ترشيح زيت من أويل سيل الكرنك الخلفى وجوان الكارتيرة

[figoo2001010]

السلام عليكم,

بالأمس كنت فى التوكيل بعمل صيانة ال 60 والحمد لله قالى مفيش طرمبة ميه ولكن قالى على المشاكل الاتية:

السيارة تحتاج الى:
1- علبة دريكسيون ب 3300 و 400 مصنعية :(
2- 2 مساعد أمامى 2*660 وبطاحة 770 ومصنعيتهم 500
3- قاعدة فتيس 165 (( ودى تم تغيرها فى الحال نظرها لتهالكها وكان فى دبة فى الفتيس وراحت الحمد لله))
4-أيرباج بالتركيب 1450

5-وأكثرهم قلقاً يوجد ترشيح زيت من أويل سيل الكرنك الخلفى وجوان الكارتيرة ودة هيكلفك 2000""اللى فهمتوا انوا هيغير جلد""

طبعاً انا مكنش ينفع أعمل الهزار دة كلوا الا قاعدة الفتيس بجانب صيانة ال 60 و انا مش مدايق من العفشة لدرجة انى اغيرها دلوقتى وممكن أعمل حشو بعدين للعلبة ,ياريت تفيدونى بافضل حل والايرباج هشوف حد يلحموا ,,,, يفضلى رقم خمسة ياريت حد يشرحلى دا معناه اية وفين ومدى تاثيرة وهل ممكن تتلم باقل من كدة وممكن اصبر عليها والا لا....

[maskeen]

يا نهار اسود!! كل ده بعد 60 الف بس!!

ربنا يعينك على همك

[MohammedAladel]

معلش ..... عايزك تقولى بتحس بإيه فى الدريكسيون ؟
رشح الزيت فين بالظبط فى الموتور يعنى واصل لفين ؟؟ فوق الموتور مثلا وعلى الأجناب ؟؟
بالنسبة لقاعدة الفتيس برضه كنت بتحس بإيه بالظبط ؟؟

بالنسبة لشريط الأيرباج ياريت تفكه بسرعة عشان تلحمه قبل ما يتكسر ويبوظ من جوا http://www.nilemotors.net/Nile/304678-a.html

[Ahmed Selim]

كلم الراجل ده و روح له أسمه هاني و ورشته فى مسطرد

01225391753

قوله من طرف أيمن الفلاج ( أيمن مومو ) و أيمن بيشكر فيه جداً............و كان شغال فى التوكيل.

إن شاء الله هيظبطلك اللى أنت عاوزه

أويل سيل الكرنك الخلفي مشكلته الوحيدة على حد علمي هي أن مكانه غبي............يعني علشان يوصل له بيفك أجزاء كتير................لكن الأويل سيل نفسه هتلاقي سعره قليل بس المصنعية هي اللى عالية.

السؤال دلوقتي هل الزيت بينقص معاك ؟
هل بتلاقي العربية بعد مشوار مش بتدور من أول مرة ؟

لو مفيش حاجة من الأتنين دول بتحصل معاك يبقى ممكن تمشي بيه عادي لحد ما تلاقي حاجة منهم بتحصل و ساعتها تبتدي تغير..............بس برضه أتأكد من هاني ختى لو بالتليفون.

نيجي للباقى بقى......

1- علبة الدركسيون...............هل أنت بتشتكي من حاجة لما تعدي فى حتة مكسرة أو على شريط مترو ؟ لو لأ يبقى فكك من كلام التوكيل.
2- المساعدين ممكن تشوف مساعدين ماركة تانية زي مونرو مثلاً و البطاحات هتلاقيها برة التوكيل فى حدود 300 و مصنعية لتركيبهم فى حدود 250 ل 300..............و جرب تشحم البطاحات الأول لأن ساعات القصة كلها بتكون أن البطاحة الشحم اللى فيها نشف.
4- أيرباج ب 1450 في التوكيل ؟ ولا قصدك شريط الأيرباج ؟
لو شريط الأيرباج.................هتلاقيه فى صقر قريش و الحرفيين فى حدود 700 بالتركيب و مش بياخد أكتر من ربع ساعة...............بس شوف الموضوع اللى محمد العادل حطه..........جايز تعرف تصلحة.

