أخيرااااااااااااااااااا استلمت ساندي حبيبه قلبي .

[midon1]

اللهم لك الشكر والحمد
الحمد لله استلمت رينو سانديرو 2013 النهارده بعد رحله عذاب وبحث عن سياره دامت 4 شهور

في الحقيقه أنا مليش أوي في موضوع التقرير ده

لكن الحمد لله العربيه بالنسبالي فوق الممتازه
بس في كام نقطه كده كنت عاوز أسأل عليها

دلوقتي أنا اول ما استلمت العربيه مكنش فيها نقطه بنزين يدوب ودتني المرور ورخصت ورجعت
قمت واخدها ومفول بنزين 92 . حطيت 56 لتر ب 104 جنيه يلا مش خساره في ساندي

المهم رحت مشوار وسافرت وكده وعملت حوالي 70 كيلو وكان نصيب الشرط شرطه واحده بس اللي قلت

يبقي كده المفروض ان الشرطه بتعمل 70 كيلو ؟؟؟
يبقي ال 9 شرط الباقين يعملوا حوالي 600 كيلو صح ؟؟؟

لقيت الكمبيوتر جايبلي علامه عربيه رايحه بنزينه ( قلت أكيد التفويله الجايه ) وكاتب تحتها رقم 251 كيلو !!!!!!!!!!!!!1


غير كده الحمد لله والشكر لله العربيه ممتازه
ربنا يباركلي فيها يااااااااااااااااااااااااااااارب

[MohammedAladel]

ألف مبروك ربنا يباركلك فى سانديرو ... حلوة ساندى دى ... بصراحة ملهاش حل ساندى فنانة مبدعة

[Mostafa.Mahran]

موضوع استهلاك البنزين مش هيبان دلوقتى خالص

لين العربية الاول و اعمل اول صيانة و غير الزيت و بعد كده ابدأ احسب

[Mohab.Nabil]

ألف مبروك ربنا يباركلك فى سانديرو ... حلوة ساندى دى ... بصراحة ملهاش حل ساندى فنانة مبدعة

ساندى ديه ملكة الابداع يا معلم

بس و الله الاسم دا حببنى فى العربية اكتر و اكتر

الف مبروك يا باشا و زى ما قالولك الاخوة متقيسش الاستهلاك الا بعد شوية على ما العربية تظبط نفسها

و بعدين اللى على الكمبيوتر دا بيبقى الاستهلاك اللحظى يعنى ممكن وقتها كنت واقف فى زحمة او بتشد او كده فالعربية بتقولك بنفس طريقة السواقة ديه هتعمل الـ 270 كيلو بس مثلا لو مشيت على طريق مفتوح هتلاقى الرقم ده بيعلى مش بيقل مع انك مفروض بتستهلك بنزين

[S O P H O S]

الف مبروك
ربنا يباركلك فيها ..

[akmm]

الف مبروك . وربنا يبارك لك فيها ..........

[Moratoz]

الف مبروك ومستنين رأيك بعد اول ١٠٠٠ كيلو للأفادة

[amrelsha3er]

ألف مبروك ربنا يكفيك شرها ويديك خيرها
انا معايا الشرطه دى بتعمل 35ك
يعنى انت كده ممتاز وانا على كده عربيتى بتاكل بنزين
مقولتش عربيتك مانيوال ولا اوتو

[midon1]

ألف شكر ليكوا ياجماعه

معلش مدخلتش من امبارح . كنت صايع مع ساندي طول اليوم
الواحد والله بيزعل أما يروح بيها ويبقي مش عاوز ينزل منها كده والله بفضل ييجي نص ساعه قاعد فيها بس كده قبل ما أطلع

عسوله ماشاء الله واللون النبيتي بتاعها مخلي الناس عماله تعاكسها كل ما تشوفها
قمت اشتريت لها غطا النهارده علشان نحافظ عليها . لازم تكون سمعه ساندي حلوه برده


أنا خلاص هشيل موضوع استهلاك البنزين ده نت دماغي خالص بعد كلامكم ده وهنشوف بقي بعد كده ان شاء الله


بس عندي كام مشكله كده وعاوز رأيكم فيهم

أنا كنت هركب النهارده وحده رفع ومعاها ضم المرايات كهربا ورحت علشان اركبهم
ناس خوفتني قالتلي هتطلع العربيه من الضمان
الناس دي مين بقي : الناس بتوع المعرض وواحد مهندس صيانه في مركز خدمه رينو )
بعدين بعد شويه لقيته بيقولي تعالي أركبهولك عندنا في مركز الخدمه قلتله طب منين هيطلع من الضمان ومنين هتركبهولي !!

