سؤال ضرورى عن كفاءة تكييف رينو فلوينس

[محود فتوح]

رجاء من مالكى رينو فلوينس يجاوبولى على السؤال ده
تكييف الفلوينس عامل ايه معاكم فى شهور السنة عامة وفى شهر 7 و 8 خاصة ؟
لان فى ناس قالتلى انه سىء جدا ،،،،،فهل هذا الكلام مظبوط خصوصا وانى عارف ان جسم العربية كبير وتقيل ولوجيك انه يأثر على التكييف
لكن هل تأثير جسم العربية على التكييف يخللينى فى عز الحر وانا مشغل التكييف كإنه مش شغال وللا هو كويس بس مش بنفس كفاء الكوروللا مثلا ؟
ارجو الرد من مالكى الفلوينس

[Rsarabia]

هو كويس لكن مش بنفس كفاءة اليابانى و الكورى
كمان فى مشكلة لما تركن فى حتة شمس و العربية تسخن و تيجى تدخل بتاخد وقت على ما يبرد العربية لان التلاجة بتكون سخنة جدا
عامة هو جيد لكن لو التكييف بالنسبة لك مهم جدا و لازم يكون تلاجة يبقى شوف بديل يابانى او كورى لان الاوروبى كله تكييفه تقريبا نفس الفكرة :)

[محود فتوح]

هو كويس لكن مش بنفس كفاءة اليابانى و الكورى
كمان فى مشكلة لما تركن فى حتة شمس و العربية تسخن و تيجى تدخل بتاخد وقت على ما يبرد العربية لان التلاجة بتكون سخنة جدا
عامة هو جيد لكن لو التكييف بالنسبة لك مهم جدا و لازم يكون تلاجة يبقى شوف بديل يابانى او كورى لان الاوروبى كله تكييفه تقريبا نفس الفكرة :)

هو انا شخصيا مابقدرش استحمل مواجهة مباشرة للتكييف ، والحاجة الوحيدة اللى ممكن تعملى هبوط هو مواجهة التكييف ،،،،،،،لكن فى الحر الشديد فى شهر 8 لازم العربية تكون على الاقل درجة حرارتها كويسة مش زى الجو الخارجى ،،،،،،،،،ولو سمحت هيا بتاخد وقت اد ايه على مالهوا داخلها بيبرد ولنفترض انى ركنتها 6 ساعات فى الشمس ،،،،لان ده المعدل الطبيعى لخروجى من الشغل.

[MohammedAladel]

سبحان الله ........ أنا مش بستخدم التكييف الساقع خالص .... ومقدرش أستغنى عن التكييف السخن فى الشتاء دى

هو الملاك بيقولوا إن تكييفها جيد وليس سئ

[wawoo]

سبحان الله ........ أنا مش بستخدم التكييف الساقع خالص .... ومقدرش أستغنى عن التكييف السخن فى الشتاء دى

هو الملاك بيقولوا إن تكييفها جيد وليس سئ

يعنى بتستحمل ازى الحر فى الصيف يا محمد ...انا افهم انك تستخدم الساقع بدرجة صغيرة ..انما خالص دى مش متخيلها الحقيقية ...

يعنى بتشغلة مروحة فقط ..ولا بتفتح الزجاج ولا بتعمل اية بالضبط :)

الميجان 3 تكيفها معقول جدا ....انا مش مستعملتش اعلى درجة فيها حتى الان ...فى عز الصيف ...وهو نفس تكيف الفلوينس بس مساحة الزجاج اقل لانها هاتش باك .."بتفرق اعتقد"

يعنى تقدر تقول هو احسن من تكيف الاوربى العام ..و اقل شوية من تكيف اليابانى ..فى كل الاحوال هو كافى جدا ..للناس الطبعيين "اقصد اللى بيستعملو التكيف بالمعقول " ..و لا يؤثر على السحب ..لكن يمكن بياثر شوية فى استهلاك البنزين

[Rsarabia]

هو انا شخصيا مابقدرش استحمل مواجهة مباشرة للتكييف ، والحاجة الوحيدة اللى ممكن تعملى هبوط هو مواجهة التكييف ،،،،،،،لكن فى الحر الشديد فى شهر 8 لازم العربية تكون على الاقل درجة حرارتها كويسة مش زى الجو الخارجى ،،،،،،،،،ولو سمحت هيا بتاخد وقت اد ايه على مالهوا داخلها بيبرد ولنفترض انى ركنتها 6 ساعات فى الشمس ،،،،لان ده المعدل الطبيعى لخروجى من الشغل.

عشان تبقى متكيف نوعا ما عاوزة مثلا 10 دقايق بس الاول بتشغله على اخر حاجة و بتفتح الزجاج عشان تخرج الهوا الساخن و بعدين تقفل و بتشغله عالاخر فى عز الصيف

[Youssef.Awad]

احب اقول لكل واحد ركب ميجان 1 و 2 .. وعانى من تكييفها زمان
دلوقت بعد تحالف رينو ونيسان .. تكييف الميجان والفلوانس بقى هو هو تكييف اليابان
والكلام ده عن تجربة فى رينو السعودية كمان مش مصر

[Moratoz]

بس يا تري الكلام دا ينطبق علي الفلوانس المصري ولا الخليجي فقط استكمالا للفروق بين الوكيل والخليجي

[MohammedAladel]

يعنى بتستحمل ازى الحر فى الصيف يا محمد ...انا افهم انك تستخدم الساقع بدرجة صغيرة ..انما خالص دى مش متخيلها الحقيقية ...

يعنى بتشغلة مروحة فقط ..ولا بتفتح الزجاج ولا بتعمل اية بالضبط :)

الميجان 3 تكيفها معقول جدا ....انا مش مستعملتش اعلى درجة فيها حتى الان ...فى عز الصيف ...وهو نفس تكيف الفلوينس بس مساحة الزجاج اقل لانها هاتش باك .."بتفرق اعتقد"

يعنى تقدر تقول هو احسن من تكيف الاوربى العام ..و اقل شوية من تكيف اليابانى ..فى كل الاحوال هو كافى جدا ..للناس الطبعيين "اقصد اللى بيستعملو التكيف بالمعقول " ..و لا يؤثر على السحب ..لكن يمكن بياثر شوية فى استهلاك البنزين

أنا الحمد لله عندى قدرة عالية على استحمال الحرارة بتحمل الحر الجامد قوى وبعشق الصيف لو شغلت التكييف بشغله نزاهة كدا وعلى آخر سرعة ...... بفتح الشباك فعلا حتة صغيرة قوى لحد ما الهواء السخن يطلع وأقفله تانى

لكن فى الشتاء بتعب جامد مش بستحمل البرد وببقى تعبان نفسيا كمان ومتعقد منها .... بركب العربية أشغل التكييف على السخن اعلى درجة وأتمنى إن لو كان المشوار 300 كيلو مش 3 كيلو عشان منزلش من العربية وأنا حاسس بالدفء للبرد القاتل