[figoo2001010]

معلش ..... عايزك تقولى بتحس بإيه فى الدريكسيون ؟
رشح الزيت فين بالظبط فى الموتور يعنى واصل لفين ؟؟ فوق الموتور مثلا وعلى الأجناب ؟؟
بالنسبة لقاعدة الفتيس برضه كنت بتحس بإيه بالظبط ؟؟

والله يا محمد هى العربية ممكن تكون نشفت شوية فى العفشة بشكل عام بس انا موصلتش لمرحلة أنى مضيق خالص لدرجة أنى أغيرها وأكيد دة مش هيحصل بس اللى علقت علية أنى لما بلف الدريكسيون يمين بيبقى فى تزيقة مكنتش موجودة ويمين بس
اما بالنسبة للترشيح دة ابتدى معايا لما كتبت موضوع عن رحلتى لمطروح والردياتير كان مخروم وقرصت جامد على العربية ,,, أعتقد الحرارة أثرت عليها وكان فى ترشيح بس لما غسلت الموتور مبقاش فى ترشيح معرفش بقى كان فى تحت الموتور والا لا ممكن يكونوا هما شافوا....بس لما قلولى كدة قلقت

بالنسبة لتصليح شريط الايرباج "جزاك الله خيراً" انا فعلاً كنت لسة هدور على الموضوع ده وأحاول أصلحة بنفسى ولو معرفتش أمرى لله أعملوا برة

بالنسبة لشريط الأيرباج ياريت تفكه بسرعة عشان تلحمه قبل ما يتكسر ويبوظ من جوا http://www.nilemotors.net/Nile/304678-a.html

كلم الراجل ده و روح له أسمه هاني و ورشته فى مسطرد [COLOR="rgb(65, 105, 225)"]أنت تقصد كوبرى مسطرد !!![/COLOR]

01225391753

قوله من طرف أيمن الفلاج ( أيمن مومو ) و أيمن بيشكر فيه جداً............و كان شغال فى التوكيل.

إن شاء الله هيظبطلك اللى أنت عاوزه

[COLOR="rgb(65, 105, 225)"]ربنا يكرمك يا أبو حميد دايماً كنت عارف انك اكتر واحد هيظبطنى ربنا يباركلك يا هندسة
[/COLOR]

أويل سيل الكرنك الخلفي مشكلته الوحيدة على حد علمي هي أن مكانه غبي............يعني علشان يوصل له بيفك أجزاء كتير................لكن الأويل سيل نفسه هتلاقي سعره قليل بس المصنعية هي اللى عالية.

[COLOR="rgb(65, 105, 225)"]هو دة اللى حصل فعلاً واستشفتوا من كلامهم انوا هيغير جلد ومرضيش يقولى بكام وقاللى الموضوع مجملاً يتكلف حوالى 2000ج ففهمت انوا المكان اللى صعب ودى مصنعية اكتر منها قطع غيار
[/COLOR]
السؤال دلوقتي هل الزيت بينقص معاك ؟
هل بتلاقي العربية بعد مشوار مش بتدور من أول مرة ؟

[COLOR="rgb(65, 105, 225)"]الزيت للامانة مكشفتش عليه
اما بالنسبة للدوارة انا عندى مشكلة تانية ان البطارية تقريباً فيها ربع ودا بيخليها تتاخر لما بسبها يوم كامل بس فا بتتعبى فى الدوارة الاولى بس مجرد ممشيت والبطارية تشحن بتبقى طول اليوم باللمس
[/COLOR]
لو مفيش حاجة من الأتنين دول بتحصل معاك يبقى ممكن تمشي بيه عادي لحد ما تلاقي حاجة منهم بتحصل و ساعتها تبتدي تغير..............بس برضه أتأكد من هاني ختى لو بالتليفون.

نيجي للباقى بقى......

1- علبة الدركسيون...............هل أنت بتشتكي من حاجة لما تعدي فى حتة مكسرة أو على شريط مترو ؟ لو لأ يبقى فكك من كلام التوكيل.
[COLOR="rgb(65, 105, 225)"]زى مقولتلك مافيش حاجة تضايق وانا كدة كدة كنت هفك منهم بس اللى علقت علية أنى لما بلف الدريكسيون يمين بيبقى فى تزيقة مكنتش موجودة ويمين بس معرفش دة لية علاقة والا لا
[/COLOR]
2- المساعدين ممكن تشوف مساعدين ماركة تانية زي مونرو مثلاً و البطاحات هتلاقيها برة التوكيل فى حدود 300 و مصنعية لتركيبهم فى حدود 250 ل 300..............و جرب تشحم البطاحات الأول لأن ساعات القصة كلها بتكون أن البطاحة الشحم اللى فيها نشف.
[COLOR="rgb(65, 105, 225)"]برضة لسة موصلتش لمرحلة انى مضايق خصوصاً انى من اول مشتريتها وهما بيقولوا كدا :)
[/COLOR]4- أيرباج ب 1450 في التوكيل ؟ ولا قصدك شريط الأيرباج ؟
لو شريط الأيرباج.................هتلاقيه فى صقر قريش و الحرفيين فى حدود 700 بالتركيب و مش بياخد أكتر من ربع ساعة...............بس شوف الموضوع اللى محمد العادل حطه..........جايز تعرف تصلحة.

