي عاوز تموت العربيات علشان المكسب
وموفق ان شاء الله ..

[mohamedadelemam]

يلا الحمدلله ومتشكر اوى لحضرتك بس بجد اتنرفزت جدا يعنى هى لازم العربية تبقى مخلعة وموتورها مبهدل عشان تعجب اشكالهم!!!

[AlGazar2]

معلش يا باشا تلاقيهم تجار او ملهمش فى الميجان

[p r i n c e]

يا باشا انا ممكن اشتريها منك انا بدور على ميجان ياريت حضرتك تقولي طالب فيها كام و لون العربية ايه و راشة حاجة برا ولا لأ و ياسلام لو رفعتلي كام صورة ليها

[mohamedadelemam]

أنا اسف حضرتك مش بعرف ارفع صور بس هى كالزيرو تمام زى ما اشتريناها والحمدلله مفيش ولا خدش ومطلوب 85 ..

[p r i n c e]

اوكي ياباشا شكرا على سرعة الرد بس للأسف المبلغ المطلوب اكتر من امكانياتي بس واضح إن العربية نضيفة و تستاهل
ربنا يوفقك ف البيع :-)

[akmm]

متزعلشى وفعلا فيه ناس بتحافظ على العربيه جدا ولايبان انها مستعمله لأنهم دى طبيعتهم فى الإستخدام ... على العموم موفق ........................

[mohamedadelemam]

أكرمكم الله وربنا يرزق حضرتك بأحسن منها تقبل تحياتى

[p r i n c e]

تسلم يا باشا و ربنا يوفقك ف بيعها

[mohamedadelemam]

ميرسى

[MohammedAladel]

عربية زى دى لو بالحالة اللى بتقول عليها ومانيوال ..... خسارة إنك تبيعها حتى لو بالسعر دا ....... شوف النهاردة العربيات جديدة أسعارها عاملة إزاى وميجان برضه بتنافسها وتتفوق على الكثير من السيارات فى فئتها

كفاية من يومين المطر نزلت جامد ومشيت بالعربية لمشوار غصب عنى وبقيت أستهبل على الطريق وأشوف الثبات والفرامل الفجائية ........ ماشاء الله على ال abs و ebd ...... حاجة جميلة بجد العربية متفاهمة مع الطريق وبتسايس الطريق ..... عربية أصيلة بمعنى الكلمة ربنا يحميها :)

[mohamedadelemam]

ميرسى ربنا يكرم حضرتك ويبارك لك فى سيارتك..انا فعلا فكرت فى كدا هخليها جنب عربيتى ال605 لأن عربيتى كبيرة وصعبة فى الزحمة دى هتبقى اسهل كتير وموفرة كتير عنها فى البنزين خسارة فعلا تتباع انا ركبت حاجات كتير بس ماشاء الله مفيش زيها فى نعومتها وتوفيرها للبنزين وبالنسبه لى أنا بفضل ركوب المانوال

[amrelsha3er]

ربنا يكرمك فى البيع
وبالنسبه لاى حد يشكك فى كلامك قولهيخدها يرفعها فى توكيلها

[mohamedadelemam]

خده ربنا ..دا كان عايزنى اخدها التوكيل وادفع تمن الكشف وبعد كدا يفكر ياخدها ولا لأ....خلاص هى الحمدلله هاتشباك وخليها للمشاوير الصغيرة يكفى انها عمرها ما وصلت لسرعة 100 كلم/الساعة غير مرة واحدة على ايدى وكانت بكل سهولة