استفسار بخصور مراية الميجان

[fathyagha]

السلام عليكم ورحمة الله

من فترة المراية اليمين اتخبطت و اتكسرت المهم اشتريت واحدة استيراد بس مراية عادية مش ضامة .. و المراية القديمة موجودة و المتور بتعها شغال .. فهل ممكن اركب المتور بتاع المراية المكسورة في الجديدة ولا لاء ؟

[akmm]

متابع ... وباهتمام .

[MohammedAladel]

دى هتعتمد على ... إذا كان ضفيرة الكهرباء فى العربية فيها سلوك تشغيل الموتور عايز تعرفها لازم تفك الفيشة .. ياريت تشوف الموضوعين دول تشوف شكل المراية ا لضم وهى مفكوكة وتشوف كمان فى الموضوع التانى السلوك اللى فى الفيشة

http://www.nilemotors.net/Nile/301521-a.html#post3874453651

http://www.nilemotors.net/Nile/318685-a.html

تانى حاجة إنت برضه لازم تشوف تصميم المراية عندك والقاعدة بتاعتها هل حاطين حاجة بديلة للموتور فى نفس حجمه لأن الموتور دا فى المراية الضم هو اللى ماسك المراية فى الشاسيه

طبعا لازم يكون فى المراية الجديدة نفس المكان لتركيب الموتور القديم .... يعنى يكون المرايتين فى التصميم من جوا واحد ويكون هما استغانوا ببديل للمتورو كسد خانة مش أكتر

غير كدا مش هتركب .... لو شفتها بعينيا كنت هقولك ينفع ولا لأ

[Ahmed Selim]

الضفيرة غالباً هتكون موجودة لأن حسب ما فهمت المراية اللى أتكسرت كانت ضم.

يتبقى أنك تفتح المرايتين و تشوف فيه أيه جوة.........بس تستحق المحاولة.

[MohammedAladel]

إيه دا يا جماعة ..... أنا مش بركز فى المشاركة ... لما المراية أساسا كانت ضم ... بالتأكيد الضفيرة موجودة أنا آسف

بالنسبة للمراية نفسها بقى ... طبعا بيبقى فيها الفيشة اللى بتركب فى فيشة ضفيرة العربية هيكون راكب فيها موصلات بتاع تحريك كف المراية أما بتوع الموتور اللى بيضم بالتأكيد هتكون ناقصة ... سلكين ... بتوع محرك المراية الضم ..... هتستعين بالفيشة القديمة ولو قرأت موضوع الفيشة بتتفك وتتركب وممكن تضيف عليها السلوك من الفيشة القديمة

يعنى دلوقتى الحل قدامك فى إنك تشوف البنية بتاعة المراية اللى معاك هتفكها طبعا أو على الأقل من برا من تحت أمسك الموتور القديم وشوف القاعدة بتاعته ينفع تركب فى الشاسيه الجديد

أو ممكن تستعين بالشاسيه القديم