[COLOR="rgb(65, 105, 225)"]هجرب الاول :)
[/COLOR]

[MohammedAladel]

ممكن الأستاذ شريف محمد يساعدك ويعملهولك مجانا Sherif Mohammed

[figoo2001010]

صحيح أزاى مفيش ولا رسالة ولا لمبة للايرباج طلعتلى ازاى تبقى فيها مشكله !!!! والا مش ضرورى

[MohammedAladel]

يبقى سيبك منها........ بتحس بتكتكة وإنت بتلف الدريكسيون ........... بص من ورا الدريسكيون هتشوف الشريط لونه أبيض لف الدركسيون لو لقيته بينزل ويطلع وإنت بتلف يبقى مقطوع

بس لازم اللمبة تنور لو غير كدا يبقى طنش ....

سؤال مثبت السرعة شغال ولا لأ ؟ لو شغال يبقى الشريط مية مية مفيهوش حاجة

[figoo2001010]

ايه يا عم محمد دة ...... يعنى الناس اللى فى التوكيل دى بتهس عليا وبتشتغلنى .... مفيش تكتكة بالمنسبة فى تزيقه لما بلف الدريكسيون يمين بس مش عارف دى من اية علبة الدريكسيون والا فى حاجة محتاجة تتشحم !!!!

و النهاردة هروح اجرب مثبت السرعة وأبص على الشريط !!

[Ahmed Selim]

بص يا باشا واضح كده من كلامك أن التوكيل عاوز يعمل شغل

عموماً هي التزييقة اللى أنت تقصدها دي خشنة ؟ يعني صوتها تخين شوية ولا لأ ؟

لو كده يبقى شحم البطاحات بس.

بالنسبة للأيرباج..........أنت مفيش عندك لمبة منورة........و مش بيتسمع صوت تكتكة مع لف الدركسيون طالع من ورا الطارة يبقى غالباً مفيهاش حاجة إن شاء الله.............و خصوصاً لو مثبت السرعة شغال

إلا بقى لو لا قدر الله طلع صاحب العربية اللى أنت أشتريت منه كان قافل اللمبة و الشريط كان مقطوع تماماً...............بس فى الحالة دي المثبت مش هيشتغل.

[MohammedAladel]

زى ما قال الأستاذ أحمد بالنسبة للتزيقة ممكن تكون البطاحة ,,, ولوخبطة كمان يبقى احتمال كبير البطاحة عايز تتأكد

خلى حد يركب مكانك فى العربية ودورها على النظام الوهمى اللى بيحرر الدريكسيون من غير ما يدور الموتور وإنزل وخلى حد يركب مكانك ويلف الدريكسيون يمين ولاحظ السوستة اللى راكبة على المساعد لو لقيتها بتنطر من مكانها وهو بيلف يمين يبقى البطاحة فعلا ركز هتعرف الصوت جاى منين

[MohammedAladel]

ممكن التوكيل يكون قصده على حاجة تانية إحنا منعرفهاش غير الشريط ؟؟

[figoo2001010]

عدنا طبعا شاكر لافضلكم وجزاكم الله خيرا وحبيت اقفل الموضوع عشان اللى يفتحوا يستفيد

مبدائيا العربية مطلعتليش رسالة ايرباج ولا لمبة فى حين ان اللمبة بتنور فى التشيك اب الاول لتشغيل العربية وبصيت زى ما الاستاذ محمد قال على الدركسيون من وراء مفيش اى حاجة واقعة والشريط بيلف عادى واضح انهم فعلا بيشتغلونى او كان قصدهم يناجدوا مخدات الايرباج

اشكر الاستاذ احمد بخصوص هانى لانوا يبعد عنى اربع دقائق وفعلا كشف على ترشيح الزيت قالى حاجة بسيطة ومتقلقش
والجميل انوا كشف على كل حاجة التوكيل قالى عليها وفرجهالى بنفسة ودى ميزة مش فى التوكيل

بالنسبة لعلبة الدركسيون مسك كل عجلة بايده وهزهاواحدة كانت سابتة والتانية كانت بتلق فقالى دى حلها تغير بارات
اما البطاحة كان فى واحدة كويسة وواحدة متاكله

الورشة مش كبيرة بس هو حد فاهم وعندوا كذا عربية ميجان ومخدش منى اى فلوس وقلتلوا هعدى عليك كمان شهر عشان الصيانة ال٦٠ حارقة شوية

[figoo2001010]

نسيت اقولكم انا جربت مثبت السرعة والمحدد وكل الزراير الخاصة بيهم كلوا تمام الحمد لله

[MohammedAladel]

كدا تمام يبقى الشريط عندك مفيهوش أى حاجة وياريت تشكى التوكيل