طبعا هو مقالش كده غير لما سمعني بقول هروح أركبه في العبور

ده غير طبعا موضوع السنسور اللي رفضوا برده وقالولي هيطلعك من الضمان

وقعدوا بقي ييجي نص ساعه يلعنوا في أم الحاجات دي .... دي صينه .. دي بتبقي جايه من اليابان وبتضرب .. دي بتاعه معرفش ايه كده جايه مع العربيه من بلادها وضربت ... دي بتضرب لوك الازاز الكهربا ... دي حمل علي كهربه العربيه ....وخد من ده كتيييييييييييييييييييييير

أنا مش عارف .. أنا نفسي أعمل الحركه دي بصراحه ونفسي كده وهموت وأركب سنسور



معلش طولت عليكم


اللي بيفكر في عربيه ..... بجد بجد الرينو سانديرو عربيه ركوبه .. ربنا يبارك فيها يارب

أه نسي أنا عربيتي أوتو ياعمرو باشا

[Moratoz]

والله أنتا تشبيهاتك كلها غريبه ولذيذه حببتني في ساندي وشكل هيبقي في مشاكل بينا

[Mohab555]

الف مبررررروك يا باشا ربنا يديك خيرها و يكفيك شرها ... متركزش مع البنزين اول 1000 كم و كمان خلى بالك من ان البنزين نفسه ممكن يكون وحش ..

[Ahmed Amin]

دلوقتي أنا اول ما استلمت العربيه مكنش فيها نقطه بنزين يدوب ودتني المرور ورخصت ورجعت
قمت واخدها ومفول بنزين 92 . حطيت 56 لتر ب 104 جنيه يلا مش خساره في ساندي

المهم رحت مشوار وسافرت وكده وعملت حوالي 70 كيلو وكان نصيب الشرط شرطه واحده بس اللي قلت

يبقي كده المفروض ان الشرطه بتعمل 70 كيلو ؟؟؟
يبقي ال 9 شرط الباقين يعملوا حوالي 600 كيلو صح ؟؟؟

لقيت الكمبيوتر جايبلي علامه عربيه رايحه بنزينه ( قلت أكيد التفويله الجايه ) وكاتب تحتها رقم 251 كيلو !!!!!!!!!!!!!1


غير كده الحمد لله والشكر لله العربيه ممتازه
ربنا يباركلي فيها يااااااااااااااااااااااااااااارب

أولاً مبرووك عال عربية وربنا يبارك لك فيها,,
ومع أحترامي لكلام الناس, تصحيح معلومة.
مفيش حاجة أسمها العربية لسه بتليين أو ان البنزين وحش.!

العربية ألريدي ملينة بس أنت ممكن تمشي بيها براحة أول 500 كيلو ودا الأفضل بعد كدا تمشي براحتك,
والبنزين مش هيخلي الأرقام دي تختلف,
سواقتك داخل مدينة أو خارجها هوا اللي بتغيرها ونمط سواقتك ..

العلامة اللي بتظهر لك دي بتاعت العربية والبنزينة دا Average للمسافة اللي ممكن تمشيها بتفويلة العربية دي لحد ما تحتاج تفول تاني او تدخل بنزينة.

لو انت لسه مفول وطالع من البنزين وماشي وسط البلط ف طريق زحمة بتتحرك وتقف كل شوية طبيعي أنك تلاقيها مدياك في معدل انها تمشي بالتفويلة دي 400 كيلو متر جوا البلد.

أما لو طلعت عال طريق السريع ومشيت في خط طوالي هتلاقي ال Average دا وصل معاك ل 600 كيلو

لأن معدل الأستهلاك جوا داخل المدينة أعلي من الأستهلاك عال طريق السريع..

بس كدا دا الموضوع بكل بساطة وهوا دايماً رقم متوسط لنمط سواقتك وانت هتتأقلم عليه مع الوقت
لو بتحرق عال عربية الرقم هيقل بسرعه,
ولو سواقتك هادية ورجلك مش تقيلة علي دواسة البنزين هتلاقي الرقم بيزيد وهكذا.

[midon1]

طب هو فين عداد الزيت ده ؟؟؟!!!

أخو مراتي ركب العربيه وبيقولي العربيه مفيهاش عداد زيت !!
وان ده مهم لانه المفروض اللي بيعرفك تغير الزيت امتي ؟؟


وأنا بالنسبالي أفنج الكبوت في فتره التليين دي امتي؟؟ أو افتحه امتي اساسا!!!!
أنا علي طول بسمع انه لازم نحط ميه للعربيه كل يومين ونغير الزيت كل فتره وكده

الكلام ده أعمله ازاي ؟

[MohammedAladel]

هو غالبا عداد الزيت بيبقى مع ال service بيبقى مضبوط على 10 آلاف كيلو تقريبا

[midon1]

الله ؟!! يعني أنا مش هغير الزيت بعد ألف كيلو ؟!!!!

أصلي سمعت انه لازم أغير زيت التليين بعد ألف كيلو علشان الشوائب اللي بتبقي فيه وكده